1. ડુંગર પરની જંગલી બકરીઓ કેવી રીતે બચ્ચાંને જન્મ આપે છે તે શું તું જાણે છે? [QBR] શું તું જાણી શકે છે કે જંગલી હરણીઓ બચ્ચાંને જન્મ કેવી રીતે આપે છે? [QBR]
2. તેઓના ગર્ભના પૂરા મહિનાની સંખ્યા તું જાણે છે? [QBR] શું તું જાણે છે કે તેઓ ક્યારે પોતાનાં બચ્ચાંને જન્મ આપે છે? [QBR]
3. તેઓ નમીને તેઓનાં બચ્ચાંને જન્મ આપે છે, [QBR] અને પછી તેઓને પ્રસૂતિ પીડાનો અનુભવ થાય છે [QBR]
4. તેઓનાં બચ્ચાં મજબૂત અને ખુલ્લાં મેદાનોમાં ઊછરેલાં હોય છે; [QBR] તેઓ બહાર નીકળે છે અને પાછાં ફરતાં નથી.   [QBR]
5. જંગલના ગર્દભને કોણે છૂટો મૂક્યો છે? [QBR] તેનાં બંધ કોણે છોડી નાખ્યા છે? [QBR]
6. તેનું ઘર મેં અરાબાહમાં, [QBR] તથા તેનું રહેઠાણ મેં ખારી જમીનમાં ઠરાવ્યું છે. [QBR]
7. તે નગરની ધાંધલને તુચ્છ ગણે છે [QBR] અને હાંકનારની બૂમો તેને સાંભળવી પડતી નથી. [QBR]
8. જંગલ ગર્દભો પર્વતો પર રહે છે, કે જ્યાં તેઓનું ચરવાનું ઘાસ છે; [QBR] ત્યાં તેઓ પોતાનો ખોરાક શોધી કાઢે છે. [QBR]
9. શું તારી સેવા કરવામાં જંગલના બળદો આનંદ માણશે ખરા? [QBR] તેઓ તારી ગભાણમાં રાત્રે આવીને રહેશે? [QBR]
10. શું તું જંગલના બળદને અછોડાથી બાંધીને ખેતરના ચાસમાં ચલાવી શકે છે? [QBR] શું તે તારા માટે હળ ખેડશે? [QBR]
11. જંગલના બળદ ખૂબ શક્તિશાળી છે માટે શું તું તેનો ભરોસો કરશે? [QBR] તારું કામ કરાવવા માટે શું તું તેની અપેક્ષા કરી શકશે? [QBR]
12. શું તું તેના પર ભરોસો રાખશે કે તે તારું અનાજ તારા ઘરે લાવશે? [QBR] અને તારા ખળાના દાણા લાવીને વખારમાં ભરશે?   [QBR]
13. શાહમૃગ પોતાની પાંખો આનંદથી હલાવે છે, [QBR] પણ તેની પાંખો અને પીંછાઓ શું માયાળુ હોય છે? [QBR]
14. કેમ કે તે પોતાનાં ઈંડાં જમીન પર મૂકીને જતી રહે છે [QBR] અને ધૂળ ઈંડાને સેવે છે. [QBR]
15. કોઈ પગ મૂકીને ઈંડાને છૂંદી નાંખશે [QBR] અથવા જંગલી પ્રાણીઓ તેમનો નાશ કરી નાખશે તેની તેને ચિંતા હોતી નથી. [QBR]
16. તે પોતાના બચ્ચાં વિષે એવી બેદરકાર રહે છે કે જાણે તે બચ્ચાં તેના પોતાનાં હોય જ નહિ; [QBR] તેનો શ્રમ નિષ્ફળ જાય છે તોપણ તે ગભરાતી નથી. [QBR]
17. કારણ કે ઈશ્વરે તેને બુદ્ધિહીન સર્જી છે [QBR] અને તેમણે તેને અક્કલ આપી નથી. [QBR]
18. તે જ્યારે કૂદે છે અને દોડવા લાગે છે, [QBR] ત્યારે તે ઘોડા અને તેના સવાર પર હસે છે.   [QBR]
19. શું ઘોડાને બળ તેં આપ્યું છે? [QBR] શું તેં તેની ગરદનને કેશવાળીથી આચ્છાદિત કરી છે? [QBR]
20. શું તેં તેને તીડની જેમ કદી કુદાવ્યો છે? [QBR] તેના નસકોરાના સુસવાટાની ભવ્યતા ભયજનક હોય છે. [QBR]
21. તેના પંજામાં બળ છે અને તેમાં તે હર્ષ પામે છે; [QBR] અને તે યુદ્ધમાં ઝડપથી દોડી જાય છે. [QBR]
22. તે ડર ઉપર હસે છે અને તે ડરતો નથી; [QBR] તે તરવાર જોઈને પાછો હટી જતો નથી. [QBR]
23. ભાથો, તીરો તથા ચમકતી બરછી [QBR] તેના શરીર પર ખખડે છે. [QBR]
24. ઘોડો ઉશ્કેરાઈ જાય છે અને તે ખૂબ ઝડપથી જમીન પર દોડે છે; [QBR] જ્યારે રણશિંગડાનો અવાજ તે સાંભળે છે ત્યારે તે સ્થિર રહી શકતો નથી. [QBR]
25. જ્યારે પણ તેને રણશિંગડાનો નાદ સંભળાય છે ત્યારે તે કહે છે 'વાહ!' [QBR] તેને દૂરથી યુદ્ધની ગંધ આવી જાય છે, [QBR] સેનાપતિઓના હુકમો અને ગર્જનાઓ તે સમજી જાય છે. [QBR]
26. શું બાજ પક્ષી તારા ડહાપણથી આકાશમાં ઊડે છે, [QBR] અને પોતાની પાંખો દક્ષિણ તરફ ફેલાવે છે? [QBR]
27. શું તારી આજ્ઞાથી ગરુડ પક્ષી પર્વતો પર ઊડે છે [QBR] શું તેં તેને ઊંચે માળો બાંધવાનું કહ્યું હતું? [QBR]
28. ગરુડ પર્વતના શિખર પર પોતાનું ઘર બનાવે છે [QBR] ખડકનાં શિખર એ ગરુડોના કિલ્લા છે. [QBR]
29. “ત્યાંથી તે પોતાનો શિકાર શોધી કાઢે છે; [QBR] તેની આંખો તેને દૂરથી શોધી કાઢે છે. [QBR]
30. તેનાં બચ્ચાં પણ લોહી પીવે છે; [QBR] અને જ્યાં મૃતદેહો પડ્યા હોય ત્યાં ગીધ એકઠાં થાય છે.” [PE]