1. રૂપાને માટે ખાણ હોય છે, [QBR] અને સોનાને ગાળીને તેને શુદ્ધ બનાવવા માટે જગ્યા હોય છે. [QBR]
2. લોખંડ જમીનમાંથી ખોદી કાઢવામાં આવે છે, [QBR] અને તાંબુ ખડકમાંથી ગાળવામાં આવે છે. [QBR]
3. માણસ અંધકારને ભેદે છે, [QBR] અને ઘોર અંધકાર તથા મૃત્યુછાયાના પથ્થરોને પણ, [QBR] છેક છેડાથી શોધી કાઢે છે. [QBR]
4. માણસની વસ્તીથી દૂર તેઓ ખાણ ખોદે છે. [QBR] ત્યાંથી પસાર થનાર તે ખાણ વિષે જાણતા નથી, [QBR] તેઓ માણસોથી દૂર લટકે છે તેઓ આમતેમ ઝૂલે છે. [QBR]
5. ધરતીમાંથી અનાજ ઊગે છે [QBR] અને તેની નીચે તો જાણે અગ્નિથી ઊકળતો હોય એવું છે. [QBR]
6. તેના ખડકોમાંથી નીલમણિઓ મળે છે, [QBR] અને તેમાંથી સોનાના ગઠ્ઠા નીકળે છે. [QBR]
7. કોઈ શિકારી પક્ષી તે રસ્તો જાણતું નથી. [QBR] બાજ પક્ષીની આંખે પણ તે રસ્તો જોયો નથી. [QBR]
8. વિકરાળ પશુ પણ ત્યાં પહોંચ્યું નથી. [QBR] મદોન્મત સિંહના પગ પણ ત્યાં પડ્યા નથી. [QBR]
9. તે ચકમકના ખડક પર પોતાનો હાથ લંબાવે છે. [QBR] તે પર્વતોને સમૂળગા ઊંધા વાળે છે. [QBR]
10. તે ખડકોમાંથી ભોંયરાઓ ખોદી કાઢે છે, [QBR] અને તેમની આંખ દરેક મૂલ્યવાન વસ્તુને જુએ છે. [QBR]
11. તે નદીઓને વહેતી બંધ કરે છે [QBR] અને ગુપ્ત બાબતો પ્રગટમાં લાવે છે. [QBR]
12. પરંતુ તમને બુદ્ધિ ક્યાંથી મળે? [QBR] અને સમજશકિતનું સ્થળ ક્યાં છે? [QBR]
13. મનુષ્ય ડહાપણની કિંમત જાણતો નથી; [QBR] પૃથ્વી પરના લોકોમાં જ્ઞાન મળતું નથી. [QBR]
14. ઊંડાણ કહે છે, 'તે મારી પાસે નથી;' [QBR] મહાસાગરો કહે છે, 'તે મારી પાસે નથી.' [QBR]
15. તે સોનાથી ખરીદી શકાય નહિ. [QBR] તેની કિંમત બદલ ચાંદી પણ પર્યાપ્ત નથી. [QBR]
16. ઓફીરના સોનાને ધોરણે કે [QBR] મૂલ્યવાન ગોમેદ કે નીલમને ધોરણે તેની કિંમત થાય નહિ. [QBR]
17. સોના કે હીરા સાથે તેની તુલના થઈ શકે તેમ નથી. [QBR] કે, ચોખ્ખા સોનાનાં આભૂષણ પણ તેને તોલે આવે નહિ. [QBR]
18. પરવાળાં કે સ્ફટિકમણિનું તો નામ જ ના લેવું; [QBR] જ્ઞાનની કિંમત તો માણેક કરતાં પણ વધુ ઊંચી છે. [QBR]
19. કૂશ દેશનો પોખરાજ પણ તેની બરોબરી કરી શકે નહિ, [QBR] શુદ્ધ સોનાથી પણ તેની બરોબરી થાય નહિ. [QBR]
20. ત્યારે બુદ્ધિ ક્યાંથી આવે છે? [QBR] અને સમજશકિતનું સ્થળ ક્યાં છે? [QBR]
21. કેમ કે દરેક સજીવ વસ્તુથી તે છુપાયેલું છે. [QBR] આકાશનાં પક્ષીઓથી પણ તે ગુપ્ત રખાયેલું છે. [QBR]
22. વિનાશ તથા મૃત્યુ કહે છે, [QBR] 'અમે અમારા કાનોએ તેની અફવા સાંભળી છે.' [QBR]
23. ઈશ્વર જ તેનો માર્ગ જાણે છે, [QBR] અને તે જ તેનું સ્થળ જાણે છે. [QBR]
24. કેમ કે ધરતીના છેડા સુધી તેમની નજર પહોંચે છે, [QBR] આકાશની નીચે તે બધું જોઈ શકે છે. [QBR]
25. ઈશ્વર પવનનું વજન કરે છે, [QBR] હા, તે પાણીને માપથી માપી નાખે છે. [QBR]
26. જ્યારે તેમણે વરસાદ માટે નિયમ ઠરાવ્યો, [QBR] અને મેઘની ગર્જના સાથે વાવાઝોડાનો માર્ગ નક્કી કર્યો, [QBR]
27. તે વખતે ઈશ્વરે તેને જોયું અને તેનું વર્ણન કર્યું; [QBR] તેમણે તેને સ્થાપન કર્યું અને તેને શોધી પણ કાઢ્યું. [QBR]
28. ઈશ્વરે માણસને કહ્યું, [QBR] જુઓ, પ્રભુનો ડર તે જ જ્ઞાન છે; [QBR] દુષ્ટતાથી દૂર રહેવું તે જ સમજશકિત છે.''' [PE]