1. અયૂબે પોતાના દ્દ્રષ્ટાંતના વધારામાં કહ્યું કે, [QBR]
2. ''ઈશ્વરના સોગન ખાઈને કહું છું કે, તેમણે મારો હક ડુબાવ્યો છે, [QBR] સર્વશક્તિમાને મારા આત્માને સતાવ્યો છે, [QBR]
3. જ્યાં સુધી હું જીવું છું ત્યાં સુધી, [QBR] ઈશ્વરનો શ્વાસ મારા નસકોરામાં છે, [QBR]
4. નિશ્ચે મારા હોઠ અન્યાયની વાત નહિ કરે; [QBR] મારી જીભ અસત્ય નહિ ઉચ્ચારે. [QBR]
5. હું તમને ન્યાયી ઠરાવું એમ ઈશ્વર ન થવા દો; [QBR] હું મૃત્યુ પામું, ત્યાં સુધી મારી નિર્દોષતા જાહેર કર્યા કરીશ. [QBR]
6. હું મારી નિર્દોષતાને વળગી રહીશ; હું તેને કદી છોડીશ નહિ [QBR] મારા આયુષ્યના કોઈ પણ પ્રસંગ વિષે મારું મન મને ડંખતું નથી. [QBR]
7. મારા શત્રુને દુષ્ટની જેમ; [QBR] મારી વિરુદ્ધ ઊઠનારને અન્યાયીની જેમ થાઓ. [QBR]
8. જો અધર્મી નફો મેળવે તોપણ ઈશ્વર તેનો જીવ લઈ લે છે, [QBR] તો પછી તેને શી આશા રહે? [QBR]
9. જયારે તેના પર દુ:ખ આવી પડશે [QBR] ત્યારે શું ઈશ્વર તેનો પોકાર સાંભળશે? [QBR]
10. શું તે સર્વશકિતમાનથી આનંદ માનશે. [QBR] અને સર્વ પ્રસંગે ઈશ્વરને વિનંતી કર્યા કરશે? [QBR]
11. ઈશ્વરની સત્તા વિષે હું તમને શીખવીશ. [QBR] સર્વશક્તિમાનની યોજના હું છુપાવીશ નહિ. [QBR]
12. જુઓ, તમે તમારી પોતાની આંખોથી તે જોયું છે; [QBR] છતાં મારી સાથે તમે શા માટે વ્યર્થ વાતો કરો છો? [QBR]
13. ઈશ્વર પાસેથી દુષ્ટ માણસનો હિસ્સો, [QBR] તથા સર્વશક્તિમાન પાસેથી દુષ્ટોને મળતો વારસો આ છે [QBR]
14. જો તેમનાં સંતાનોની વૃદ્ધિ થાય, તો તે તરવારથી હત્યા થવા માટે છે. [QBR] અને તેના વંશજો ભૂખમરાને કારણે મૃત્યુ પામશે. [QBR]
15. તેમાંથી જેઓ બચી જશે તેઓ રોગ અને મૃત્યુનો ભોગ બનશે. [QBR] અને તેની વિધવા શોક કરશે નહિ. [QBR]
16. જો કે દુષ્ટ માણસ ધૂળની જેમ રૂપાના ઢગલેઢગલા એકત્ર કરે, [QBR] અને કાદવની જેમ પુષ્કળ વસ્ત્ર બનાવી દે, [QBR]
17. તો તે ભલે બનાવે, પરંતુ ન્યાયીઓ તે વસ્ત્રો પહેરશે, [QBR] અને નિર્દોષ લોકો તે ચાંદી માંહોમાંહે વહેંચી લેશે. [QBR]
18. કરોળિયાનાં જાળાં જેવા અને ચોકીદારે બાંધેલા છાપરાની જેમ, [QBR] તે પોતાનું ઘર બાંધે છે. [QBR]
19. તે આરામથી પોતાની પથારીમાં સૂઈ જાય છે, પણ તેને આરામ મળશે નહિ; [QBR] પણ જ્યારે તે પોતાની આંખ ખોલે છે ત્યારે સઘળું તેની સમક્ષથી જતું રહે છે. [QBR]
20. રેલની જેમ ત્રાસ તેને પકડી પાડે છે; [QBR] રાત્રે તોફાન તેને ચોરીને લઈ જાય છે. [QBR]
21. પૂર્વનો વાયુ તેને ઉડાવીને લઈ જાય છે, એટલે તે લોપ થાય છે; [QBR] તે તેને તેની જગાએથી બહાર ખેંચી જાય છે. [QBR]
22. કેમ કે ઈશ્વર તેનાં તરફ બાણ ફેંકશે અને દયા રાખશે નહિ; [QBR] તે તેમના હાથમાંથી નાસી જવા માટે વ્યર્થ પ્રયત્ન કરે છે. [QBR]
23. તેના હાથો તાળી પાડીને તેની સામે ઠેકડી ઉડાવશે; [QBR] તેની જગ્યાએથી તેનો ફિટકાર કરશે. [PE]