1. [QS]મારો આત્મા ક્ષીણ થયો છે અને મારું આયુષ્ય સમાપ્ત થયું છે; [QE][QS]મારા માટે કબર તૈયાર છે. [QE]
2. [QS]નિશ્ચે મારી પાસે તો હાંસી કરનારાઓ જ છે; [QE][QS]અને તેમની ખીજવણી પર મારી નજર હંમેશાં રહે છે. [QE]
3. [QS]હવે મને કોલ આપો અને મારા જામીન તમે જ થાઓ; [QE][QS]બીજું કોણ છે જે મારી મદદ કરે? [QE]
4. [QS]હે ઈશ્વર, તમે જ, તેઓના હ્રદયને સમજણ પડવા દેતા નથી; [QE][QS]તેથી તમે તેઓને ઉચ્ચ પદવીએ ચઢાવશો નહિ. [QE]
5. [QS]જે લાંચ ખાઈને પોતાના મિત્રોની નિંદા કરે છે. [QE][QS]તેનાં સંતાનોની આંખો ક્ષીણ થશે. [QE]
6. [QS]તેમણે મને લોકોમાં હાંસીપાત્ર બનાવ્યો છે; [QE][QS]તેઓ મારા મોઢા પર થૂંકે છે. [QE]
7. [QS]દુ:ખથી મારી આંખો ઝાંખી થઈ છે; [QE][QS]અને મારાં બધાં અંગો પડછાયા જેવાં બની ગયા છે. [QE]
8. [QS]ન્યાયી લોકો આને લીધે વિસ્મય પામશે; [QE][QS]નિર્દોષ લોકો અધર્મીની વિરુદ્ધ ઉશ્કેરાશે. [QE]
9. [QS]છતાંય સજ્જન પુરુષો પોતાના માર્ગમાં ટકી રહેશે [QE][QS]અને શુદ્ધ હાથવાળો અધિકાધિક બળવાન થતો રહેશે. [QE]
10. [QS]પરંતુ તમે બધા, પાછા વળીને આવો; [QE][QS]મને તો તમારામાં એકપણ બુદ્ધિમાન પુરુષ મળતો નથી. [QE]
11. [QS]મારું જીવન પસાર થતું જાય છે. મારી યોજનાઓ નષ્ટ થઈ ગઈ છે. [QE][QS]મારા હૃદયની ઇચ્છાઓ પણ પૂરી થઈ ગઈ છે. [QE]
12. [QS]આ લોકો, રાતને દિવસ માને છે, [QE][QS]તેઓ કહે છે કે અંધકાર હવે જતો રહેશે, અજવાળું પાસે છે. [QE]
13. [QS]જો શેઓલ મારું ઘર થશે એવી મેં આશા રાખી હોત, [QE][QS]જો અંધકારમાં મેં મારી પથારી બિછાવી હોત; [QE]
14. [QS]મેં ભ્રષ્ટાચારને એમ કહ્યું હોય કે, 'તું મારો પિતા છે;' [QE][QS]મેં કીડાઓને એમ કહ્યું હોત, તમે મારી મા અને બહેન છે;' [QE]
15. [QS]તો પછી મારી આશા ક્યાં રહી ? [QE][QS]અને મારી આબાદીને કોણ જોશે? [QE]
16. [QS]જ્યારે આપણે ધૂળમાં ભળી જઈશું ત્યારે, [QE][QS]આશા મારી સાથે શેઓલના દરવાજાઓ સુધી ઊતરી જશે?'' [QE]