1. પછી અલીફાઝ તેમાનીએ જવાબ આપ્યો કે, [QBR]
2. ''જો કોઈ તારી સાથે બોલવાનું કરે તો તારું હૃદય દુખાશે? [QBR] પણ બોલ્યા વગર કોણ રહી શકે? [QBR]
3. જો, તેં ઘણા લોકોને સલાહ આપી છે, [QBR] અને તેં અનેક દુર્બળ હાથોને મજબૂત કર્યા છે. [QBR]
4. તારા શબ્દોએ પડતાને ઊભા કર્યા છે, [QBR] અને તેં થરથરતા પગને સ્થિર કર્યા છે. [QBR]
5. પરંતુ હવે જ્યારે મુશ્કેલીઓ તારા પર આવી પડી છે, ત્યારે તું નિરાશ થઈ ગયો છે; [QBR] તે તને સ્પર્શ કરે છે ત્યારે તું ગભરાઈ જાય છે. [QBR]
6. ઈશ્વરના ભયમાં તને ભરોસો નથી? [QBR] તારા સદાચાર પર તને આશા નથી? [QBR]
7. હું તને વિનંતી કરું છું કે, આ વિષે વિચાર કર; કયા નિર્દોષ માણસો નાશ પામ્યા છે? [QBR] અને કયા સદાચારીની પાયમાલી થઈ છે? [QBR]
8. મારા અનુભવ પ્રમાણે જેઓ અન્યાય ખેડે છે, [QBR] તથા નુકશાન વાવે છે, તેઓ તેવું જ લણે છે. [QBR]
9. ઈશ્વરના શ્વાસથી તેઓ નાશ પામે છે. [QBR] તેઓના કોપની જ્વાલાઓથી તેઓ ભસ્મ થઈ જાય છે. [QBR]
10. સિંહની ગર્જના અને વિકરાળ સિંહનો અવાજ, [QBR] અને જુવાન સિંહના દાંત તૂટી જાય છે. [QBR]
11. વૃદ્ધ સિંહ શિકાર વગર નાશ પામે છે. [QBR] અને જુવાન સિંહણના બચ્ચાં રખડી પડે છે. [QBR]
12. હમણાં એક ગુપ્ત વાત મારી પાસે આવી, [QBR] અને તેના ભણકારા મારા કાને પડ્યા. [QBR]
13. જ્યારે માણસો ભરનિદ્રામાં પડે છે, [QBR] ત્યારે રાતનાં સંદર્શનો પરથી આવતા વિચારોમાં, [QBR]
14. હું ભયથી ધ્રુજી ગયો [QBR] અને મારાં સર્વ હાડકાં થથરી ઊઠયાં. [QBR]
15. ત્યારે એક આત્મા મારા મોંને સ્પશીર્ને પસાર થઈ ગયો [QBR] અને મારા શરીરનાં રૂઆં ઊભાં થઈ ગયાં. [QBR]
16. તે સ્થિર ઊભો રહ્યો, પણ હું તેનું સ્વરૂપ ઓળખી શક્યો નહિ. [QBR] એક આકૃતિ મારી સમક્ષ આવીને ઊભી રહી. અને ત્યાં શાંતિ હતી. પછી મેં એવો અવાજ સાંભળ્યો કે, [QBR]
17. 'શું માણસ ઈશ્વર કરતાં વધારે ન્યાયી હોઈ શકે? [QBR] શું તે તેના સર્જનહાર કરતાં વધારે પવિત્ર હોઈ શકે? [QBR]
18. જુઓ, તે પોતાના સેવકો પર કંઈ વિશ્વાસ રાખતા નથી; [QBR] અને તે પોતાના દૂતોને ગુનેગાર ગણે છે. [QBR]
19. તો ધૂળમાં નાખેલા પાયાવાળા માટીનાં ઘરોમાં રહેનાર, [QBR] જેઓ પતંગિયાની જેમ કચરાઈ જાય છે. [QBR] તેઓને તે કેટલા અધિક ગણશે? [QBR]
20. સવારથી સાંજ સુધીમાં તેઓ નાશ પામે છે. [QBR] તેઓ સદાને માટે નાશ પામે છે, કોઈ તેઓની ચિંતા કરતું નથી. [QBR]
21. શું તેઓનો વૈભવ જતો રહેતો નથી? [QBR] તેઓ મરી જાય છે; તેઓ જ્ઞાનવગર મૃત્યુ પામે છે.'' [PE]