1. પછી અલીફાઝ તેમાનીએ ઉત્તર આપીને કહ્યું કે, [QBR]
2. ''શું કોઈ જ્ઞાની માણસ ખાલી શબ્દોથી દલીલ કરે [QBR] અને પોતાનું પેટ પૂર્વના પવનથી ભરે? [QBR]
3. શું તે નિરર્થક વાત વડે કે, [QBR] હિત ન કરી શકે એવા ભાષણ વડે દલીલ કરે? [QBR]
4. હા, તું ઈશ્વરના ભયનો પણ ત્યાગ કરે છે. [QBR] તથા તું ઈશ્વરભક્તિને અટકાવે છે, [QBR]
5. કેમ કે તારો અન્યાય તારા મુખને શીખવે છે. [QBR] અને તું કપટીઓની જીભને પસંદ કરે છે. [QBR]
6. મારા નહિ, પણ તારા પોતાના જ શબ્દો તને દોષિત ઠરાવે છે; [QBR] હા, તારી વાણી જ તારી વિરુદ્ધ સાક્ષી પૂરે છે. [QBR]
7. શું તું આદિ પુરુષ છે? [QBR] શું પર્વતો ઉત્પન્ન થયા તે પહેલાં તું જન્મ્યો હતો? [QBR]
8. શું તેં ઈશ્વરના ગૂઢ ડહાપણ વિષે સાંભળ્યું છે ખરું? [QBR] શું તેં બધી બુદ્ધિ તારા પોતાનામાં સમાવી રાખી છે? [QBR]
9. અમે ન જાણતા હોઈએ એવું તું શું જાણે છે? [QBR] અમારા કરતાં તારામાં કઈ વિશેષ સમજદારી છે? [QBR]
10. અમારામાં પળીયાંવાળા તથા વૃદ્ધ માણસો છે, [QBR] જેઓ તારા પિતા કરતાં પણ મોટી ઉંમરના પુરુષો છે. [QBR]
11. શું ઈશ્વરના દિલાસા, [QBR] તથા તારી પ્રત્યેના અમારા નમ્ર વચનો તારી નજરમાં કંઈ વિસાતમાં નથી.? [QBR]
12. તારું હૃદય તને કેમ દૂર લઈ જાય છે? [QBR] તારી આંખો કેમ મિચાય છે? [QBR]
13. તેથી તું તારું હૃદય ઈશ્વરની વિરુદ્ધ કરે છે. [QBR] અને શા માટે એવા શબ્દો તારા મુખમાંથી નીકળવા દે છે? [QBR]
14. શું માણસ પવિત્ર હોઈ શકે? [QBR] સ્ત્રીજન્ય માનવી ન્યાયી હોઈ શકે? [QBR]
15. જો, તે પોતાના સંત પુરુષોનો પણ ભરોસો કરતો નથી. [QBR] હા, તેમની દ્રષ્ટિમાં તો આકાશો પણ શુદ્ધ નથી; [QBR]
16. તો જે ધિક્કારપાત્ર, અધમ, [QBR] તથા પાણીની જેમ અન્યાયને પી જાય છે તો તે કેટલા વિશેષ ગણાય! [QBR]
17. હું તમને બતાવીશ; મારું સાંભળો; [QBR] મેં જે જોયું છે તે હું તમને કહી સંભળાવીશ. [QBR]
18. તે જ્ઞાની પુરુષોએ પોતાના પિતૃઓ પાસેથી સાંભળીને પ્રગટ કર્યું છે, [QBR] તેઓએ કંઈ પણ છુપાવ્યું નથી. [QBR]
19. કેવળ આ તેઓના પિતૃઓને જ ભૂમિ આપવામાં આવી હતી. [QBR] અને તેઓમાં કોઈ વિદેશી જવા પામતો નથી. [QBR]
20. દુર્જન તેના આખા જીવન પર્યંત પીડા ભોગવે છે, [QBR] તે પોતાનાં નિયત કરેલાં વર્ષો દરમ્યાન કષ્ટથી પીડાય છે. [QBR]
21. તેનાં કાનમાં ભયનો અવાજ ગૂંજે છે; [QBR] આબાદીને સમયે લૂંટનાર તેના પર હુમલો કરશે. [QBR]
22. તે માનતો નથી કે હું અંધકારમાંથી પાછો આવીશ; [QBR] તે માને છે કે તરવાર તેની રાહ જોઈ રહી છે. [QBR]
23. તે ખોરાક માટે એમ કહીને ભટકે છે કે, તે ક્યાં છે? [QBR] તે જાણે છે કે અંધકારનાં દિવસો નજીક છે. [QBR]
24. સંકટ તથા વેદના તેને ભયભીત કરે છે; [QBR] યુદ્ધને માટે સજ્જ થયેલા રાજાની જેમ તેઓ તેના પર વિજય મેળવે છે. [QBR]
25. કેમ કે તેણે ઈશ્વરની સામે પોતાનો હાથ ઉઠાવ્યો છે [QBR] અને સર્વશક્તિમાન ઈશ્વરની સામે તે અહંકારથી વર્તે છે. [QBR]
26. દુષ્ટ માણસ ગરદન અક્કડ રાખીને, [QBR] મજબૂત ઢાલથી સજ્જ થઈને ઈશ્વર તરફ દોડે છે [QBR]
27. આ સાચું છે, જો કે તેણે પોતાનું મુખ તેના શરીરની ચરબીથી ઢાંક્યું છે [QBR] અને તેની કૂખો પર ચરબીનાં પડ બાઝ્યાં છે. [QBR]
28. તે ઉજ્જડ નગરોમાં [QBR] જે ઘરમાં કોઈ રહે નહિ એવાં, [QBR] તથા જીર્ણ થઈ ગયેલાં ઘરોમાં રહે છે. [QBR]
29. તે ધનવાન થશે નહિ તેની સમૃદ્ધિ ટકશે નહિ. [QBR] તેનાં વતનો પૃથ્વી પર વિસ્તાર પામશે નહિ. [QBR]
30. તે અંધકારમાંથી બચશે નહિ; [QBR] જ્વાળાઓ તેની ડાળીઓને સૂકવી નાખશે; [QBR] અને ઈશ્વરના શ્વાસથી નાશ પામશે. [QBR]
31. તેણે નિરર્થક બાબતોમાં વિશ્વાસ કરીને પોતાને મૂર્ખ બનાવવો જોઈએ નહિ; [QBR] કેમ કે તેને કંઈ મળશે નહિ. [QBR]
32. તેના જીવનનો અંત આવે તે પહેલાં ભરપૂરી પામશે, [QBR] અને તેની ડાળીઓ લીલી નહિ રહેશે. [QBR]
33. દ્રાક્ષના વેલાની જેમ તે પોતાની કાચી દ્રાક્ષો પાડી નાખશે; [QBR] અને જૈતૂનના વૃક્ષની જેમ તેનાં ફૂલ ખરી પડશે. [QBR]
34. કેમ કે ઢોંગી લોકોનો સંગ નિષ્ફળ થશે; [QBR] રુશવતખોરોનાં ઘરો અગ્નિથી નાશ પામશે. [QBR]
35. દુષ્ટ લોકો નુકસાનનો ગર્ભ ધારણ કરે છે. અને અન્યાયને જન્મ આપે છે; [QBR] તેઓનું પેટ ઠગાઈને સિદ્ધ કરે છે.'' [PE]