1. [PS]નિશ્ચે મારું હૃદય ધ્રૂજે છે; [PE][QS]તે તેની જગ્યાએથી ખસી જાય છે. [QE]
2. [QS]તેમના મુખમાંથી નીકળતા અવાજ, [QE][QS]ધ્યાનથી સાંભળો. [QE]
3. [QS]આખા આકાશને તે વીજળીથી ઝળકાવે છે, [QE][QS]અને પૃથ્વીની દરેક દિશાઓ સુધી મોકલે છે. [QE]
4. [QS]તેમની પાછળ અવાજ થાય છે; [QE][QS]તે ગર્જનાથી તેમની ભવ્યતાનો અવાજ કરે છે; [QE][QS]જ્યારે વીજળી ચમકે છે, ત્યારે તેમનો અવાજ સંભળાય છે. [QE]
5. [QS]ઈશ્વર અદ્દભુત રીતે તેમનો અવાજ કરે છે; [QE][QS]તેમનાં મહાન કૃત્યો આપણે સમજી શકતા નથી. [QE]
6. [QS]તેમણે બરફને કહ્યું, 'પૃથ્વી પર પડો' [QE][QS]તે જ રીતે વરસાદને વરસવાનું, [QE][QS]અને 'પૃથ્વી પર મુશળધાર વરસાદ આપવાની આજ્ઞા કરે છે.' [QE]
7. [QS]આ રીતે તેઓ સર્વ માણસોને કામ કરતા અટકાવે છે, [QE][QS]કે જેથી તેમનું સર્જન કરેલા લોકો તેમનું પરાક્રમ સમજે. [QE]
8. [QS]ત્યારે પશુઓ સંતાઈ જાય છે [QE][QS]અને તેઓની ગુફામાં ભરાઈ જાય છે. [QE]
9. [QS]દક્ષિણ દિશામાંથી ચક્રવાત આવે છે, [QE][QS]અને ઉત્તર દિશામાંથી ઠંડા પવન સાથે ઠંડી આવે છે. [QE]
10. [QS]ઈશ્વરના શ્વાસથી હિમ થાય છે; [QE][QS]અને સમુદ્રો ધાતુની માફક થીજી જાય છે. [QE]
11. [QS]ખરેખર, તે ભારે વાદળોને પાણીથી ભરી દે છે; [QE][QS]અને વાદળોમાં તે વીજળીઓને ચમકાવે છે. [QE]
12. [QS]તેઓ વાદળોને આખી પૃથ્વી પર ચારેતરફ વિખેરી નાખે છે, [QE][QS]જેમ તેઓને આજ્ઞા આપવામાં આવે છે તે પ્રમાણે કરે છે. [QE]
13. [QS]લોકોને શિક્ષા કરવા સારુ, તો કોઈ સમયે તેમની પૃથ્વીને માટે, [QE][QS]અને કોઈ સમયે કરારના વિશ્વાસુપણાના કાર્યને માટે, ઈશ્વર આ પ્રમાણે સર્વ થવા દે છે. [QE]
14. [QS]હે અયૂબ, આ વાત પર લક્ષ આપ; [QE][QS]જરા થોભ અને ઈશ્વરનાં આશ્ચર્યકારક કાર્યોનો વિચાર કર. [QE]
15. [QS]ઈશ્વર વાદળોને કેવી રીતે નિયંત્રણમાં રાખે છે, [QE][QS]અને વાદળોમાંથી વીજળીને કેવી રીતે ચમકાવે છે એ શું તું જાણતો નથી? [QE]
16. [QS]વાદળો કેવી રીતે હવામાં સમતોલ રહે છે, [QE][QS]જે ડહાપણમાં સંપૂર્ણ છે અને ઈશ્વરનાં આશ્ચર્યકારક કાર્યો, તે શું તું જાણે છે? [QE]
17. [QS]તને જ્યારે પરસેવો થાય ત્યારે તારાં વસ્ત્રો તારી ચામડીને ચોંટી જાય છે. [QE][QS]અને જ્યારે દક્ષિણ દિશામાંથી હૂંફાળો પવન વાય છે ત્યારે બધું શાંત અને સૂમસામ થઈ જાય છે તે શું તું સમજે છે? [QE]
18. [QS]જેમ તેમણે આકાશ વિસ્તાર્યાં છે તેમ, તમે કરી શકો છો? [QE][QS]આકાશને ચમકતા કરેલા પિત્તળની જેમ ચમકીલુ બનાવી શકો છો? [QE]
19. [QS]અમારે શું કહેવું તે અમને શીખવ, [QE][QS]કારણ કે અમે અમારા મનના અંધકારને લીધે તેમની સાથે દલીલો કરી શકતા નથી. [QE]
20. [QS]શું હું ઈશ્વરને કહીશ કે મારી ઇચ્છા તેની સાથે વાત કરવાની હતી? [QE][QS]શું કોઈ માણસ ઇચ્છે કે તેનો નાશ થાય? [QE]
21. [QS]જ્યારે પવન આકાશને ચોખ્ખું કરે છે ત્યારે એટલું બધું અજવાળું થાય છે કે [QE][QS]લોકો સૂર્ય સામે જોઈ શક્તા નથી. [QE]
22. [QS]તે જ રીતે આકાશમાંથી આપણી ઉપર આવતા [QE][QS]અને આંખોને આંજી દેતા ઈશ્વરની ભવ્યતા સામે પણ આપણે જોઈ શક્તા નથી. [QE]
23. [QS]સર્વશક્તિમાન ઈશ્વર મહાન છે! આપણે તેમને સમજી શકતા નથી; [QE][QS]તેઓ મહા પરાક્રમી અને ન્યાયી છે. [QE][QS]તેઓ આપણને નુકસાન પહોંચાડતા નથી. [QE]
24. [QS]તેથી લોકો તેમનાથી ડરે છે. [QE][QS]“પણ જેઓ પોતાની જાતને જ્ઞાની માને છે, તેવા લોકોને ઈશ્વર ગણકારતા નથી.” [QE]