1. ત્યારે અયૂબે ઉત્તર આપ્યો અને કહ્યું કે, [QBR]
2. ''મેં એવી ઘણી વાતો સાંભળી છે; [QBR] તમે સર્વ કંટાળો ઊપજે એવું આશ્વાસન આપનારા છો. [QBR]
3. શું તમારા નકામા શબ્દોનો અંત નથી? [QBR] તમારી સાથે શું ખોટું થયું છે કે તમે આ પ્રમાણે દલીલો કરો છો. [QBR]
4. તમારી જેમ હું પણ બોલી શકું છું; [QBR] જો તમારો આત્મા મારા આત્માની જગ્યાએ હોત, [QBR] તો હું તમારી સામે ડાહી વાતો કરત, [QBR] અને મેં તમારી સામે માથું હલાવ્યું હોત. [QBR]
5. અરે, મારા મુખથી હું તમને હિંમત આપી શક્યો હોત! [QBR] મારા હોઠનો દિલાસો તમને આશ્વાસન આપત! [QBR]
6. જો કે હું બોલું તો પણ મારું દુ:ખ દૂર થવાનું નથી; [QBR] અને જો હું ચૂપ રહું તો મને કેવી રીતે આરામ મળે? [QBR]
7. પણ હવે, હે ઈશ્વર, તમે મારી શક્તિ લઈ લીધી છે; [QBR] તમે મારા આખા કુટુંબનો નાશ કર્યો છે. [QBR]
8. તમે મને કરમાવી નાખ્યો છે, તે જ મારી વિરુદ્ધ સાક્ષી છે; [QBR] અને મારા શરીરની દુર્બળતા મારી વિરુદ્ધ ઊઠીને સાક્ષી પૂરે છે. [QBR]
9. ઈશ્વરે તેમના કોપથી મને ચીરી નાખ્યો છે અને મને સતાવ્યો છે; [QBR] તેમણે મારી સામે તેમના દાંત પીસ્યા છે. [QBR] મારા દુશ્મનોએ પોતાની આંખો મારી સામે કરડી કરી છે. [QBR]
10. લોકોએ મારી વિરુદ્ધ પોતાનું મુખ પહોળું કર્યું છે. [QBR] તેઓ મારા મોં પર તમાચો મારે છે; [QBR] તેઓ મારી વિરુદ્ધ એકત્ર થાય છે. [QBR]
11. ઈશ્વર મને અધર્મીઓને સોંપી દે છે; [QBR] અને મને દુર્જનોના હાથમાં ફેંકી દે છે. [QBR]
12. હું સુખચેનમાં હતો, ત્યારે તેમણે મને કચડી નાખ્યો; [QBR] હા, તેમણે મને ગરદનથી પકડ્યો અને મારા ટુકડેટટુકડા કરી નાખ્યા. [QBR] તેમણે મારા પર નિશાન તાકી રાખ્યું છે. [QBR]
13. તેમના ધનુર્ધારીઓએ મને ચારેબાજુથી ઘેરી લીધો છે; [QBR] તે મારું હૃદય ફાડી નાખે છે અને તે દયા રાખતા નથી; [QBR] તે મારું પિત્ત જમીન પર ઢોળે છે. [QBR]
14. તે વારંવાર મને કચડી નાખે છે; [QBR] તે યોદ્ધાની જેમ મારા પર તૂટી પડે છે. [QBR]
15. મેં શોકના વસ્ત્રો પહેર્યા છે, [QBR] અને મારું શિંગ ધૂળમાં રગદોળ્યું છે. [QBR]
16. રુદન કરીને મારું મોં લાલ થઈ ગયું છે. [QBR] મારાં પોપચાં પર મોતની છાયા છવાયેલી છે. [QBR]
17. જો કે મારા હાથથી કંઈ અન્યાય થયો નથી, [QBR] અને મારી પ્રાર્થના શુદ્ધ છે. [QBR]
18. હે પૃથ્વી, મારા લોહીને તું ઢાંકી દઈશ નહિ. [QBR] મારા અવાજને તું દાટી દઈશ નહિ. [QBR]
19. જુઓ, હમણાં જ, મારો સાક્ષી આકાશમાં છે [QBR] મારો શાહેદ ઉચ્ચસ્થાને છે. [QBR]
20. મારા મિત્રો મારો તિરસ્કાર કરે છે, [QBR] પણ મારી આંખ ઈશ્વર આગળ આંસુ રેડે છે. [QBR]
21. એ સારુ કે ઈશ્વર માણસનાં વાજબી હકને, [QBR] તથા પોતાના પડોશી સાથે મનુષ્યના હકને જાળવી રાખે! [QBR]
22. કેમ કે થોડાં વર્ષો પૂરાં થશે, [QBR] ત્યારે જ્યાંથી હું પાછો આવી શકું નહિ તે માર્ગે હું જઈશ. [PE]