1. એ પછી અયૂબે પોતાનું મુખ ઉઘાડીને પોતાના જન્મદિવસને શાપ આપ્યો. [QBR]
2. અયૂબે કહ્યું; [QBR]
3. ''જે દિવસે હું જન્મ્યો તે દિવસ નાશ પામો, જે રાત્રે એમ કહેવામાં આવ્યું કે દીકરાનો ગર્ભ રહ્યો છે; [QBR]
4. તે દિવસ અંધકારરૂપ થાઓ. આકાશમાંના ઈશ્વર તેને લેખામાં ન ગણો, [QBR] તે દિવસે અજવાળું ન થાઓ. [QBR]
5. તે દિવસ અંધકારનો તથા મૃત્યુછાયાનો ગણાઓ; [QBR] તે પર વાદળ ઠરી રહો; [QBR] તે દિવસનો અંધકાર ત્રાસદાયક બનો. [QBR]
6. તે રાત્રે ઘોર અંધકાર વ્યાપી રહો, [QBR] વર્ષના દિવસોમાં તે ન ગણાઓ, [QBR] મહિનાઓની ગણતરીમાં તે ન ગણાય. [QBR]
7. તે રાત્રી એકલવાયી થઈ રહો, [QBR] તે રાત્રે કંઈ હર્ષનાદ ન થાઓ. [QBR]
8. તે દિવસને શાપ દેનારા, [QBR] તથા જેઓ વિકરાળ પ્રાણી જગાડવામાં ચતુર છે. તેઓ તેને શાપ દો. [QBR]
9. તે દિવસના પ્રભાતના તારા અંધકારમાં રહે, [QBR] તે દિવસ અજવાળાની રાહ જોયા કરે પરંતુ તે તેને મળે નહિ; [QBR] તેનો અરુણોદયનો પ્રકાશ બિલકુલ દેખાઓ નહિ. [QBR]
10. કેમ કે તેણે મારી માનું ગર્ભસ્થાન બંધ રાખ્યું નહિ. [QBR] અને મારી આંખો આગળથી દુઃખ દૂર કર્યું નહિ. [QBR]
11. હું ગર્ભસ્થાનમાં જ કેમ ન મરી ગયો? [QBR] જનમતાં જ મેં પ્રાણ કેમ ન છોડ્યો? [QBR]
12. તેના ઘૂંટણોએ શા માટે મારો અંગીકાર કર્યો. [QBR] અને તેનાં સ્તનોએ મારો અંગીકાર કરી શા માટે મને સ્તનપાન કરાવ્યું? [QBR]
13. કેમ કે હમણાં તો હું સૂતેલો હોત અને મને શાંતિ હોત, [QBR] હું ઊંઘતો હોત અને મને આરામ હોત. [QBR]
14. પૃથ્વીના જે રાજાઓ અને મંત્રીઓએ, [QBR] પોતાને વાસ્તે તેઓની સાથે એકાંત નગરો બાંધ્યાં હતાં; [QBR]
15. જે ઉમરાવો સોનાના માલિક હતા, [QBR] તથા ચાંદીથી પોતાનાં ઘરો ભરી દીધેલાં છે તેઓની સાથે, [QBR]
16. કદાચ હું અધૂરો ગર્ભ હોત, [QBR] તથા જેણે પ્રકાશ જોયો નથી તેવા બાળકો જેવો હું હોત તો સારુ; [QBR]
17. ત્યાં દુષ્ટો બડબડાટ કરવાનું બંધ કરે છે [QBR] ત્યાં થાકેલાં આરામ પામે છે. [QBR]
18. ત્યાં ગુલામો ભેગા થઈને આરામ મેળવે છે. [QBR] ત્યાં તેઓને વૈતરું કરાવનારાઓનો અવાજ સાંભળવો પડતો નથી. [QBR]
19. બધા જ લોકો ત્યાં સમાન છે. [QBR] ગુલામ તેના માલિકથી મુક્ત હોય છે. [QBR]
20. દુ:ખી આત્માવાળાને પ્રકાશ, [QBR] અને નિરાશ થઈ ગયેલાઓને જીવન કેમ અપાય છે? [QBR]
21. તેઓ મરવાની ઇચ્છા રાખે છે. [QBR] છુપાયેલા ખજાના કરતાં મોતને વધારે શોધે છે, પણ તે તેઓને મળતું નથી. [QBR]
22. જ્યારે તેઓ કબરમાં જાય છે, [QBR] ત્યારે તેઓ અતિશય ખુશ થાય છે અને આનંદ પામે છે. [QBR]
23. જેનો માર્ગ ઘેરાઈ ગયો છે, [QBR] અને જેને ઈશ્વર સંકજામાં લાવ્યા છે તેને પ્રકાશ કેમ આપવામાં આવે છે? [QBR]
24. કેમ કે મારો નિશ્વાસ જ મારો ખોરાક છે. [QBR] અને મારો વિલાપ પાણીની જેમ રેડાય છે. [QBR]
25. કેમ જે જેનો મને ડર છે તે જ મારા પર આવી પડે છે. [QBR] જેનો મને ભય છે તે જ મને મળે છે. [QBR]
26. મને સુખ નથી, મને ચેન નથી, મને વિશ્રાંતિ પણ નથી; [QBR] પણ વેદના આવી પડ્યા કરે છે.'' [PE]