1. ''શું પૃથ્વી પર માણસને સંકટ સહન કરવાનું નથી? [QBR] શું તેના દિવસો મજૂરના જેવા નથી? [QBR]
2. આતુરતાથી છાંયડાની રાહ જોનાર ગુલામની જેમ. [QBR] અને પોતાના પગારની રાહ જોનાર મજૂરની જેમ, [QBR]
3. તેથી મારે અર્થહીન મહિનાઓ ફોકટ કાઢવા પડે છે; [QBR] અને કંટાળાભરેલી રાત્રિઓ મારા માટે ઠરાવેલી છે. [QBR]
4. સૂતી વેળાએ હું વિચારું છું કે, [QBR] 'હું ક્યારે ઊઠીશ અને રાત્રી ક્યારે પસાર થશે?' [QBR] સૂર્યોદય થતાં સુધી હું આમતેમ પડખાં ફેરવ્યા કરું છું. [QBR]
5. મારું શરીર કીડાઓથી તથા ધૂળના ઢેફાંથી ઢંકાયેલું છે. [QBR] મારી ચામડી સૂકાઈને ફાટી ગઈ છે. [QBR]
6. મારા દિવસો વણકરના કાંઠલા કરતા વધુ ઝડપી છે, [QBR] અને આશા વિના તેનો અંત આવે છે. [QBR]
7. યાદ રાખજો કે, મારું જીવન માત્ર શ્વાસ છે; [QBR] મારી આંખ ફરી કદી સુખ જોનાર નથી. [QBR]
8. જેઓ મને જુએ છે, તેઓ મને ફરી જોશે નહિ; [QBR] તું મને દેખતો હોઈશ એટલામાં હું લોપ થઈશ. [QBR]
9. જેમ વાદળાં ઓગળીને અલોપ થઈ જાય છે, [QBR] તેમ શેઓલમાં ઊતરનારા ફરી કદી ઉપર આવશે નહિ. [QBR]
10. તે પોતાને ઘરે ફરી કદી આવશે નહિ; [QBR] હવે પછી તેનું સ્થાન તેને જાણશે નહિ. [QBR]
11. માટે હું મારું મુખ બંધ નહિ રાખું; [QBR] મારો આત્મા સંકટમાં છે તેથી હું બોલીશ; [QBR] મારા આત્માની વેદનાને કારણે હું મારું દુ:ખ રડીશ. [QBR]
12. શું હું સમુદ્ર છું કે મહામચ્છ છું કે, [QBR] તમે મારો ચોકી-પહેરો રાખો છો? [QBR]
13. જ્યારે હું એમ કહું છું કે, 'મારી પથારી મને શાંતિ આપશે, [QBR] મારો પલંગ મારો ત્રાસ હલકો કરશે,' [QBR]
14. ત્યારે સ્વપ્નો દ્વારા તમે મને એવો ત્રાસ ઉપજાવો છો [QBR] અને સંદર્શનોથી મને ગભરાવો છો. [QBR]
15. ત્યારે મારો જીવ ગૂંગળાઈ મરવાને, [QBR] અને મારાં આ હાડકાં કરતાં મોત વધારે પસંદ છે. [QBR]
16. મને કંટાળો આવે છે; મારે કાયમ માટે જીવવું નથી; [QBR] મને એકલો રહેવા દો કેમ કે મારી જિંદગી વ્યર્થ છે. [QBR]
17. મનુષ્ય કોણ માત્ર છે કે તમે તેને મોટો કરો, [QBR] અને તમે તેના પર મન લગાડો, [QBR]
18. રોજ સવારે તમે તેની મુલાકાત કરો છો [QBR] અને તમે પ્રત્યેક ક્ષણે તેની કસોટી કરો છો? [QBR]
19. ક્યાં સુધી મારા પરથી તમે તમારી નજર દૂર કરશો નહિ? [QBR] હું મારું થૂંક ગળું એટલો સમય પણ તમે મને નહિ આપો? [QBR]
20. જો મેં પાપ કર્યુ હોય તો, હે મારા રખેવાળ હું તમને શું અડચણરૂપ છું? [QBR] તમે શા માટે મને મારવાના નિશાન તરીકે બેસાડી રાખ્યો છે, [QBR] તેથી હું પોતાને બોજારૂપ થઈ ગયો છું? [QBR]
21. તમે મારા અપરાધો કેમ માફ કરતા નથી? અને મારા અન્યાય દૂર કરતા નથી? [QBR] હવે હું ધૂળમાં ભળી જઈશ; [QBR] તમે મને સવારે ખંતથી શોધશો, પણ હું હોઈશ જ નહિ.'' [PE]