1. [QS]સિયોનમાં રણશિંગડું વગાડો, [QE][QS]અને મારા પવિત્ર પર્વત પર ભયસૂચક નગારું વગાડો. [QE][QS]દેશના સર્વ રહેવાસીઓ, તમે કાંપો [QE][QS]કેમ કે યહોવાહનો દિવસ આવે છે; [QE][QS]તે દિવસ તદ્દન નજીક આવી પહોંચ્યો છે. [QE]
2. [QS]અંધકાર અને વિષાદનો દિવસ, [QE][QS]વાદળ અને અંધકારનો દિવસ. [QE][QS]તે દિવસ પર્વતો પર દેખાતાં ઝળઝળાં જેવો થશે. [QE][QS]એવું પહેલાં કદી બન્યું નથી કે, [QE][QS]હવે પછી ઘણી પેઢીઓ સુધી, [QE][QS]બીજી કોઈ પેઢીઓમાં કદી થશે નહિ, [QE][QS]એવી મોટી તથા બળવાન પ્રજા આવશે. [QE]
3. [QS]અગ્નિ તેઓની આગળ ભસ્મ કરે છે, [QE][QS]અને તેઓની પાછળ જ્વાળાઓ બળે છે. [QE][QS]તેઓની સમક્ષ ભૂમિ એદન બાગ જેવી છે, [QE][QS]અને તેઓની પાછળ તે ઉજ્જડ અરણ્ય જેવી થાય છે. [QE][QS]તેમના હાથમાંથી કોઈ પણ બચી જતું નથી. [QE]
4. [QS]તેમનો દેખાવ ઘોડાઓનાં દેખાવ જેવો છે, [QE][QS]અને જાણે ઘોડેસવાર હોય તેમ તેઓ દોડે છે. [QE]
5. [QS]પર્વતોનાં શિખરો પર ગડગડાટ રથોની જેમ [QE][QS]ખૂંપરા ભસ્મ કરતી અગ્નિની જવાળાઓની જેમ [QE][QS]અને યુદ્ધભૂમિમાં શક્તિશાળી સેનાની જેમતેઓ આગળ વધે છે. [QE]
6. [QS]તેઓને જોતાં પ્રજાઓ ધ્રૂજી ઊઠે છે. [QE][QS]અને ભયને કારણે સૌના ચહેરા નિસ્તેજ થઈ જાય છે. [QE]
7. [QS]તેઓ સૈનિકોની માફક દોડે છે [QE][QS]અને લડવૈયાની જેમ તેઓ કોટ ઉપર ચઢી જાય છે. [QE][QS]તેઓ બધા પોતપોતાને માર્ગે ચાલે છે [QE][QS]અને પોતાની હરોળ તોડતા નથી. [QE]
8. [QS]તેઓ એકબીજાની સાથે ધક્કાધક્કી કરતા નથી, [QE][QS]પણ સીધે માર્ગે જાય છે. [QE][QS]તેઓ સૈન્ય મધ્યે થઈને પાર ધસી જાય છે. [QE][QS]તેઓ પોતાનો માર્ગ બદલતા નથી. [QE]
9. [QS]તેઓ નગરમાં ઉમટ્યા છે. [QE][QS]તેઓ દીવાલો પર દોડે છે. [QE][QS]તેઓ ઘરોની અંદર પેસી જાય છે. [QE][QS]અને ચોરની જેમ અંદર બારીઓમાં થઈને પ્રવેશે છે. [QE]
10. [QS]તેઓની આગળ ધરતી ધ્રુજે છે [QE][QS]અને આકાશો થરથરે છે; [QE][QS]સૂર્ય અને ચંદ્ર અંધારાઈ જાય છે [QE][QS]અને તારાઓ ઝાંખા પડી જાય છે. [QE]
11. [QS]યહોવાહ તેઓનાં સૈન્યોને મોટે સાદે પોકારે છે, [QE][QS]તેઓનું સૈન્ય મોટું છે; [QE][QS]અને જેઓ તેમની આજ્ઞા પાળે છે તેઓ શક્તિશાળી છે. [QE][QS]યહોવાહનો દિવસ ભારે અને ભયંકર છે [QE][QS]તેને કોણ સહન કરી શકે? [QE]
12. [QS]તોપણ હમણાં, યહોવાહ કહે છે, [QE][QS]સાચા હૃદયથી તમે મારી પાસે પાછા આવો. [QE][QS]ઉપવાસ કરો, રુદન અને વિલાપ કરો.” [QE]
13. [QS]તમારાં વસ્ત્રો નહિ પણ તમારા હૃદયો ફાળો, [QE][QS]તમારા ઈશ્વર યહોવાહ પાસે પાછા ફરો, [QE][QS]તેઓ દયાળુ અને કૃપાળુ છે, [QE][QS]તેઓ કોપ કરવામાં ધીમા અને દયાના સાગર છે; [QE][QS]વિપત્તિને લીધે તેમને પશ્ચાત્તાપ થાય છે. [QE]
14. [QS]કોણ જાણે કદાચ તે પશ્ચાતાપ કરીને પાછા આવે, [QE][QS]અને પોતાની પાછળ આશીર્વાદ, [QE][QS]એટલે તમારા ઈશ્વર યહોવાહને માટે ખાદ્યાર્પણ અને પેયાર્પણ રહેવા દે. [QE]
15. [QS]સિયોનમાં રણશિંગડું વગાડો, [QE][QS]પવિત્ર ઉપવાસ જાહેર કરો, [QE][QS]અને ધાર્મિક સંમેલન ભરો. [QE]
16. [QS]લોકોને ભેગા કરો, [QE][QS]સમુદાયને પાવન કરો, [QE][QS]વડીલોને ભેગા કરો, [QE][QS]શિશુઓને એકઠા કરો [QE][QS]અને સ્તનપાન કરતાં બાળકોને પણ ભેગા કરો. [QE][QS]વર પોતાના ઓરડામાંથી બહાર આવે, [QE][QS]અને કન્યા પોતાના લગ્ન મંડપમાંથી બહાર નીકળીને ત્યાં જાય. [QE]
17. [QS]યાજકો, જેઓ યહોવાહના સેવકો છે, [QE][QS]તેઓ પરસાળ અને વેદીની વચ્ચે રડો. [QE][QS]તેઓ એમ કહે કે, હે યહોવાહ, તમારા લોકો પર દયા કરો, [QE][QS]અને તમારા વારસાને બદનામ થવા ન દો, [QE][QS]જેથી વિદેશીઓ તેમના પર રાજ ન કરે. [QE][QS]દેશમાં એવું શા માટે કહેવા દેવામાં આવે કે, [QE][QS]તેઓના ઈશ્વર કયાં છે?” [QE]
18. [QS]ત્યારે યહોવાહને પોતાના લોકને માટે લાગણી થઈ, [QE][QS]અને તેમને પોતાના લોકો પર દયા આવી. [QE]
19. [QS]પછી યહોવાહે પોતાના લોકોને જવાબ આપ્યો; [QE][QS]“જુઓ, હું તમારે માટે અનાજ, દ્રાક્ષારસ, અને તેલ મોકલીશ. [QE][QS]તમે તેઓથી તૃપ્ત થશો. [QE][QS]અને હું હવે પછી કદી તમને વિદેશીઓમાં નિંદાપાત્ર થવા દઈશ નહિ. [QE]
20. [QS]પણ હું ઉત્તરના સૈન્યોને તમારામાંથી ઘણે દૂર હાંકી કાઢીશ [QE][QS]અને હું તેઓને ઉજ્જડ તથા વેરાન દેશમાં મોકલી દઈશ. [QE][QS]અને તેઓની અગ્ર હરોળના ભાગને સમુદ્રમાં, [QE][QS]અને અંતિમ હરોળના સૈન્યને પશ્ચિમ સમુદ્ર તરફ ધકેલી દઈશ. [QE][QS]તેની દુર્ગંધ ફેલાશે, [QE][QS]અને તેની બદબો ઊંચી ચઢશે. [QE][QS]હું મોટા કાર્યો કરીશ.” [QE]
21. [QS]હે ભૂમિ, ગભરાઈશ નહિ, હવે ખુશ થા અને આનંદ કર, [QE][QS]કેમ કે યહોવાહે મહાન કાર્યો કર્યાં છે. [QE]
22. [QS]હે વનચર પશુઓ, તમે ડરશો નહિ; [QE][QS]કેમ કે ગૌચરની જગ્યાઓ ફરીથી હરિયાળી થશે. [QE][QS]વૃક્ષો પોતાના ફળ ઉપજાવશે, [QE][QS]અંજીરવૃક્ષો અને દ્રાક્ષાવેલાઓ ફરીથી ફળવંત થશે. [QE]
23. [QS]હે સિયોનપુત્રો, ખુશ થાઓ, [QE][QS]અને યહોવાહ તમારા ઈશ્વરના નામે આનંદ કરો. [QE][QS]કેમ કે તે તમને શરૂઆતનો વરસાદ જોઈએ તેટલો મોકલી આપે છે. [QE][QS]તે તમારા માટે વરસાદ વરસાવશે, [QE][QS]એટલે પ્રારંભનો અને અંતનો વરસાદ અગાઉની જેમ વરસાવશે. [QE]
24. [QS]ખળીઓ ફરીથી ઘઉંથી ભરાઈ જશે [QE][QS]અને કુંડો જૈતતેલ અને દ્રાક્ષારસથી છલકાઈ જશે. [QE]
25. [QS]“તીડો, કાતરાઓ, ઈયળો તથા જીવડાઓની મોટી ફોજ, [QE][QS]મેં મારા તરફથી તમારામાં મોકલી હતી, [QE][QS]તે જે વર્ષોનો પાક ખાઈ ગઈ છે તે પાક હું તમને પાછો આપીશ. [QE]
26. [QS]તમે પુષ્કળ ભોજનથી તૃપ્ત થશો, [QE][QS]અને તમારા ઈશ્વર યહોવાહ જે તમારી સાથે આશ્ચર્યકારક રીતે વર્ત્યા છે, [QE][QS]તેમના નામની તમે સ્તુતિ કરશો, [QE][QS]અને ફરી કદી મારા લોક શરમાશે નહિ. [QE]
27. [QS]પછી તમને ખબર પડશે કે, હું ઇઝરાયલમાં છું, [QE][QS]અને હું તમારો ઈશ્વર યહોવાહ છું, [QE][QS]અને બીજા કોઈ ઈશ્વર નથી, [QE][QS]અને મારા લોકો કદી શરમાશે નહિ. [QE]
28. [QS]ત્યારે એમ થશે કે [QE][QS]હું મારો આત્મા સર્વ મનુષ્ય પર રેડી દઈશ. [QE][QS]તમારા દીકરાઓ અને દીકરીઓ પ્રબોધ કરશે, [QE][QS]તમારા વૃદ્ધોને સ્વપ્નો આવશે [QE][QS]તમારા યુવાનોને સંદર્શનો થશે. [QE]
29. [QS]વળી તે સમયે દાસો અને દાસીઓ ઉપર, [QE][QS]હું મારો આત્મા રેડીશ. [QE]
30. [QS]વળી હું પૃથ્વી પર અને આકાશમાં આશ્ચર્યજનક કાર્યો બતાવીશ, [QE][QS]એટલે કે લોહી, અગ્નિ તથા ધુમાડાના સ્તંભો. [QE]
31. [QS]યહોવાહનો મહાન અને ભયંકર દિવસ આવે તે પહેલાં, [QE][QS]સૂર્ય અંધકારરૂપ, [QE][QS]અને ચંદ્ર લોહીરૂપ થઈ જશે. [QE]
32. [QS]તે સમયે એમ થશે કે, જે કોઈ યહોવાહને નામે વિનંતી કરશે તે ઉધ્ધાર પામશે. [QE][QS]કેમ કે જેમ યહોવાહે કહ્યું છે તેમ, [QE][QS]સિયોન પર્વત પર અને યરુશાલેમમાં કેટલાક બચી જશે, [QE][QS]અને શેષમાંથી, [QE][QS]જેને યહોવાહ બોલાવે છે તેઓનો પણ બચાવ થશે. [QE]