1. અલીહૂએ બોલવાનું ચાલુ રાખતાં કહ્યું કે: [QBR]
2. “હે શાણા માણસો, તમે મારા શબ્દો સાંભળો; [QBR] અને હે જ્ઞાનીઓ, તમે મારી વાતો પર ધ્યાન આપો.” [QBR]
3. જેમ જીભ અન્નના સ્વાદને પારખી શકે છે [QBR] તેમ કાન પણ શબ્દોને પારખી શકે છે. [QBR]
4. આપણે પોતાને માટે શું સારું છે તે પસંદ કરીએ [QBR] આપણે પોતાનામાં સારું શું છે તેની શોધ કરીએ. [QBR]
5. કારણ કે અયૂબે કહ્યું છે કે, 'હું ન્યાયી છું, [QBR] અને ઈશ્વરે મારો હક લઈ લીધો છે. [QBR]
6. હું ન્યાયી છું છતાં હું જૂઠાબોલા તરીકે ગણાઉં છું. [QBR] મારા જખમ જીવલેણ છે; છતાં પણ હું પાપ વિનાનો છું.' [QBR]
7. અયૂબના જેવો માણસ કોણ છે, [QBR] કે જે ધિક્કારને પાણીની જેમ સરળતાથી પીએ છે, [QBR]
8. તે દુષ્ટતા કરનારા લોકોની સંગતમાં રહે છે, [QBR] અને તે દુષ્ટ લોકોની સાથે ફરે છે. [QBR]
9. તેણે કહ્યું છે કે, 'ઈશ્વર જે ઇચ્છે છે તે કરવામાં [QBR] માણસને કોઈ ફાયદો નથી.'   [QBR]
10. તેથી હે શાણા માણસો, મારું સાંભળો: [QBR] ઈશ્વર કદાપિ કંઈ ખોટું કરે જ નહિ; [QBR] અને સર્વશક્તિમાન કદાપિ કંઈ અનિષ્ટ કરે જ નહિ. [QBR]
11. કારણ કે તે વ્યક્તિને તેના કામ પ્રમાણે બદલો આપે છે; [QBR] તેઓ દરેક માણસને તેનો બદલો આપશે. [QBR]
12. ખરેખર, ઈશ્વર દુષ્ટતા કરશે જ નહિ, [QBR] અથવા સર્વશક્તિમાન કદાપિ અન્યાય કરે નહિ. [QBR]
13. કોણે તેમને પૃથ્વીની જવાબદારી આપી છે? [QBR] કોણે તેમને દરેક વસ્તુઓ પર સત્તા આપી છે? [QBR]
14. જો તે માત્ર પોતાના જ ઇરાદા પાર પાડે [QBR] જો ઈશ્વર પોતાનો આત્મા અને શ્વાસ પૃથ્વી પરથી લઈ લે, [QBR]
15. તો સર્વ માણસો નાશ પામે; [QBR] અને માણસ જાત ફરી પાછી ધૂળ ભેગી થઈ જાય.   [QBR]
16. જો તમારામાં સમજશક્તિ હોય તો, મને સાંભળો; [QBR] મારા શબ્દો ધ્યાનમાં રાખો. [QBR]
17. જે ન્યાયને ધિક્કારે, તે શું કદી રાજ કરી શકે? [QBR] ઈશ્વર જે ન્યાયી અને પરાક્રમી છે, તેમને શું તું દોષિત ઠરાવીશ? [QBR]
18. ઈશ્વર કદી રાજાને કહે છે કે, 'તું નકામો છે,' [QBR] અથવા રાજકુમારોને કહે છે કે, 'તમે દુષ્ટ છો?' [QBR]
19. ઈશ્વર અધિકારીઓ પર પક્ષપાત કરતા નથી [QBR] અને ધનવાનોને ગરીબ લોકો કરતાં વધારે ગણતા નથી, [QBR] કારણ કે તેઓ સર્વ તેમના હાથે સર્જાયેલા છે. [QBR]
20. એક ક્ષણમાં તેઓ મૃત્યુ પામશે; [QBR] મધરાતે લોકો ધ્રૂજશે અને નાશ પામશે; [QBR] મહાન લોકો અદ્રશ્ય થઈ જાય છે, પણ માણસોના હાથથી નહિ.   [QBR]
21. કારણ કે, ઈશ્વરની નજર માણસની ચાલચલગત પર હોય છે; [QBR] તે તેની સઘળી વર્તણૂક જુએ છે. [QBR]
22. દુષ્ટ માણસને સંતાડી શકે એવો કોઈ [QBR] પડદો કે અંધકાર નથી. [QBR]
23. કેમ કે ઈશ્વરને લોકોની પરીક્ષા કરવાની જરૂર નથી; [QBR] કોઈ માણસને તેમના ન્યાયાસન સમક્ષ જવાની જરૂર નથી. [QBR]
24. ઈશ્વર શક્તિશાળી લોકોને પણ ભાંગે છે કેમ કે તેઓના માર્ગો એવા છે કે તેને માટે વધારાની તપાસ કરવાની જરૂર નથી; [QBR] તેઓ તેમને સ્થાને અન્યને નિયુકત કરે છે. [QBR]
25. આ પ્રમાણે તેઓનાં કામોને પારખે છે; [QBR] તેઓ રાતોરાત એવા પાયમાલ થાય છે કે તેઓ નાશ પામે છે. [QBR]
26. દુષ્ટ લોકો તરીકે તેઓને તેઓનાં દુષ્ટકૃત્યોને લીધે ખુલ્લી રીતે સજા કરે છે [QBR]
27. કેમ કે તેઓ તેમને અનુસરવાને બદલે પાછા હઠી ગયા છે [QBR] અને તેમના માર્ગને અનુસરવાનો ઇનકાર કરે છે. [QBR]
28. આ પ્રમાણે તેઓએ ગરીબોનો પોકાર ઈશ્વર સુધી પહોંચાડ્યો છે; [QBR] તેમણે દુ:ખીઓનું રુદન સાંભળ્યું છે. [QBR]
29. જયારે તે શાંત રહે છે ત્યારે કોણ તેમને દોષિત ઠરાવી શકે છે? [QBR] પણ જો તે પોતાનું મુખ સંતાડે તો કોણ તેમને જોઈ શકે? [QBR] તે પ્રજા અને રાષ્ટ્ર પર સમાન રીતે રાજ કરે છે, [QBR]
30. કે જેથી અધર્મી માણસ સત્તા ચલાવે નહિ, [QBR] એટલે લોકોને જાળમાં ફસાવનાર કોઈ હોય નહિ. [QBR]
31. શું કોઈએ ઇશ્વરને એમ કહ્યું છે કે, [QBR] 'હું નિશ્ચે ગુનેગાર છું, પણ હવેથી હું પાપ કરીશ નહિ; [QBR]
32. હું જે સમજતો નથી તેનું મને શિક્ષણ આપ; [QBR] મેં પાપ કર્યું છે પણ હવેથી હું પાપ કરીશ નહિ.' [QBR]
33. તું ઈશ્વરનો ઇનકાર કરે છે એટલે શું તને લાગે છે કે ઈશ્વર તે માણસનાં પાપને બદલે તેને સજા કરશે? [QBR] એ નિર્ણય તારે લેવાનો છે, મારે નહિ. [QBR] માટે જે કંઈ તું જાણે છે તે કહે. [QBR]
34. ડાહ્યો માણસ મને કહેશે, [QBR] ખરેખર, દરેક જ્ઞાની માણસ મને સાંભળે છે તે કહેશે, [QBR]
35. 'અયૂબ જ્ઞાન વગર બોલે છે; [QBR] તેના શબ્દો ડહાપણ વિનાના છે.' [QBR]
36. દુષ્ટ માણસ જેવો જવાબ આપવાને લીધે અયૂબની [QBR] અંત સુધી કસોટી કરવામાં આવે તો કેવું સારું! [QBR]
37. “કેમ કે તે પોતાનાં પાપોમાં બળવાખોરીનો ઉમેરો કરે છે; [QBR] તે આપણી મધ્યે અપમાન કરીને તાળીઓ પાડે છે; [QBR] તે ઈશ્વરની વિરુદ્ધ લાંબી વાતો કરે છે.” [PE]