1.
2. [PS]ત્યારે અયૂબે જવાબ આપ્યો અને કહ્યું કે, [PE][QS]''આજે પણ મારી ફરિયાદ કડવી છે; [QE][QS]મારાં દુઃખો કરતાં મારો ઘા ભારે છે. [QE]
3. [QS]અરે, મને તે ક્યાં જડે તે હું જાણતો હોત તો કેવું સારું! [QE][QS]અરે, તો હું તેમને આસને જઈ પહોંચત! [QE]
4. [QS]હું મારી દલીલો તેમની આગળ અનુક્રમે રજૂ કરત [QE][QS]અને મારું મોઢુંં દલીલોથી ભરત. [QE]
5. [QS]મારે જાણવું છે ઈશ્વર મારી દલીલોના જવાબ કેવી રીતે આપે છે. [QE][QS]અને તે મને જે કહેત તે હું સમજત. [QE]
6. [QS]શું તે તેમની શક્તિનો મારી સામે ઊપયોગ કરશે? [QE][QS]ના, હું જે કહું તે જરૂર તેમના લક્ષમાં લેત. [QE]
7. [QS]ત્યાં એક પ્રામાણિક માણસ તેમની સાથે વાદવિવાદ કરી શકે છે. [QE][QS]પછી હું સદાને માટે મારા ન્યાયાધીશથી મુકત થાત. [QE]
8. [QS]જુઓ, હું પૂર્વમાં જાઉં છું, પણ તે ત્યાં નથી. [QE][QS]હું પશ્ચિમમાં જોઉં છું, પણ હું તેમને જોઈ શકતો નથી. [QE]
9. [QS]ડાબે હાથે તે કામ કરે છે ત્યારે હું તેમને નિહાળી શકતો નથી. [QE][QS]જમણે હાથે તે એવા ગુપ્ત રહે છે કે હું તેમને જોઈ શકતો નથી. [QE]
10. [QS]પણ ઈશ્વર મારી ચાલચલગત જાણે છે; [QE][QS]મારી પરીક્ષા તે કરશે ત્યારે હું સોના જેવો નીકળીશ. [QE]
11. [QS]મારા પગ તેમના પગલાને વળગી રહ્યા છે; [QE][QS]મેં તેમનો માર્ગ પકડી રાખ્યો છે હું આમતેમ ભટકી ગયો નથી. [QE]
12. [QS]તેમના હોઠોની આજ્ઞાઓથી હું પાછો હઠ્યો નથી; [QE][QS]મારા આવશ્યક ખોરાક કરતાં તેમના મુખના શબ્દો મેં આવશ્યક ગણીને તેને સંઘરી રાખ્યા છે. [QE]
13. [QS]પરંતુ ઈશ્વર બદલાતા નથી; કોણ તેમને બદલી શકે? [QE][QS]તેમનો આત્મા જે ઇચ્છે તે જ તે કરે છે. [QE]
14. [QS]તેમણે મારે માટે જે નિર્માણ કર્યું છે તે પ્રમાણે જ તે કરશે. [QE][QS]અને એવાં ઘણાં કામ તેમના હાથમાં રહેલાં છે. [QE]
15. [QS]માટે હું તેમની આગળ ગભરાઈ જાઉં છું. [QE][QS]જ્યારે હું આ બાબતો વિષે વિચાર કરું છું ત્યારે મને તેમનો ડર લાગે છે. [QE]
16. [QS]ઈશ્વરે મારું હૃદયભંગ કર્યું છે; [QE][QS]અને સર્વશક્તિમાને મને ગભરાવ્યો છે. [QE]
17. [QS]કેમ કે અંધકાર મારા પર આવ્યાને લીધે, [QE][QS]ઘોર અંધકારે મારું મોં ઢાંકી દીધું. [QE]