1. ત્યારે અયૂબે જવાબ આપ્યો અને કહ્યું કે, [QBR]
2. ''આજે પણ મારી ફરિયાદ કડવી છે; [QBR] મારાં દુઃખો કરતાં મારો ઘા ભારે છે. [QBR]
3. અરે, મને તે ક્યાં જડે તે હું જાણતો હોત તો કેવું સારું! [QBR] અરે, તો હું તેમને આસને જઈ પહોંચત! [QBR]
4. હું મારી દલીલો તેમની આગળ અનુક્રમે રજૂ કરત [QBR] અને મારું મોઢુંં દલીલોથી ભરત. [QBR]
5. મારે જાણવું છે ઈશ્વર મારી દલીલોના જવાબ કેવી રીતે આપે છે. [QBR] અને તે મને જે કહેત તે હું સમજત. [QBR]
6. શું તે તેમની શક્તિનો મારી સામે ઊપયોગ કરશે? [QBR] ના, હું જે કહું તે જરૂર તેમના લક્ષમાં લેત. [QBR]
7. ત્યાં એક પ્રામાણિક માણસ તેમની સાથે વાદવિવાદ કરી શકે છે. [QBR] પછી હું સદાને માટે મારા ન્યાયાધીશથી મુકત થાત. [QBR]
8. જુઓ, હું પૂર્વમાં જાઉં છું, પણ તે ત્યાં નથી. [QBR] હું પશ્ચિમમાં જોઉં છું, પણ હું તેમને જોઈ શકતો નથી. [QBR]
9. ડાબે હાથે તે કામ કરે છે ત્યારે હું તેમને નિહાળી શકતો નથી. [QBR] જમણે હાથે તે એવા ગુપ્ત રહે છે કે હું તેમને જોઈ શકતો નથી. [QBR]
10. પણ ઈશ્વર મારી ચાલચલગત જાણે છે; [QBR] મારી પરીક્ષા તે કરશે ત્યારે હું સોના જેવો નીકળીશ. [QBR]
11. મારા પગ તેમના પગલાને વળગી રહ્યા છે; [QBR] મેં તેમનો માર્ગ પકડી રાખ્યો છે હું આમતેમ ભટકી ગયો નથી. [QBR]
12. તેમના હોઠોની આજ્ઞાઓથી હું પાછો હઠ્યો નથી; [QBR] મારા આવશ્યક ખોરાક કરતાં તેમના મુખના શબ્દો મેં આવશ્યક ગણીને તેને સંઘરી રાખ્યા છે. [QBR]
13. પરંતુ ઈશ્વર બદલાતા નથી; કોણ તેમને બદલી શકે? [QBR] તેમનો આત્મા જે ઇચ્છે તે જ તે કરે છે. [QBR]
14. તેમણે મારે માટે જે નિર્માણ કર્યું છે તે પ્રમાણે જ તે કરશે. [QBR] અને એવાં ઘણાં કામ તેમના હાથમાં રહેલાં છે. [QBR]
15. માટે હું તેમની આગળ ગભરાઈ જાઉં છું. [QBR] જ્યારે હું આ બાબતો વિષે વિચાર કરું છું ત્યારે મને તેમનો ડર લાગે છે. [QBR]
16. ઈશ્વરે મારું હૃદયભંગ કર્યું છે; [QBR] અને સર્વશક્તિમાને મને ગભરાવ્યો છે. [QBR]
17. કેમ કે અંધકાર મારા પર આવ્યાને લીધે, [QBR] ઘોર અંધકારે મારું મોં ઢાંકી દીધું. [PE]