1. [PS]હવે, હે અયૂબ, હું જે કહું તે કૃપા કરીને સાંભળ; [PE][QS]મારા સર્વ શબ્દો પર લક્ષ આપ. [QE]
2. [QS]જો, હવે મેં મારું મુખ ખોલ્યું છે; [QE][QS]મારા મુખમાં મારી જીભ બોલવાની તૈયારીમાં છે. [QE]
3. [QS]મારા શબ્દો મારું અંતઃકરણ પ્રગટ કરશે; [QE][QS], મારા હોઠો જાણે છે કે જે સત્ય છે તે જ હું બોલીશ. [QE]
4. [QS]ઈશ્વરના આત્માએ મને ઉત્પન્ન કર્યો છે; [QE][QS]સર્વશક્તિમાનનો શ્વાસ મને જીવન આપે છે. [QE]
5. [QS]જો તારાથી શક્ય હોય, તો તું મને જવાબ આપ; [QE][QS]ઊભો થઈ જા અને તારી દલીલો મારી સામે રજૂ કર. [QE]
6. [QS]જુઓ, આપણે બન્ને ઈશ્વરની નજરમાં સમાન છીએ; [QE][QS]મને પણ માટીમાંથી જ ઉત્પન્ન કરવામાં આવ્યો છે. [QE]
7. [QS]જો, તારે મારાથી ડરવાની જરૂર નથી, [QE][QS]અથવા મારું દબાણ તને ભારે પડશે નહિ. [QE][PBR]
8. [QS]નિશ્ચે તેં મારા સંભાળતાં કહ્યું છે; [QE][QS], મેં તને એવા શબ્દો કહેતા સાંભળ્યો છે, [QE]
9. [QS]'હું શુદ્ધ અને અપરાધ વિનાનો છું; [QE][QS]હું નિર્દોષ છું અને મારામાં કોઈ પાપ નથી. [QE]
10. [QS]જો, ઈશ્વર મારા પર હુમલો કરવાની તક શોધે છે; [QE][QS]તેઓ મને તેમના એક દુશ્મન સમાન ગણે છે. [QE]
11. [QS]તે મારા પગોને હેડમાં મૂકે છે; [QE][QS]તે મારા સર્વ માર્ગોની સંભાળ રાખે છે.' [QE]
12. [QS]જો, હું તને જવાબ આપીશ કે: [QE][QS]ઈશ્વર માણસ કરતાં મહાન છે માટે તારે તે કહેવું યોગ્ય નથી. [QE]
13. [QS]“તું શા માટે તેમની સાથે બાથ ભીડે છે?” [QE][QS]કારણ કે તેઓ પોતાનાં કાર્યો વિષે મહિતી આપતા નથી. [QE]
14. [QS]કેમ કે ઈશ્વર એક વાર બોલે છે [QE][QS]હા, બે વાર બોલે છે, છતાં પણ માણસ તે બાબત પર ધ્યાન આપતો નથી. [QE]
15. [QS]જ્યારે માણસો ગાઢ નિદ્રામાં હોય કે, [QE][QS]પથારી પર ઊંઘતા હોય, [QE][QS]સ્વપ્નમાં અથવા રાતના સંદર્શનમાં હોય ત્યારે, [QE]
16. [QS]ઈશ્વર માણસોના કાન ઉઘાડે છે, [QE][QS]અને તેઓને ચેતવણીથી ભયભીત કરે છે, [QE]
17. [QS]અને આ મુજબ માણસને તેના પાપી ધ્યેયોથી અટકાવે, [QE][QS]અને તેને અહંકારથી દૂર કરે. [QE]
18. [QS]ઈશ્વર લોકોના જીવનોને ખાડામાં પડતા અટકાવે છે, [QE][QS]અને તેઓનાં જીવનને નાશ પામતા બચાવે છે. [QE][PBR]
19. [QS]તેમ છતાં માણસને પથારીમાં થતા દુઃખથી, [QE][QS]અને તેનાં હાડકામાં વેદના આપીને તેમને સમજાવે છે. [QE]
20. [QS]તેથી તેનું જીવન ભોજનથી, [QE][QS]અને તેનો આત્મા સ્વાદિષ્ટ ભોજનથી પણ કંટાળી જાય છે. [QE]
21. [QS]તેનું શરીર સુકાઈ જાય છે અને અદ્રશ્ય થઈ જાય છે; [QE][QS]તેનાં હાડકાં દેખાતાં ન હતાં તે હવે દેખાઈ આવે છે. [QE]
22. [QS]ખરેખર, તેનો આત્મા કબરની પાસે છે, [QE][QS]અને તેનું જીવન નાશ કરનારાઓની નજીક છે. [QE]
23. [QS]માણસને શું કરવું સારું છે તે બતાવવાને, [QE][QS]હજારો દૂતોમાંથી એક દૂત, [QE][QS]મધ્યસ્થી તરીકે તેની સાથે હોય, [QE]
24. [QS]અને તે દૂત તેેના પર દયાળુ થઈને ઈશ્વરને કહે છે કે, [QE][QS]'આ માણસને કબરમાં જતાં અટકાવો; [QE][QS]કારણ કે, તેના બચાવ કરવાની રકમ મને મળી છે,' [QE]
25. [QS]ત્યારબાદ તેનું શરીર નાના બાળક કરતાં શુદ્ધ થઈ જશે; [QE][QS]અને તે પાછો તેની યુવાનીના દિવસો પ્રાપ્ત કરશે. [QE]
26. [QS]તે ઈશ્વરને પ્રાર્થના કરશે અને ઈશ્વર તેને કૃપા આપે છે, [QE][QS]અને તે ઈશ્વરનું મુખ જોઈને આનંદ કરે છે. [QE][QS]અને ઈશ્વર તે માણસને તેની પ્રામાણિક્તા પાછી આપે છે. [QE]
27. [QS]ત્યારે તે માણસ અન્ય લોકોની સમક્ષ સ્તુતિ કરશે અને કહેશે કે, [QE][QS]મેં પાપ કર્યું હતું અને જે સત્ય હતું તેને વિપરીત કર્યું હતું, [QE][QS]પણ મારા પાપ પ્રમાણે મને સજા કરવામાં આવી નહિ. [QE]
28. [QS]'ઈશ્વરે મને મોતના મુખમાંથી બચાવ્યો છે; [QE][QS]અને હવે હું ફરીથી જીવનનો આનંદ માણી શકીશ.' [QE][PBR]
29. [QS]જુઓ, ઈશ્વર આ બધી બાબતો માણસો સાથે કરે છે, [QE][QS]બે વાર, હા, ત્રણ વાર પણ તે એમ જ વર્તે છે, [QE]
30. [QS]તેઓ તેનું જીવન કબરમાંથી પાછું લાવે છે, [QE][QS]જેથી તેને જીવનનો પ્રકાશ પ્રાપ્ત થાય. [QE]
31. [QS]હે અયૂબ, હું જે કહું તે ધ્યાનથી સાંભળ; [QE][QS]તું શાંત રહે અને હું બોલીશ. [QE]
32. [QS]પણ જો તારે કંઈ કહેવું હોય, તો મને જવાબ આપ; [QE][QS]બોલ, કારણ કે, હું તને નિર્દોષ જાહેર કરવા માગું છું. [QE]
33. [QS]જો, નહિતો મારું સાંભળ; [QE][QS]શાંત રહે અને હું તને જ્ઞાન શીખવીશ.” [QE]