1. ત્યારે અયૂબે જવાબ આપ્યો અને કહ્યું, [QBR]
2. ''તમે ક્યાં સુધી મારા જીવને ત્રાસ આપશો? [QBR] અને શબ્દોથી મને કચડ્યા કરશો? [QBR]
3. આ દસ વખત તમે મને મહેણાં માર્યાં છે; [QBR] મારી સાથે નિર્દય રીતે વર્તતાં તમને શરમ આવતી નથી. [QBR]
4. જો મેં પાપ કર્યુ પણ હોય, [QBR] તો તે મારી ભૂલ મારી પાસે રહી. [QBR]
5. જો તમારે મારી વિરુદ્ધ અભિમાન કરવું જ હોય, [QBR] અને મારી વિરુદ્ધ દલીલ રજૂ કરીને મારું અપમાન કરવું હોય; [QBR]
6. તો હવે સમજી લો કે ઈશ્વરે મને ઊથલાવી પાડ્યો છે [QBR] તેમણે મને ફાંસલામાં પકડી લીધો છે. [QBR]
7. જુઓ, અન્યાયને લીધે હું બૂમો પાડું છું પણ મારી દાદ સાંભળવામાં આવતી નથી; [QBR] હું મદદને માટે પોકાર કરું છું પણ મને ન્યાય મળતો નથી. [QBR]
8. ઈશ્વરે મારો માર્ગ એવો બંધ કરી દીધો છે કે હું આગળ ચાલી શકતો નથી, [QBR] તેમણે મારા રસ્તાઓને અંધકારથી ઢાંકી દીધા છે. [QBR]
9. તેમણે મારો વૈભવ છીનવી લીધો છે, [QBR] મારા માથા પરનો મુગટ ઉતારી નાંખ્યો છે. [QBR]
10. તેમણે ચારે બાજુથી મને તોડી પાડ્યો છે અને મારું આવી બન્યું છે; [QBR] મારી આશાઓ ઝાડની જેમ મૂળમાંથી ઉખેડી નાખી છે. [QBR]
11. વળી તેમણે પોતાનો રોષ મારી વિરુદ્ધ પ્રગટ કર્યો છે; [QBR] તેઓ મને પોતાના શત્રુ જેવો ગણે છે. [QBR]
12. તેનું આખું સૈન્ય મારી સામે આવે છે; [QBR] તેઓ મારી વિરુદ્ધ પોતાનો માર્ગ બાંધે છે. [QBR] અને મારા તંબુની આસપાસ છાવણી નાખે છે. [QBR]
13. તેમણે મારા ભાઈઓને મારાથી દૂર કર્યા છે; [QBR] મારા સ્વજનોમાં હું અજાણ્યા જેવો થઈ ગયો છું. [QBR]
14. સગાં વહાલાંઓએ મને તજી દીધો છે. [QBR] મારા દિલોજાન મિત્રો પણ મને ભૂલી ગયા છે. [QBR]
15. મારા ઘરમાં રહેનારાઓ તથા મારી દાસીઓ પણ મને પારકા જેવો ગણે છે. [QBR] તેઓની નજરમાં હું એક વિદેશી જેવો છું. [QBR]
16. હું મારા નોકરને બોલાવું છું પણ તે મને ઉત્તર આપતો નથી [QBR] જો કે હું મદદ માટે આજીજી કરું છું તોપણ તે જવાબ આપતો નથી. [QBR]
17. મારો શ્વાસ મારી પત્નીને ધિક્કારજનક લાગે છે; [QBR] મારા સગા ભાઈઓ અને બહેનોને મારે આજીજી કરવી પડે છે. [QBR]
18. નાનાં બાળકો પણ મારો તિરસ્કાર કરે છે; [QBR] જ્યારે હું ઊઠું છું ત્યારે તેઓ મારી વિરુદ્ધ બોલે છે. [QBR]
19. મારા ગાઢ મિત્રો જેમને હું પ્રેમ કરતો હતો મારો તિરસ્કાર કરે છે; [QBR] મારા સૌ પ્રિયજનો મારી વિરુદ્ધ થઈ ગયા છે. [QBR]
20. મારું માંસ તથા ચામડી મારા હાડકાંને ચોંટી ગયાછે. [QBR] માંડમાંડ મારો જીવ બચ્યો છે. [QBR]
21. હે મારા મિત્રો, મારા પર દયા કરો, [QBR] કેમ કે ઈશ્વરના હાથે મારો સ્પર્શ કર્યો છે. [QBR]
22. શા માટે ઈશ્વરની જેમ તમે મને સતાવો છો; [QBR] મારા શરીરથી પણ તમને સંતોષ નથી થતો શું? [QBR]
23. અરે, મારા શબ્દો હમણાં જ લખવામાં આવે! [QBR] અરે, પુસ્તકમાં તે નોંધી લેવામાં આવે તો કેવું સારું! [QBR]
24. અરે, તે લોખંડની કલમથી તથા સીસાથી, [QBR] સદાને માટે ખડક પર કોતરવામાં આવે તો તે કેવું સારું! [QBR]
25. હું જાણું છું કે મારો ઉદ્ધાર કરનાર જીવે છે. [QBR] અને આખરે તે પૃથ્વી પર ઊભા રહેશે; [QBR]
26. મારા શરીરનો આવી રીતે નાશ થયા પછી પણ, [QBR] હું મારા ઈશ્વરને જોઈશ. [QBR]
27. તેમને હું પોતાની જાતે જોઈશ; [QBR] મારી આંખો તેમને જોશે, બીજાની નહિ [QBR] મારું હૃદય નિર્બળ થાય છે. [QBR]
28. જો તમે કહો, 'અમે તેને કેવો સતાવીશું,' [QBR] કેમ કે તેનામાં આ બાબતનું મૂળ મળ્યું છે,' [QBR]
29. તો તરવારથી તમે બીહો, [QBR] કેમ કે કોપ તરવારની શિક્ષા લાવે છે, [QBR] તેથી તમને ખબર પડશે કે ત્યાં ન્યાય છે.'' [PE]