1. [QS]જુઓ, તે દિવસોમાં એટલે કે તે સમયે, [QE][QS]જ્યારે હું યહૂદિયા અને યરુશાલેમની ગુલામગીરી ફેરવી નાખીશ, [QE]
2. [QS]ત્યારે હું બધી પ્રજાઓને એકત્ર કરીશ, [QE][QS]અને તેઓને યહોશાફાટની ખીણમાં નીચે લઈ આવીશ. [QE][QS]કેમ કે મારા લોક, એટલે મારો વારસો ઇઝરાયલ, [QE][QS]જેઓને તેઓએ વિવિધ દેશોમાં વિખેરી નાખ્યા, [QE][QS]અને મારી ભૂમિ વિભાજિત કરી નાખી છે તેને લીધે, [QE][QS]હું તેઓનો ત્યાં ન્યાય કરીશ. [QE]
3. [QS]તેઓએ ચિઠ્ઠીઓ નાખી મારા લોકોને વહેંચી લીધા છે, [QE][QS]છોકરાઓ આપીને તેઓએ ગણિકાઓ લીધી છે, [QE][QS]અને મદ્યપાન કરવા તેઓએ છોકરીઓ વેચી છે. [QE][QS]જેથી તેઓ મદ્યપાન કરી શકે. [QE]
4. [QS]હે તૂર, સિદોન તથા ફિલીશીયાના બધા પ્રાંતો, [QE][QS]તમે મારા પર શાથી ગુસ્સે થયા છો? તમારે અને મારે શું છે? [QE][QS]શું તમે મારા પર વેર વાળશો? [QE][QS]જો તમે મારા પર વેર વાળશો તો, [QE][QS]બહુ ઝડપથી હું તમારું જ વૈર તમારા માથા પર પાછું વાળીશ. [QE]
5. [QS]તમે મારા સોના અને ચાંદી લઈ લીધાં છે, [QE][QS]તથા મારી સર્વ કિંમતી વસ્તુઓ તમારા સભાસ્થાનોમાં લઈ ગયા છો. [QE]
6. [QS]વળી તમે યહૂદિયાના વંશજોને અને યરુશાલેમના લોકોને, ગ્રીકોને વેચી દીધા છે, [QE][QS]જેથી તમે તેઓને પોતાના વતનમાંથી દૂર કરી શકો. [QE]
7. [QS]જુઓ, જ્યાં તમે તેઓને વેચ્યાં છે ત્યાંથી હું તેમને છોડાવી લાવીશ. [QE][QS]અને તમારું વૈર તમારા જ માથા પર પાછું વાળીશ. [QE]
8. [QS]હું તમારા દીકરાઓને અને દીકરીઓને, [QE][QS]યહૂદિયાના લોકોના હાથમાં આપીશ. [QE][QS]તેઓ તેમને શેબાના લોકોને [QE][QS]એટલે ઘણે દૂર દેશના લોકોને વેચી દેશે, [QE][QS]કેમ કે યહોવાહ એ બોલ્યા છે. [QE]
9. [QS]તમે વિદેશી પ્રજાઓમાં આ જાહેર કરો; [QE][QS]યુદ્ધની તૈયારી કરો. [QE][QS]શ્રેષ્ઠ યોદ્ધાઓને જાગૃત કરો,. [QE][QS]તેઓને પાસે આવવા દો, [QE][QS]સર્વ લડવૈયાઓ કૂચ કરો. [QE]
10. [QS]તમારા હળની કોશોને ટીપીને તેમાંથી તરવારો બનાવો [QE][QS]અને તમારાં દાંતરડાંઓના ભાલા બનાવો. [QE][QS]દુર્બળ માણસો કહે કે [QE][QS]હું બળવાન છું. [QE]
11. [QS]હે આજુબાજુની સર્વ પ્રજાઓ, [QE][QS]જલદી આવો, [QE][QS]એકત્ર થાઓ'' [QE][QS]હે યહોવાહ, [QE][QS]તમારા યોદ્ધાઓને ત્યાં ઉતારી લાવો. [QE]
12. [QS]''પ્રજાઓ ઊઠો. [QE][QS]અને યહોશાફાટની ખીણમાં આવો. [QE][QS]કેમ કે આસપાસની સર્વ પ્રજાઓનો, [QE][QS]ન્યાય કરવા માટે હું ત્યાં બેસીશ. [QE]
13. [QS]તમે દાતરડા ચલાવો, [QE][QS]કેમ કે કાપણીનો સમય આવ્યો છે. [QE][QS]આવો, દ્રાક્ષાઓને ખૂંદો, [QE][QS]દ્રાક્ષચક્કી ભરાઈ ગઈ છે, [QE][QS]દ્રાક્ષાકુંડો ઉભરાઈ જાય છે, [QE][QS]કેમ કે તેમની દુષ્ટતા મોટી છે.” [QE]
14. [QS]ન્યાયચુકાદાની ખીણમાં લોકોના ટોળેટોળાં મોટો જનસમુદાય છે [QE][QS]કેમ કે ન્યાયચુકાદાની ખીણમાં યહોવાહનો દિવસ પાસે છે. [QE]
15. [QS]સૂર્ય અને ચંદ્ર અંધારાય છે, [QE][QS]અને તારાઓનો પ્રકાશ ઝાંખો પડ્યો છે. [QE]
16. [QS]યહોવાહ સિયોનમાંથી ગર્જના કરશે, [QE][QS]અને યરુશાલેમમાંથી પોકાર કરશે, [QE][QS]પૃથ્વી અને આકાશ કાંપશે, [QE][QS]પણ યહોવાહ તેમના લોકો માટે સુરક્ષિત સ્થળ થશે, [QE][QS]તેઓ ઇઝરાયલ લોકો માટે કિલ્લો થશે. [QE]
17. [QS]તેથી તમે જાણશો કે [QE][QS]મારા પવિત્ર પર્વત સિયોન ઉપર રહેનાર હું યહોવાહ તમારો ઈશ્વર છું. [QE][QS]પછી યરુશાલેમ પવિત્ર બનશે, [QE][QS]અને વિદેશીઓ તેના પર ફરી આક્રમણ કરશે નહિ. [QE]
18. [QS]તે દિવસે એમ થશે કે, [QE][QS]પર્વતોમાંથી મીઠો દ્રાક્ષારસ ટપકશે, [QE][QS]અને ડુંગરોમાંથી દૂધ વહેશે, [QE][QS]યહૂદિયાની સુકાઈ ગયેલી ધારાઓ પાણીથી ભરપૂર થશે. [QE][QS]શિટ્ટીમની ખીણને પાણી પહોંચાડવા, [QE][QS]યહોવાહના પવિત્રસ્થાનમાંથી ઝરો નીકળશે. [QE]
19. [QS]મિસર વેરાન થઈ જશે, [QE][QS]અને અદોમ ઉજ્જડ બનશે, [QE][QS]કેમ કે આ લોકોએ યહૂદાના વંશજો પર ઉત્પાત ગુજાર્યો હતો, [QE][QS]તેઓએ પોતાના દેશમાં નિર્દોષ લોહી વહેવડાવ્યું છે. [QE]
20. [QS]પણ યહૂદિયા સદાકાળ માટે, [QE][QS]અને યરુશાલેમ પેઢી દર પેઢી માટે ટકી રહેશે. [QE]
21. [QS]તેઓનું લોહી કે જેને મેં નિર્દોષ ગણ્યું નથી તેને હું નિર્દોષ ગણીશ,” [QE][QS]કેમ કે યહોવાહ સિયોનમાં રહે છે. [QE]