1.
2. [PS]ઇઝરાયલનો રાજા, જે દાઉદનો પુત્ર હતો, તે સુલેમાનનાં નીતિવચનો. [PE][QS]ડહાપણ તથા શિક્ષણ સંપાદન થાય, [QE][QS]ડહાપણની વાતો સમજવામાં આવે, [QE]
3. [QS]ડહાપણભરેલી વર્તણૂકની, [QE][QS]નેકીની, ન્યાયીપણાની અને ઇનસાફની કેળવણી મળે. [QE]
4. [QS]ભોળા માણસને ચતુરાઈ મળે [QE][QS]અને જુવાનોને ડહાપણ તથા વિવેકબુદ્ધિ મળે. [QE]
5. [QS]જ્ઞાની પુરુષ સાંભળીને વિદ્ધત્તાની વૃદ્ધિ કરે [QE][QS]અને બુદ્ધિમાન માણસને માર્ગદર્શન મળે. [QE]
6. [QS]કહેવતો તથા અલંકારો; [QE][QS]જ્ઞાનીઓનાં વચનો તથા તેઓના મર્મો સમજાય. [QE][PBR]
7. [QS]યહોવાહનો ભય એ જ્ઞાનનો આરંભ છે. [QE][QS]મૂર્ખો જ્ઞાનને તથા શિક્ષણને ધિક્કારે છે. [QE]
8. [QS]મારા દીકરા, તારા પિતાની શિખામણ સાંભળ [QE][QS]અને તારી માતાનું શિક્ષણ તજીશ નહિ. [QE]
9. [QS]તેઓ તારા મસ્તકે શોભાયમાન મુગટરૂપ [QE][QS]અને તારા ગળાના હારરૂપ થશે. [QE]
10. [QS]મારા દીકરા, જો પાપીઓ તને લલચાવે, [QE][QS]તો તું તેઓનું માનતો નહિ. [QE]
11. [QS]જો તેઓ કહે કે, “અમારી સાથે ચાલ, [QE][QS]આપણે ખૂન કરવા માટે સંતાઈ રહીએ; [QE][QS]આપણે નિર્દોષને વિનાકારણ હુમલો કરવાને છુપાઈ રહીએ. [QE]
12. [QS]શેઓલની જેમ આપણે તેઓને જીવતા અને જીવતા ગળી જઈએ, [QE][QS]જાણે કે તેઓ કબરમાં ગરક થઈ ગયા હોય. [QE]
13. [QS]વિવિધ પ્રકારનો કિંમતી માલ આપણા હાથમાં આવશે; [QE][QS]આપણે લૂંટથી આપણાં ઘરો ભરીશું. [QE]
14. [QS]તું અમારી સાથે જોડાઈ જા [QE][QS]આપણે બધા સિલકની સહિયારી થેલી રાખીશું.” [QE]
15. [QS]મારા દીકરા, તેઓના માર્ગમાં તેઓની સાથે ન ચાલ; [QE][QS]તેઓના માર્ગેથી તારા પગ પાછા રાખ; [QE]
16. [QS]તેઓના પગ દુષ્ટતા કરવા માટે દોડે છે [QE][QS]અને તેઓ લોહી વહેવડાવવા માટે ઉતાવળ કરે છે. [QE]
17. [QS]કારણ કે જ્યારે પક્ષીઓ સાવધ હોય [QE][QS]ત્યારે જાળ પાથરવી તે નિરર્થક છે. [QE]
18. [QS]આ માણસો પોતાને જ મારી નાખવાને માટે સંતાઈ રહે છે, [QE][QS]તેઓ પોતાના જ જીવને માટે ગુપ્ત રીતે છુપાઈ રહે છે. [QE]
19. [QS]ધનના પ્રત્યેક લોભીના માર્ગો આવા જ હોય છે. [QE][QS]આવું ધન તેના માલિકોનું જ સત્યાનાશ વાળે છે. [QE]
20. [QS]ડહાપણ શેરીએ શેરીએ મોટેથી પોકારે છે, [QE][QS]તે જાહેર સ્થળોમાં પોતાની વાણી ઉચ્ચારે છે. [QE]
21. [QS]તે ઘોંઘાટવાળા રસ્તા પર બૂમો પાડે છે [QE][QS]અને શહેરના દરવાજે ઊભું રહીને વચનો ઉચ્ચારે છે, [QE]
22. [QS]“હે અજ્ઞાનીઓ, તમે ક્યાં સુધી ભોળપણને વળગી રહેશો? [QE][QS]ઓ ઠઠ્ઠા-મશ્કરી કરનારાઓ, તમે ક્યાં સુધી ઠઠ્ઠા-મશ્કરી કરવામાં આનંદ મેળવશો? [QE][QS]અને ઓ મૂર્ખાઓ, તમે ક્યાં સુધી ડહાપણને ધિક્કારશો? [QE]
23. [QS]મારી ચેતવણી પર ધ્યાન આપો; [QE][QS]હું મારો આત્મા તમારા પર રેડીશ; [QE][QS]હું મારાં વચનો તમને જણાવીશ. [QE]
24. [QS]મેં બોલાવ્યા અને તમે ઇનકાર કર્યો; [QE][QS]મેં મારો હાથ લાંબો કર્યો છે, પણ કોઈએ તેની દરકાર કરી નહિ. [QE]
25. [QS]પણ તમે મારી સર્વ શિખામણને તુચ્છ ગણી [QE][QS]અને મારા ઠપકાને પણ ગણકારતા નથી. [QE]
26. [QS]માટે તમારા પર મુશ્કેલીઓ આવશે ત્યારે હું હાસ્ય કરીશ, [QE][QS]જ્યારે તમારા પર ભય આવશે ત્યારે હું તમારી મશ્કરી કરીશ. [QE]
27. [QS]એટલે જ્યારે તોફાનની જેમ તમારા પર ભય આવી પડશે [QE][QS]અને વંટોળિયાની જેમ તમારા પર વિપત્તિઓ ધસી આવશે; [QE][QS]જ્યારે સંકટ તથા વેદના તમારા પર આવશે, ત્યારે હું તમારી મશ્કરી કરીશ. [QE]
28. [QS]ત્યારે તેઓ મને પોકાર કરશે પણ હું ઉત્તર આપીશ નહિ; [QE][QS]તેઓ ખંતથી મને શોધશે, પણ હું તેઓને મળીશ નહિ. [QE]
29. [QS]કેમ કે તેઓએ વિદ્યાનો ધિક્કાર કર્યો છે [QE][QS]અને તેઓએ યહોવાહનો ભય રાખવાનું ઈચ્છ્યું નહિ. [QE]
30. [QS]તેઓએ મારી સલાહ બિલકુલ માની નહિ [QE][QS]અને તેઓએ મારો બધો ઠપકો તુચ્છ ગણ્યો. [QE]
31. [QS]તેઓ પોતાના માર્ગનું ફળ ભોગવશે [QE][QS]અને પોતાની કુયુક્તિઓની પૂરેપૂરી શિક્ષા ભોગવશે. [QE]
32. [QS]અબુદ્ધો પાછા હઠી જાય તે બાબત તેઓનો સંહાર કરશે; [QE][QS]અને મૂર્ખોની બેદરકારી તેઓનો વિનાશ કરશે. [QE]
33. [QS]પણ જે કોઈ મારું કહ્યું સાંભળશે તે સુરક્ષિત રહેશે [QE][QS]અને નુકસાન થવાના ભય વગર શાંતિમાં રહેશે.” [QE]