1. અયૂબે પોતાના દ્ષ્ટાંતના વધારામાં કહ્યું કે, [QBR]
2. ''અરે, જો આગળના વખતમાં હું હતો તેવો, [QBR] અને જે વખતે ઈશ્વર મારું ધ્યાન રાખતા હતા તેવો હું હમણાં હોત તો કેવું સારું! [QBR]
3. ત્યારે તેમનો દીવો મારા પર ઝળહળતો હતો [QBR] અને તેમના પ્રકાશથી હું અંધકારમાં ચાલી શકતો હતો. [QBR]
4. જેવો હું મારી જુવાનીમાં હતો તેવો હું હોત તો કેવું સારું! [QBR] ત્યારે તો મારા તંબુ પર ઈશ્વરની કૃપાદ્રષ્ટિ હતી, [QBR]
5. તે વખતે સર્વશક્તિમાન ઈશ્વર મારી સાથે હતા [QBR] અને મારાં સંતાનો મારી આસપાસ હતાં. [QBR]
6. તે વખતે મારા પગ માખણથી ધોવાતા હતા, [QBR] અને ખડકો મારે સારુ તેલની નદીઓ વહેવડાવતા હતા! [QBR]
7. ત્યારે તો હું નગરના દરવાજે જતો હતો, [QBR] ત્યારે જાહેર સભાના સ્થળમાં હું મારું આસન તૈયાર કરાવતો હતો. [QBR]
8. યુવાનો મને જોઈને સન્માન ખાતર ખસી જતા, [QBR] અને વૃદ્ધો ઊભા થઈને મને માન આપતા હતા. [QBR]
9. સરદારો પણ મને જોઈને બોલવાનું બંધ કરી દેતા [QBR] અને મોં પર તેઓના હાથ મૂકતા. [QBR]
10. અમીરો બોલતા બંધ થઈ જતા, [QBR] તેઓની જીભ તેઓના તાળવે ચોંટી જતી. [QBR]
11. કેમ કે લોકો મારું સાંભળતા અને તેઓ મને ધન્યવાદ આપતા. [QBR] અને જેઓ મને જોતા તેઓ સાક્ષી આપતા [QBR]
12. કેમ કે રડતાં ગરીબોને [QBR] તથા તદ્દન નિરાશ્રિત અનાથો જેને મદદ કરનાર કોઈ ન હોય તેઓને પણ હું દુઃખમાંથી મુક્ત કરતો, [QBR]
13. જેઓ નાશ પામવાની અણી પર હતા તેઓ મને આશીર્વાદ આપતા; [QBR] વિધવાઓના હ્રદયને હું હર્ષનાં ગીતો ગવડાવતો. [QBR]
14. મેં ન્યાયીપણાંને ધારણ કર્યું અને તેણે મને ધારણ કર્યો, [QBR] મારો ન્યાય મારા માટે જામા તથા પાઘડી સમાન હતો. [QBR]
15. હું અંધજનોની આંખ સમાન હતો; [QBR] હું અપંગ માટે પગ સમાન હતો. [QBR]
16. ગરીબો સાથે હું તેઓના પિતાની જેમ વર્તતો. [QBR] જેઓને હું જાણતો ન હતો તેઓની અગત્ય જાણીને હું તેમને મદદ કરતો. [QBR]
17. હું દુષ્ટ લોકોના જડબાં તોડી નાખતો; [QBR] હું તેઓના હાથમાંથી શિકાર ઝૂંટવી લેતો. [QBR]
18. ત્યારે હું કહેતો કે, હું મારા પરિવાર સાથે મરણ પામીશ. [QBR] મારા દિવસો રેતીની જેમ અસંખ્ય થશે. [QBR]
19. મારાં મૂળિયાં પાણી સુધી ફેલાયાં છે [QBR] અને મારી ડાળીઓ ઝાકળથી ભીની થઈ છે. [QBR]
20. મારું ગૌરવ મારામાં તાજું છે. [QBR] અને મારું ધનુષ્ય મારા હાથમાં નવું થતું જાય છે. [QBR]
21. લોકો મારા બોધને ધ્યાનથી સાંભળતા હતા, [QBR] તેઓ શાંતિ પૂર્વક મારી સલાહની રાહ જોતા હતા. [QBR]
22. મારા બોલી રહ્યા પછી કોઈ દલીલ કરતા ન હતા. [QBR] કેમ કે મારી સલાહ વરસાદની જેમ ટપક્યા કરતી. [QBR]
23. તેઓ વરસાદની જેમ મારી રાહ જોતા હતા; [QBR] અને પાછલા વરસાદને માટે માણસ મુખ ખોલે તેમ તેઓ મારા માટે આતુર રહેતા. [QBR]
24. જયારે તેઓ ઉદાસ થઈ ગયા હોય ત્યારે હું તેમની સામે સ્મિત આપતો; [QBR] મારા આનંદી ચહેરાનું તેજ તેઓ ઉતારી પાડતા નહિ. [QBR]
25. હતાશ થયેલા માણસને દિલાસો આપનાર તરીકે હું તેઓનો માર્ગ પસંદ કરતો; [QBR] હું સરદાર તરીકે બિરાજતો, [QBR] અને સૈન્યમાં રાજાની જેમ રહેતો. [PE]