1. હે બાબિલની કુંવારી દીકરી, તું નીચે આવીને ધૂળમાં બેસ; [QBR] હે ખાલદીઓની દીકરી, રાજ્યાસન વિના જમીન પર બેસ. [QBR] તું હવે પછી ઉમદા અને કોમળ કહેવાશે નહિ. [QBR]
2. ઘંટી લઈને લોટ દળ; તારો બુરખો ઉતાર, [QBR] તારી સુરવાલ ઊંચી કર, પગ ઉઘાડા કર, નદીઓ ઓળંગીને જા. [QBR]
3. તારી કાયા ઉઘાડી થશે, હા, તારી લાજ પણ જશે: [QBR] હું વેર લઈશ અને કોઈને છોડીશ નહિ. [QBR]
4. આપણો ઉદ્ધાર કરનાર, જેમનું નામ સૈન્યોના યહોવાહ, ઇઝરાયલના પવિત્ર ઈશ્વર છે. [QBR]
5. હે ખાલદીઓની દીકરી, મૌન રહીને બેસ અને અંધારામાં જા; [QBR] કેમ કે હવે પછી તું રાજ્યોની રાણી કહેવાઈશ નહિ. [QBR]
6. હું મારા લોકો ઉપર કોપાયમાન થયો; મેં પોતાના વારસાને ભ્રષ્ટ કર્યો [QBR] અને તેઓને તારા હાથમાં સોંપ્યા, પરંતુ તેઁ તેઓના પ્રત્યે દયા રાખી નહિ; [QBR] તેઁ વૃદ્ધો ઉપર તારી અતિ ભારે ઝૂંસરી મૂકી. [QBR]
7. તેં કહ્યું, “હું સર્વકાળ સુધી રાણી તરીકે શાસન કરીશ.” [QBR] તેં કદી એ વાત ધ્યાનમાં લીધી નહિ અને તેનું પરિણામ શું આવશે એ લક્ષમાં લીધું નહિ. [QBR]
8. તેથી હવે આ સાંભળ, હે એશઆરામમાં નિશ્ચિંત થઈને બેસી રહેનારી, [QBR] તું તારા હૃદયમાં કહે છે, “હું અસ્તિત્વમાં છું અને મારા જેવું બીજું કોઈ નથી; [QBR] હું વિધવા તરીકે ક્યારેય બેસીશ નહિ, કે કદી બાળકો ગુમાવવાનો અનુભવ કરીશ નહિ.” [QBR]
9. પરંતુ આ બન્ને વિપત્તિઓ તારી ઉપર એક જ દિવસે એક જ ક્ષણે આવશે [QBR] એટલે કે બાળકો ગુમાવવાં અને વિધવાવસ્થા; આ સંપૂર્ણ વિપત્તિઓ એક જ દિવસે તારા પર આવશે. [QBR] પુષ્કળ જાદુ અને જંતરમંતર તથા તાવીજ હોવા છતાં તે તારા પર આવશે. [QBR]
10. તેં તારી દુષ્ટતા પર ભરોસો રાખ્યો છે; તેં કહ્યું કે, “મને કોઈ જોનાર નથી;” [QBR] તારી બુદ્ધિ અને તારું ડહાપણ તમને ગેરમાર્ગે દોરી જાય છે, [QBR] પરંતુ તું તારા હૃદયમાં કહે છે, “હજી હું અસ્તિત્વ ધરાવું છું અને મારા જેવું બીજું કોઈ નથી.” [QBR]
11. તારા પર આફત આવશે; તેને તું જંતરમંતરથી ટાળી શકીશ નહિ. [QBR] વિનાશ તારા પર આવી પડશે; તે સંકટને તમે દૂર કરી શકશો નહિ. [QBR] તમને ખબર પડે તે અગાઉ જ આપત્તિ તારા પર ત્રાટકશે. [QBR]
12. તેં બાળપણથી વિશ્વાસુપણે જે પઠન કર્યું છે [QBR] તે તારા મંત્રો અને પુષ્કળ જાદુને ચાલુ રાખજે; [QBR] કદાચ તું સફળ થશે, કદાચ તું વિનાશને ભય પમાડી શકે. [QBR]
13. અધિક સલાહોથી તું કાયર થયેલી છે; તે માણસોને ઊભા થવા દો [QBR] અને તને બચાવવા દો - જેઓ નક્ષત્રો અને તારાઓ પર નજર રાખે છે, [QBR] જેઓ નવો ચંદ્ર સૂચવે છે - તારા પર જે આવનાર છે તેમાંથી તારો બચાવ થાય એવું તું માનતી હશે. [QBR]
14. જુઓ, તેઓ ખૂપરા જેવા થશે, અગ્નિ તેઓને બાળી નાખશે; [QBR] તેઓ અગ્નિની જ્વાળાઓથી પોતાને બચાવી શકશે નહિ; [QBR] ત્યાં તેઓને તાપવા લાયક અંગારા કે પાસે બેસવા લાયક અગ્નિ થશે નહિ. [QBR]
15. જે લોકોની સાથે તેં તારી યુવાનીના સમયથી વેપાર કર્યો છે, તેઓ તારા માટે પરિશ્રમ સિવાય બીજું કશું જ નહિ હોય; [QBR] તેઓ દરેક પોતપોતાના માર્ગે ભટકતા રહેશે; તને બચાવનાર કોઈ હશે નહિ. [PE]