1. હવે, હે અયૂબ, હું જે કહું તે કૃપા કરીને સાંભળ; [QBR] મારા સર્વ શબ્દો પર લક્ષ આપ. [QBR]
2. જો, હવે મેં મારું મુખ ખોલ્યું છે; [QBR] મારા મુખમાં મારી જીભ બોલવાની તૈયારીમાં છે. [QBR]
3. મારા શબ્દો મારું અંતઃકરણ પ્રગટ કરશે; [QBR] , મારા હોઠો જાણે છે કે જે સત્ય છે તે જ હું બોલીશ. [QBR]
4. ઈશ્વરના આત્માએ મને ઉત્પન્ન કર્યો છે; [QBR] સર્વશક્તિમાનનો શ્વાસ મને જીવન આપે છે. [QBR]
5. જો તારાથી શક્ય હોય, તો તું મને જવાબ આપ; [QBR] ઊભો થઈ જા અને તારી દલીલો મારી સામે રજૂ કર. [QBR]
6. જુઓ, આપણે બન્ને ઈશ્વરની નજરમાં સમાન છીએ; [QBR] મને પણ માટીમાંથી જ ઉત્પન્ન કરવામાં આવ્યો છે. [QBR]
7. જો, તારે મારાથી ડરવાની જરૂર નથી, [QBR] અથવા મારું દબાણ તને ભારે પડશે નહિ.   [QBR]
8. નિશ્ચે તેં મારા સંભાળતાં કહ્યું છે; [QBR] , મેં તને એવા શબ્દો કહેતા સાંભળ્યો છે, [QBR]
9. 'હું શુદ્ધ અને અપરાધ વિનાનો છું; [QBR] હું નિર્દોષ છું અને મારામાં કોઈ પાપ નથી. [QBR]
10. જો, ઈશ્વર મારા પર હુમલો કરવાની તક શોધે છે; [QBR] તેઓ મને તેમના એક દુશ્મન સમાન ગણે છે. [QBR]
11. તે મારા પગોને હેડમાં મૂકે છે; [QBR] તે મારા સર્વ માર્ગોની સંભાળ રાખે છે.' [QBR]
12. જો, હું તને જવાબ આપીશ કે: [QBR] ઈશ્વર માણસ કરતાં મહાન છે માટે તારે તે કહેવું યોગ્ય નથી. [QBR]
13. “તું શા માટે તેમની સાથે બાથ ભીડે છે?” [QBR] કારણ કે તેઓ પોતાનાં કાર્યો વિષે મહિતી આપતા નથી. [QBR]
14. કેમ કે ઈશ્વર એક વાર બોલે છે [QBR] હા, બે વાર બોલે છે, છતાં પણ માણસ તે બાબત પર ધ્યાન આપતો નથી. [QBR]
15. જ્યારે માણસો ગાઢ નિદ્રામાં હોય કે, [QBR] પથારી પર ઊંઘતા હોય, [QBR] સ્વપ્નમાં અથવા રાતના સંદર્શનમાં હોય ત્યારે, [QBR]
16. ઈશ્વર માણસોના કાન ઉઘાડે છે, [QBR] અને તેઓને ચેતવણીથી ભયભીત કરે છે, [QBR]
17. અને આ મુજબ માણસને તેના પાપી ધ્યેયોથી અટકાવે, [QBR] અને તેને અહંકારથી દૂર કરે. [QBR]
18. ઈશ્વર લોકોના જીવનોને ખાડામાં પડતા અટકાવે છે, [QBR] અને તેઓનાં જીવનને નાશ પામતા બચાવે છે.   [QBR]
19. તેમ છતાં માણસને પથારીમાં થતા દુઃખથી, [QBR] અને તેનાં હાડકામાં વેદના આપીને તેમને સમજાવે છે. [QBR]
20. તેથી તેનું જીવન ભોજનથી, [QBR] અને તેનો આત્મા સ્વાદિષ્ટ ભોજનથી પણ કંટાળી જાય છે. [QBR]
21. તેનું શરીર સુકાઈ જાય છે અને અદ્રશ્ય થઈ જાય છે; [QBR] તેનાં હાડકાં દેખાતાં ન હતાં તે હવે દેખાઈ આવે છે. [QBR]
22. ખરેખર, તેનો આત્મા કબરની પાસે છે, [QBR] અને તેનું જીવન નાશ કરનારાઓની નજીક છે. [QBR]
23. માણસને શું કરવું સારું છે તે બતાવવાને, [QBR] હજારો દૂતોમાંથી એક દૂત, [QBR] મધ્યસ્થી તરીકે તેની સાથે હોય, [QBR]
24. અને તે દૂત તેેના પર દયાળુ થઈને ઈશ્વરને કહે છે કે, [QBR] 'આ માણસને કબરમાં જતાં અટકાવો; [QBR] કારણ કે, તેના બચાવ કરવાની રકમ મને મળી છે,' [QBR]
25. ત્યારબાદ તેનું શરીર નાના બાળક કરતાં શુદ્ધ થઈ જશે; [QBR] અને તે પાછો તેની યુવાનીના દિવસો પ્રાપ્ત કરશે. [QBR]
26. તે ઈશ્વરને પ્રાર્થના કરશે અને ઈશ્વર તેને કૃપા આપે છે, [QBR] અને તે ઈશ્વરનું મુખ જોઈને આનંદ કરે છે. [QBR] અને ઈશ્વર તે માણસને તેની પ્રામાણિક્તા પાછી આપે છે. [QBR]
27. ત્યારે તે માણસ અન્ય લોકોની સમક્ષ સ્તુતિ કરશે અને કહેશે કે, [QBR] મેં પાપ કર્યું હતું અને જે સત્ય હતું તેને વિપરીત કર્યું હતું, [QBR] પણ મારા પાપ પ્રમાણે મને સજા કરવામાં આવી નહિ. [QBR]
28. 'ઈશ્વરે મને મોતના મુખમાંથી બચાવ્યો છે; [QBR] અને હવે હું ફરીથી જીવનનો આનંદ માણી શકીશ.'   [QBR]
29. જુઓ, ઈશ્વર આ બધી બાબતો માણસો સાથે કરે છે, [QBR] બે વાર, હા, ત્રણ વાર પણ તે એમ જ વર્તે છે, [QBR]
30. તેઓ તેનું જીવન કબરમાંથી પાછું લાવે છે, [QBR] જેથી તેને જીવનનો પ્રકાશ પ્રાપ્ત થાય. [QBR]
31. હે અયૂબ, હું જે કહું તે ધ્યાનથી સાંભળ; [QBR] તું શાંત રહે અને હું બોલીશ. [QBR]
32. પણ જો તારે કંઈ કહેવું હોય, તો મને જવાબ આપ; [QBR] બોલ, કારણ કે, હું તને નિર્દોષ જાહેર કરવા માગું છું. [QBR]
33. જો, નહિતો મારું સાંભળ; [QBR] શાંત રહે અને હું તને જ્ઞાન શીખવીશ.” [PE]