1. “મેં મારી આંખો સાથે કરાર કર્યો છે; [QBR] તો હું કેવી રીતે કોઈ કુમારિકા પર વાસનાભરી નજર કરી શકું?” [QBR]
2. માટે ઉપરથી ઈશ્વર તરફથી શો હિસ્સો પ્રાપ્ત થાય, [QBR] ઉચ્ચસ્થાનથી સર્વશક્તિમાન પાસેથી વારસો મળે? [QBR]
3. હું વિચારતો હતો કે, વિપત્તિ અન્યાયીઓને માટે હોય છે, [QBR] અને દુષ્ટતા કરનારાઓને માટે વિનાશ હોય છે. [QBR]
4. શું ઈશ્વર મારું વર્તન જોતા નથી [QBR] અને મારાં બધાં પગલાં ગણતા નથી? [QBR]
5. જો મેં કપટભરેલાં આચરણ કર્યાં હોય, [QBR] અને જો મારા પગે કોઈને છેતરવા માટે ઉતાવળ કરી હોય, [QBR]
6. તો મને ત્રાજવાનાં માપથી માપવામાં આવે [QBR] કે જેથી ઈશ્વર જાણે કે હું નિર્દોષ છું. [QBR]
7. જો હું સત્યના માર્ગથી પાછો ફર્યો હોઉં, [QBR] જો મારું હૃદય મારી આંખોની લાલસા પાછળ ચાલ્યું હોય, [QBR] અથવા તો જો મારા હાથે કોઈની વસ્તુ આંચકી લીધી હોય, [QBR]
8. તો મારું વાવેલું અનાજ અન્ય લોકો ખાય; [QBR] ખરેખર, ખેતરમાંથી મારી વાવણી ઉખેડી નાખવામાં આવે. [QBR]
9. જો મારું હૃદય પરસ્ત્રી પર લોભાયું હોય, [QBR] જો હું મારા પડોશીના દરવાજાએ લાગ જોઈને સંતાઈ રહ્યો હોઉં , [QBR]
10. તો પછી મારી પત્ની અન્ય પુરુષને માટે રસોઈ કરે, [QBR] અને તે અન્ય પુરુષની થઈ જાય. [QBR]
11. કારણ કે તે ભયંકર અપરાધ કહેવાય; [QBR] ખરેખર, તે અપરાધ તો ન્યાયાધીશો દ્વારા અસહ્ય શિક્ષાને પાત્ર છે. [QBR]
12. તે તો એક અગ્નિ છે જે તમામ વસ્તુઓને સળગાવી નાખે છે. [QBR] અને મેં જે કંઈ વાવ્યું છે તે સર્વ બાળી શકે છે. [QBR]
13. જો મેં મારા દાસ અને દાસીઓના ન્યાય માટેની વિનંતીઓની અવગણના કરી હોય, [QBR] મારે તેઓની સાથે તકરાર થઈ હોય, [QBR]
14. તો જ્યારે ઈશ્વર મારી સમક્ષ આવીને ઊભા રહેશે ત્યારે હું શું કરીશ? [QBR] જ્યારે તે મારો ન્યાય કરવા આવશે, તો હું કેવી રીતે જવાબ આપીશ? [QBR]
15. કારણ કે, જે ઈશ્વરે મારું સર્જન કર્યું છે તેમણે જ તેઓનું પણ સર્જન કર્યું નથી? [QBR] શું તે જ ઈશ્વર સર્વને માતાઓના ગર્ભમાં આકાર આપતા નથી? [QBR]
16. જો મેં ગરીબોને તેઓની ઇચ્છા પ્રમાણે આપ્યું ન હોય, [QBR] અથવા જો મેં વિધવાઓને રડાવી હોય, [QBR]
17. અને જો મેં મારું ભોજન એકલાએ જ ખાધું હોય [QBR] અને અનાથોને જમવાને આપ્યું ન હોય [QBR]
18. પરંતુ તેનાથી ઊલટું, મેં મારી તરુણાવસ્થાથી જ તેઓના પિતાની જેમ તેઓની સંભાળ લીધી છે, [QBR] અને મેં વિધવાઓને પહેલેથી જ માર્ગદર્શન આપ્યું છે. [QBR]
19. જો મેં કોઈને પહેરણ વિના નાશ પામતા જોયો હોય, [QBR] અથવા તો ગરીબ માણસને વસ્ત્રો વિનાનો જોયો હોય; [QBR]
20. જો તેણે મારી પ્રશંસા ન કરી હોય, [QBR] કારણ કે તેને હૂંફાળા રહેવા માટે મારાં ઘેટાંઓનું ઊન મળ્યું નહિ હોય, [QBR]
21. જો શહેરના દરવાજાઓમાં બેઠેલાઓને મારા પક્ષના જાણીને [QBR] અને અનાથો પર મારો હાથ ઉઠાવ્યો હોય, [QBR]
22. તો મારો હાથ ખભામાંથી ખરી પડો, [QBR] અને મારા ખભાને તેના જોડાણમાંથી ભાંગી નાખવામાં આવે. [QBR]
23. પણ ઈશ્વર તરફથી આવતી વિપત્તિ મારા માટે ભયંકર છે; [QBR] કેમ કે તેમની ભવ્યતાને લીધે, હું આમાંની એકપણ બાબત કરી શકું તેમ નથી. [QBR]
24. જો મેં મારી ધનસંપત્તિ પર આશા રાખી હોય, [QBR] અને જો મેં કહ્યું હોય કે, શુદ્ધ સોનું, 'તુ જ મારી એકમાત્ર આશા છે'; [QBR]
25. મારી સંપતિને લીધે જો હું અભિમાની થયો હોઉં, [QBR] કારણ કે મારા હાથે ઘણી સંપત્તિ પ્રાપ્ત કરી છે; [QBR]
26. જો મેં પ્રકાશતા સૂર્યને જોયો હોય, [QBR] અથવા તેજસ્વી ચંદ્રને જોયો હોય, [QBR]
27. અને જો મારું હૃદય છૂપી રીતે લોભાયું હોય [QBR] અને તેથી મારા મુખે તેની ઉપાસના કરતા હાથને ચુંબન કર્યું હોય, [QBR]
28. તો આ પણ એક અપરાધ છે જે ન્યાયાધીશ મારફતે શિક્ષાને પાત્ર છે, [QBR] જો મેં ઉચ્ચસ્થાને બિરાજનાર ઈશ્વરનો ઇનકાર કર્યો હોય. [QBR]
29. જો મેં મને ધિક્કારનારાઓના વિનાશ પર આનંદ કર્યો હોય [QBR] અથવા જ્યારે નુકસાન થયું હોય ત્યારે મેં પોતાને અભિનંદન પાઠવ્યાં હોય, [QBR]
30. તેથી ઊલટું ખરેખર, તો મેં મારા મુખને મારા દુશ્મનોને શાપ આપવાનું [QBR] અને તેઓ મરણ પામે તે ઇચ્છવાનું પાપ થવા દીધું નથી. [QBR]
31. જો મારો ખોરાક ખાઈને તૃપ્ત થયો ન હોય [QBR] એવો એક પણ માણસ મળી આવે એવું મારા તંબુના માણસોએ શું કદી કહ્યું છે?' [QBR]
32. પરદેશીને શહેરના ચોકમાં રહેવું પડતું નહતું; [QBR] તેને બદલે, હું મુસાફરને માટે મારા ઘરના દરવાજા હંમેશા ખુલ્લા રાખતો હતો. [QBR]
33. જો મેં મારાં પાપો છુપાવીને, [QBR] માનવજાતની જેમ જો મારાં અપરાધો મારી અંદર સંતાડ્યા હોય [QBR]
34. અને મોટા જનસમુદાયથી ડરીને, [QBR] અને કુટુંબના તિરસ્કારથી ડરીને [QBR] હું મારા ઘરની અંદર છાનોમાનો બેસી રહ્યો હોઉં અને ઘરમાંથી બહાર ગયો ન હોઉં.... [QBR]
35. અરે જો કોઈ મારી વાત સાંભળતું હોત તો કેવું સારું! [QBR] જુઓ, આ મારું ચિહ્ન છે; સર્વશક્તિમાન મને ઉત્તર દો. [QBR] જો મારા પ્રતિવાદીએ અપરાધનો આરોપ લખ્યો હોત તો કેવું સારું! [QBR]
36. તો હું સાચે જ તેને મારે ખભે ઊંચકી લેત; [QBR] હું તેને રાજમુગટની જેમ પહેરત. [QBR]
37. મેં મારાં પગલાં તેની સમક્ષ જાહેર કર્યા હોત; [QBR] તો હું ભરોસાપાત્ર થઈને મારું માથું ઊચુ રાખીને તેની સમક્ષ હાજર થાત. [QBR]
38. જો કદાપિ મારી જમીન મારી વિરુદ્ધ પોકારે, [QBR] અને તે જમીનના ચાસ ભેગા થઈને રડતાં હોય, [QBR]
39. જો મેં તેની ઊપજ પૈસા આપ્યા વિના ખાધી હોય [QBR] અથવા તેના માલિકોનો જીવ મારાથી ગુમાવ્યો હોય, [QBR]
40. તો મારી જમીનમાં ઘઉંને બદલે કાંટા ઉત્પન્ન થાય [QBR] અને જવને બદલે ઘાસ ઉત્પન્ન થાય.” [QBR] અહીંયાં અયૂબના શબ્દો સમાપ્ત થાય છે. [PE]