1. પરંતુ હવે જે મારા કરતાં ઉંમરમાં નાના છે જેઓના પિતાઓને હું મારા ટોળાંના કૂતરાઓની હરોળમાં પણ ન રાખું તેટલા નીચા ગણતો, [QBR] તેઓ આજે મારી હાંસી કરે છે. [QBR]
2. હા, જે માણસોનું બળ નાશ પામ્યું છે [QBR] તેઓના બાહુબળથી મને શો લાભ થાય? [QBR]
3. દુકાળ તથા ભૂખથી તેઓ લેવાઈ ગયા છે; [QBR] ઉજ્જડ તથા વેરાન જગ્યાના અંધકારમાં તેઓ અરણ્યની સૂકી ધૂળ ખાય છે. [QBR]
4. તેઓ રણમાં ખારી ભાજી ચૂંટી કાઢે છે [QBR] અને છોડનાં મૂળિયાં ખાય છે. [QBR]
5. તેઓને મનુષ્યોમાંથી હાંકી કાઢવામાં આવ્યા છે. [QBR] ચોરની જેમ લોકો તેઓની પાછળ ચીસો પાડે છે. [QBR]
6. તેઓ ખીણમાં, ખડકોમાં, ગુફાઓમાં, [QBR] અને ખાડાઓમાં પડી રહે છે. [QBR]
7. તેઓ પશુની જેમ ઝાડીઓમાં બરાડા પાડે છે; [QBR] તેઓ ઝાડ નીચે સમૂહમાં ભેગા થાય છે. [QBR]
8. તેઓ મૂર્ખોનાં સંતાનો હા, અધમ પુરુષોનાં સંતાનો છે. [QBR] દેશમાંથી તેઓને કાઢી મૂકવામાં આવ્યા હતા. [QBR]
9. હવે તે માણસો મારી મશ્કરી કરે છેે. [QBR] હું તેઓ મધ્યે કહેવતરૂપ બન્યો છું. [QBR]
10. તેઓ મારા પ્રત્યે ઘૃણા કરે છે અને મારી પાસે આવતા નથી. [QBR] મારા મોં પર થૂંકતાં પણ તેઓ અચકાતા નથી. [QBR]
11. કેમ કે ઈશ્વરે પોતાની દોરી છોડીને મને દુઃખી કર્યો છે. [QBR] અને લોકોએ મારી સામું પોતાનો બધો અંકુશ ગુમાવ્યો છે. [QBR]
12. મારી જમણી બાજુએ હુલ્લડખોરો ઊઠે છે; [QBR] તેઓ મને દૂર હાંકી કાઢે છે અને [QBR] મારો નાશ કરવા તેઓ ઘેરો નાખે છે. [QBR]
13. તેઓ રસ્તા તોડી નાખે છે જેથી હું ભાગી ન શકું. [QBR] મારો નાશ કરવામાં તેઓ સફળ થયા છે. તેઓને કોઈની મદદની જરૂર નથી. [QBR]
14. તેઓ દીવાલમાં બાકોરું પાડે છે. [QBR] તેઓ તેની આરપાર ધસી જાય છે અને પથ્થરો મારી પર પડે છે. [QBR]
15. મારા માથે વિનાશ આવી પડ્યો છે. [QBR] તેઓ પવનની જેમ મારા સ્વમાનને ઘસડી લઈ જાય છે. [QBR] મારી આબાદી વાદળોની જેમ લોપ ગઈ છે. [QBR]
16. હવે મારું જીવન લગભગ ખતમ થઈ ગયું છે [QBR] ઘણાં દુ:ખોના દિવસોએ મને ઘેરી લીધો છે. [QBR]
17. રાત્રી દરમ્યાન મારાં હાડકાંઓને પીડા થાય છે, [QBR] પીડા મને સતાવવાનું છોડતી નથી. [QBR]
18. મારા અતિ મંદવાડને કારણે મારાં વસ્ત્રો વેરવિખેર થઈ ગયાં છે. [QBR] મારા વસ્ત્રના ગળાની પટ્ટી માફક તેઓએ મને ટૂંપો દીધો છે. [QBR]
19. ઈશ્વરે મને કાદવમાં ફેંકી દીધો છે. [QBR] હવે હું ધૂળ તથા રાખ જેવો બની ગયો છું. [QBR]
20. હું કાલાવાલા કરું છું, પણ તમે મારું સાંભળતા નથી. [QBR] હું તમારી સમક્ષ આવીને ઊભો છું પણ તમે મારી સામે નજર કરતા નથી. [QBR]
21. તમે મારા પ્રત્યે નિષ્ઠુર થઈ ગયા છો. [QBR] તમે તમારી શક્તિનો ઉપયોગ મને ઈજા પહોંચાડવામાં કરો છો. [QBR]
22. તમે મને વાયુમાં ઊંચો કરો છો તમે મને તેની પર સવારી કરાવો છો; [QBR] તમે મને હવાના તોફાનમાં વાદળાની જેમ પિગળાવી નાખો છો. [QBR]
23. હું જાણું છું કે તમે મને મૃત્યુમાં, [QBR] એટલે સર્વ સજીવોને માટે નિશ્ચિત કરેલા ઘરમાં લઈ જશો. [QBR]
24. મુશ્કેલીમાં આવી પડેલો માણસ હાથ લાંબો નહિ કરે? [QBR] તેની પડતીમાં તે મદદને માટે કાલાવાલા નહિ કરે? [QBR]
25. શું દુ:ખી માનવીઓ માટે મેં આંસુ સાર્યાં નથી? [QBR] કંગાલો માટે મારું હૃદય શું રડી ઊઠયું નથી? [QBR]
26. મેં ભલાઈની આશા રાખી હતી પણ દુષ્ટતા આવી પડી [QBR] મેં પ્રકાશની આશા રાખી હતી પણ અંધારું આવી પડ્યું. [QBR]
27. મારું અંતર ઊકળે છે. દુ:ખનો અંત આવતો નથી. [QBR] મારા પર વિપત્તિના દિવસો આવી પડ્યા છે. [QBR]
28. હું સૂર્યના પ્રકાશ વિના શોક કરતો ફરું છું, [QBR] હું જાહેર સભામાં ઊભો રહીને મદદ માટે બૂમો પાડું છું. [QBR]
29. હું શિયાળોનો ભાઈ [QBR] અને શાહમૃગોનો સાથી થયો છું. [QBR]
30. મારી ચામડી કાળી પડી ગઈ છે અને મારા શરીર પરથી ખરી પડી છે. [QBR] ગરમીથી મારાં હાડકાં બળી જાય છે. [QBR]
31. તેથી મારી વીણામાંથી હવે વેદનાના સૂર નીકળે છે, [QBR] મારી વાંસળીમાંથી હવે રુદનનો સ્વર સંભળાય છે. [PE]