1. [QS]હે યાકૂબનાં સંતાનો, આ સાંભળો, [QE][QS]જેઓને ઇઝરાયલના નામથી બોલવવામાં આવ્યા છે અને યહૂદિયાના ઝરાથી નીકળી આવેલા છો; [QE][QS]તમે જેઓ યહોવાહના નામે સમ ખાઓ છો અને ઇઝરાયલના ઈશ્વરને આહવાન આપો છો, [QE][QS]પણ નિષ્ઠાપૂર્વક કે ન્યાયની રીતે નહિ. [QE]
2. [QS]કેમ કે તેઓ પોતાને પવિત્ર નગરના લોકો કહેવડાવે છે [QE][QS]અને ઇઝરાયલના ઈશ્વર પર ભરોસો રાખે છે; જેનું નામ સૈન્યોના ઈશ્વર યહોવાહ છે. [QE]
3. [QS]મેં અગાઉની બિનાઓને પ્રગટ કરી હતી; તે મારા મુખેથી નીકળી હતી અને મેં તેઓને જાહેર કરી હતી; [QE][QS]પછી મેં અચાનક તે પૂરી કરી અને તેઓ તેમાંથી પસાર થયા. [QE]
4. [QS]કારણ કે મને ખબર છે કે તમે હઠીલા હતા, [QE][QS]તાર ગળાના સ્નાયુઓ લોખંડ જેવા અને તારું કપાળ પિત્તળ જેવું છે. [QE]
5. [QS]તેથી મેં તમને પુરાતન કાળથી જાહેર કર્યું હતું; તે થયા પહેલાં મેં અગાઉથી તમને કહી સંભળાવ્યું હતું, [QE][QS]જેથી તમે કહી ના શકો કે, “મારી મૂર્તિએ તેઓને આ કર્યુ છે,” અથવા “મારી કોરેલી મૂર્તિએ તથા ઢાળેલી મૂર્તિએ તે ફરમાવ્યાં છે.” [QE]
6. [QS]તમે તે સાંભળ્યું છે; આ સર્વ પુરાવા જુઓ; અને શું તમે એ સ્વીકારશો નહિ કે મેં જે કહ્યું તે સત્ય છે? હવેથી હું તમને નવી અને ગુપ્ત રાખેલી બિનાઓ કે જે તમે જાણી નથી, તે તમને કહી સંભળાવું છું. [QE]
7. [QS]હમણાં, તે ઉત્પન્ન થઈ છે, અગાઉથી તે નહોતી અને આજ સુધી તેં તે સાંભળી પણ નહોતી, [QE][QS]તેથી તું એમ કહી શકીશ નહિ, “હા, હું તે જાણતો હતો.” [QE]
8. [QS]વળી તેં કદી સાંભળ્યું નહિ; તેં જાણ્યું નહિ; તારા કાન આ બાબતો વિષે અગાઉથી ઊઘડ્યા નહિ. [QE][QS]કેમ કે હું જાણતો હતો કે તું તદ્દન કપટી અને જન્મથી તું બંડખોર છે. [QE]
9. [QS]મારા નામની ખાતર હું મારો કોપ મુલતવી રાખીશ અને મારા સન્માનની ખાતર હું તારો નાશ કરવામાં ધીરજ રાખીશ. [QE]
10. [QS]જુઓ, મેં તને ચોખ્ખો કર્યો છે, પણ ચાંદીની માફક નહિ; મેં તને વિપત્તિરૂપી ભઠ્ઠીમાં શુદ્ધ કર્યો છે. [QE]
11. [QS]મારા પોતાની ખાતર, મારા પોતાની ખાતર હું તે કાર્ય કરીશ; કેમ કે હું કેવી રીતે મારું નામ અપમાનિત થવાની મંજૂરી આપી શકું? [QE][QS]હું મારો મહિમા બીજા કોઈને આપીશ નહિ. [QE]
12. [QS]હે યાકૂબ અને મારા બોલાવેલા ઇઝરાયલ, મારું સાંભળો: [QE][QS]હું તે જ છું; હું જ પ્રથમ, હું જ છેલ્લો છું. [QE]
13. [QS]હા, મારે હાથે પૃથ્વીનો પાયો નાખ્યો અને મારે જમણે હાથે આકાશોને પ્રસાર્યાં; [QE][QS]જ્યારે હું તેઓને બોલાવું છું ત્યારે તેઓ એકસાથે ઊભા થાય છે. [QE]
14. [QS]તમે સર્વ એકત્ર થાઓ અને સાંભળો; તમારામાંથી કોણે આ બાબતો જાહેર કરી છે? [QE][QS]યહોવાહના સાથીઓ બાબિલ વિરુદ્ધ તેનો હેતુ પૂરો કરશે. તે ખાલદીઓ વિરુદ્ધ યહોવાહની ઇચ્છા પૂર્ણ કરશે. [QE]
15. [QS]હું, હા, હું જ તે બોલ્યો છું, મેં તેને બોલાવ્યો છે, હું તેને લાવ્યો છું અને તે સફળ થશે. [QE]
16. [QS]મારી પાસે આવો, આ સાંભળો; [QE][QS]પ્રારંભથી હું ગુપ્તમાં બોલ્યો નથી; તે થયું ત્યારથી હું ત્યાં છું; [QE][QS]અને હવે પ્રભુ યહોવાહે મને અને તેમના આત્માને મોકલ્યા છે. [QE]
17. [QS]તારો ઉદ્ધાર કરનાર યહોવાહ, ઇઝરાયલના પવિત્ર આ કહે છે: “હું યહોવાહ તારો ઈશ્વર છું, જે તને સફળ કેવી રીતે થવું તે તને શીખવું છું. [QE][QS]તારે જે માર્ગે જવું જોઈએ તે પર હું તને લઈ જાઉં છું. [QE]
18. [QS]જો તેં મારી આજ્ઞાઓ પાળી હોત તો કેવું સારું! [QE][QS]પછી તારી શાંતિ અને સમૃદ્ધિ એક નદીની જેવી વહેતી હોત અને તારો ઉધ્ધાર સમુદ્રનાં મોજાં જેવો થાત. [QE]
19. [QS]તારાં વંશજો રેતી જેટલા અસંખ્ય અને તારા પેટના સંતાન રેતીના કણ જેટલાં અસંખ્ય થાત; [QE][QS]તેઓનું નામ મારી સંમુખથી નાબૂદ થાત નહિ કે મારી આગળથી કપાઈ જાત નહિ. [QE]
20. [QS]બાબિલમાંથી બહાર નીકળો, ખાલદીઓની પાસેથી નાસી જાઓ! [QE][QS]હર્ષનાદના અવાજથી આ જાહેર કરો! આ વાત પ્રગટ કરો, પૃથ્વીના છેડા સુધી તેને પ્રગટ કરો [QE][QS]અને કહો, “યહોવાહે પોતાના સેવક યાકૂબનો ઉદ્ધાર કર્યો છે. [QE]
21. [QS]તે તેઓને રણમાં દોરી લઈ ગયા તો પણ તેઓ તરસ્યા રહ્યા નહિ; [QE][QS]તેમણે તેઓને માટે ખડકમાંથી પાણી વહેવડાવ્યું; [QE][QS]વળી તેમણે ખડક ફાડ્યો અને પાણી ખળખળ વહ્યું. [QE]
22. [QS]યહોવાહ કહે છે, “દુષ્ટોને કંઈ શાંતિ હોતી નથી.” [QE]