1. ત્યારે સોફાર નાઅમાથીએ પ્રત્યુત્તર આપ્યો અને કહ્યું, [QBR]
2. ''મારા વિચારો મને ઉત્તર આપવાને સૂચવે છે. [QBR] ચિંતાને લીધે હું અધીરો બની ગયો છું. [QBR]
3. મને શરમાવે એવો ઠપકો મેં સાંભળ્યો છે, [QBR] અને મારી પ્રેરકબુદ્ધિ મને ઉત્તર આપે છે. [QBR]
4. શું તને ખબર નથી કે, પ્રાચીન કાળથી, [QBR] એટલે કે મનુષ્ય પૃથ્વી પર આવીને વસ્યો ત્યારથી, [QBR]
5. દુષ્ટ લોકોની કીર્તિ ક્ષણભંગુર છે, [QBR] તથા અધર્મીઓનો આનંદ ક્ષણિક છે? [QBR]
6. તેનો યશ આકાશ સુધી પહોંચે, [QBR] અને તેનું મસ્તક આભ સુધી પહોંચે, [QBR]
7. તોપણ તે પોતાની જ વિષ્ટાની જેમ હંમેશને માટે નાશ પામે છે. [QBR] જેમણે એને જોયો છે તેઓ પૂછે છે, 'તે ક્યાં છે?' [QBR]
8. સ્વપ્નની જેમ તે ઊડી જશે અને તેનો પત્તો લાગશે નહિ; [QBR] રાત્રિના સંદર્શનની જેમ તે અદ્રશ્ય થઈ જશે. [QBR]
9. જેણે તેને જોયો છે તે તને ફરી કદી જોઈ શકશે નહિ. [QBR] તેનું સ્થળ તેને ક્યારેય જોવા પામશે નહિ. [QBR]
10. તેનાં સંતાનો ગરીબોની મહેરબાની શોધશે, [QBR] અને તેના હાથો તેનું ધન પાછું આપશે. [QBR]
11. તેનામાં યુવાનીનું જોર છે. [QBR] પણ તે તેની સાથે ધૂળમાં મળી જશે. [QBR]
12. જો કે દુષ્ટતા તેના મુખને મીઠી લાગે છે. [QBR] જો કે તે તેને પોતાની જીભ નીચે છુપાવી રાખે છે. [QBR]
13. જો કે તે તેને પાછી રાખીને જવા ન દે, [QBR] પણ પોતાના મોમાં જ રાખી મૂકે છે. [QBR]
14. પરંતુ ખોરાક તેના પેટમાં કડવો થઈ ગયો છે; [QBR] તે તેની અંદર સાપના ઝેર સમાન થઈ ગયો છે. [QBR]
15. તે જે ધનસંપતિ ગળી ગયો છે તે તેણે ઓકી નાખવી પડશે; [QBR] ઈશ્વર તેના પેટમાંથી તેને ઓકી કઢાવશે. [QBR]
16. તે સર્પનું ઝેર ચૂસશે; [QBR] નાગનો ડંખ તેને મારી નાખશે. [QBR]
17. તે નદીઓ, માખણ [QBR] તથા મધની વહેતી ધારાઓ જોવા પામશે નહિ. [QBR]
18. જેને માટે તેણે મહેનત કરી હશે; તે તેને પાછું આપવું પડશે; અને તે તેને ભોગવવા પામશે નહિ; [QBR] તે જે ધનસંપત્તિ કમાયો હશે તેથી તેને આનંદ થશે નહિ. [QBR]
19. કેમ કે તેણે ગરીબો પર જુલમ કર્યો છે, તથા તેઓને તરછોડ્યા છે, [QBR] તેણે જે ઘર બાંધ્યું નહોતું તે તેણે જુલમથી લઈ લીધું છે. [QBR]
20. તેના મનમાં કંઈ શાંતિ નહોતી, [QBR] માટે જેમાં તે આનંદ માને છે તેમાંનું તે કંઈ પણ બચાવી શકશે નહિ. [QBR]
21. તેણે ખાઈ જવામાં કંઈ બાકી રાખ્યું નથી; [QBR] તેની સફળતા ટકશે નહીં. [QBR]
22. તેની સંપત્તિ પુષ્કળ હોવા છતાં તે તંગીમાં આવી પડશે, [QBR] દરેક દુઃખી જનનો હાથ તેની વિરુદ્ધ થશે. [QBR]
23. જ્યારે તેનું પેટ ભરવાની તૈયારીમાં હશે એટલામાં, ઈશ્વરનો ક્રોધ તેના પર ઊતરશે; [QBR] તે ખાતો હશે એટલામાં તેના પર તે કોપ વરસાવશે. [QBR]
24. જો કે લોઢાના શસ્ત્રથી તે ભાગશે, [QBR] તો પિત્તળનું બાણ એને વીંધી નાખશે. [QBR]
25. તેના પેટમાંથી બાણ આરપાર નીકળી જશે; અને પીઠમાંથી ભોંકાઈને બહાર આવશે; [QBR] તેની ચળકતી ધાર તેના પિત્તાશયને વીંધી નાખશે. [QBR] તેના પર ભય આવી પડશે. [QBR]
26. તેના ખજાનાની જગ્યાએ કેવળ અંધકાર તેને માટે રાખી મૂક્યો છે. [QBR] પ્રચંડ અગ્નિ કે જેને કોઈ માનવે સળગાવ્યો નથી તે તેને ભસ્મીભૂત કરી નાખશે. [QBR]
27. આકાશ તેનો અન્યાય પ્રગટ કરશે, [QBR] પૃથ્વી તેની વિરુદ્ધ સાક્ષી પૂરશે. [QBR]
28. તેના ઘરની સંપત્તિ નાશ પામશે, [QBR] તે ઈશ્વરના કોપને દિવસે વહી જશે. [QBR]
29. દુષ્ટ લોકોને ઈશ્વર તરફથી મળેલો હિસ્સો, [QBR] તથા ઈશ્વરે તને ઠરાવી આપેલું વતન આ જ છે.'' [PE]