1.
2. [PS]યહૂદિયાના રાજાઓ ઉઝિયા, યોથામ, આહાઝ અને હિઝકિયાની કારકિર્દીમાં આમોસના પુત્ર યશાયાને યહૂદિયા તથા યરુશાલેમ વિષે જે સંદર્શન થયું તે. [PE][QS]હે આકાશો અને પૃથ્વી સાંભળો; કારણ કે યહોવાહ બોલ્યા છે: [QE][QS]“મેં બાળકોને ઉછેરીને મોટાં કર્યાં પણ તેઓએ મારી વિરુદ્ધ બળવો કર્યો છે. [QE]
3. [QS]બળદ પોતાના માલિકને ઓળખે છે અને ગદર્ભ પોતાના માલિકની ગભાણને ઓળખે છે, [QE][QS]પણ ઇઝરાયલ જાણતો નથી, ઇઝરાયલ સમજતો નથી.” [QE]
4. [QS]ઓહ! પ્રજાઓ, પાપીઓ, અપરાધોથી લદાયેલા લોકો, [QE][QS]હે ખોટું કરનારનાં સંતાનો, હે સ્વછંદી સંતાનો! [QE][QS]તેઓએ યહોવાહનો ત્યાગ કર્યો છે, ઇઝરાયલના પવિત્ર ઈશ્વરને ધિક્કાર્યા છે. [QE][QS]તેઓ વિમુખ થઈને પાછા ફરી ગયા છે. [QE]
5. [QS]શું હજુ તમારે વધારે માર ખાવો છે કે તમે બળવો કર્યા કરો છો? [QE][QS]આખું માથું રોગિષ્ઠ, આખું હૃદય કમજોર છે. [QE]
6. [QS]પગના તળિયાથી તે માથા સુધી કોઈ અંગ સાજું નથી; [QE][QS]ફક્ત ઘા અને સોળ તથા પાકેલા જખમ છે; [QE][QS]તેમને દબાવીને પરુ કાઢવામાં આવ્યું નથી, ઘા સાફ કર્યા નથી, નથી પાટા બાંધ્યા કે નથી તેમને તેલથી નરમ કરવામાં આવ્યા. [QE]
7. [QS]તમારો દેશ ઉજ્જડ થઈ ગયો છે; તમારાં નગરો આગથી બાળી નાખવામાં આવ્યાં છે; [QE][QS]તમારી હાજરીમાં તમારાં ખેતરોને પારકાઓએ ખેદાનમેદાન કરી નાખ્યાં છે - [QE][QS]તેથી તમારી ભૂમિ ઉજ્જડ થઈ ગઈ છે. [QE]
8. [QS]સિયોનની દીકરી દ્રાક્ષાવાડીના માંડવા જેવી, [QE][QS]કાકડીની વાડીના માળા જેવી, ઘેરેલા નગર જેવી છે. [QE]
9. [QS]જો સૈન્યોના યહોવાહે આપણે માટે નાનો સરખો શેષ રહેવા દીધો ન હોત, [QE][QS]તો આપણે સદોમ અને ગમોરાના જેવા થઈ ગયા હોત. [QE]
10. [QS]હે સદોમના રાજકર્તાઓ, તમે યહોવાહની વાત સાંભળો; [QE][QS]હે ગમોરાના લોકો, આપણા ઈશ્વરના નિયમ પ્રત્યે કાન દો: [QE]
11. [QS]યહોવાહ કહે છે, “મારી આગળ તમે અસંખ્ય યજ્ઞો કરો છો તે મારે શા કામના?” [QE][QS]“હું ઘેટાના દહનાર્પણથી તથા પુષ્ટ જાનવરોના મેદથી ધરાઈ ગયો છું; [QE][QS]અને બળદો, હલવાન, તથા બકરાનું રક્ત મને પ્રસન્ન કરતું નથી. [QE]
12. [QS]જયારે તમે મારી સંમુખ આવો છો, [QE][QS]ત્યારે મારાં આંગણાં તમે પગ નીચે કચડો છો, એમ કરવાનું કોણે તમારી પાસે માગ્યું છે? [QE]
13. [QS]તમારા વ્યર્થ અર્પણો લાવશો નહિ; ધૂપ તો મને ધિક્કારપાત્ર લાગે છે; [QE][QS]ચંદ્રદર્શન તથા સાબ્બાથની સભાઓ! હું આ દુષ્ટ સભાઓ સહન કરી શકતો નથી. [QE]
14. [QS]તમારા ચદ્રદર્શનને અને તમારાં પર્વોને મારો આત્મા ધિક્કારે છે; [QE][QS]તેઓ મને બોજારૂપ છે; હું તે સહન કરીને થાકી ગયો છું. [QE]
15. [QS]તેથી જ્યારે તમે પ્રાર્થનામાં હાથ જોડશો, ત્યારે હું મારી નજર ફેરવી લઈશ. [QE][QS]જો કે તમે ઘણી પ્રાર્થનાઓ કરશો, તો પણ હું સાંભળનાર નથી; [QE][QS]કેમ કે તમારા હાથ રક્તથી ભરેલા છે. [QE]
16. [QS]સ્નાન કરો અને શુદ્ધ થાઓ; [QE][QS]મારી આંખ આગળથી તમારાં દુષ્ટ કાર્યો દૂર કરો; [QE][QS]ભૂંડું કરવું બંધ કરો; [QE]
17. [QS]સારું કરતા શીખો; [QE][QS]ન્યાય શોધો, જુલમથી દુ:ખી થયેલાંને મદદ કરો, [QE][QS]અનાથને ઇનસાફ આપો, વિધવાની હિમાયત કરો.” [QE]
18. [QS]યહોવાહ કહે છે, “આવો, આપણે વિવાદ કરીએ” [QE][QS]“તમારાં પાપ જો કે લાલ વસ્ત્રના જેવાં હોય, તો પણ તેઓ હિમ સરખાં શ્વેત થશે; [QE][QS]જો તે કિરમજના જેવાં રાતાં હોય, તો પણ તેઓ ઊન સરખાં થશે. [QE]
19. [QS]જો તમે ખુશીથી મારી આજ્ઞા પ્રમાણે કરશો, તો તમે ભૂમિની ઉત્તમ પેદાશ ખાશો; [QE]
20. [QS]પણ જો તમે ઇનકાર કરશો અને બળવો કરશો, તો તમે તરવારથી માર્યા જશો,” [QE][QS]કેમ કે આ યહોવાહના મુખનું વચન છે. [QE]
21. [QS]વિશ્વાસુ નગર કેમ વ્યભિચારી થઈ ગયું છે! [QE][QS]તે ઇનસાફથી, ન્યાયપણાથી ભરપૂર હતું, [QE][QS]પણ હવે તે ખૂનીઓથી ભરપૂર છે. [QE]
22. [QS]તારી ચાંદી ભેળસેળવાળી થઈ ગઈ છે, તારો દ્રાક્ષારસ પાણીથી મિશ્રિત થયેલો છે. [QE]
23. [QS]તારા રાજકર્તાઓ બળવાખોર અને ચોરોના સાથીઓ થયા છે; [QE][QS]તેઓમાંના દરેક લાંચના લાલચુ છે અને નજરાણાં પાછળ દોડે છે; [QE][QS]તેઓ અનાથનું રક્ષણ કરતા નથી, અને વિધવાઓની ન્યાયી અરજ તેઓ સાંભળતા નથી. [QE]
24. [QS]તેથી સૈન્યોના યહોવાહ, ઇઝરાયલના સામર્થ્યવાન પ્રભુ, એવું કહે છે: [QE][QS]“તેઓને અફસોસ! હું મારા શત્રુઓ પર વેર વાળીશ અને મારા દુશ્મનોને હું બદલો વાળી આપીશ; [QE]
25. [QS]તારા પર હું મારો હાથ ઉગામીશ, [QE][QS]તારામાંથી ભેળસેળ અને સર્વ અશુદ્ધિઓ દૂર કરીશ. [QE]
26. [QS]આદિકાળની જેમ હું તારા ન્યાયાધીશોને, અને પૂર્વકાળની જેમ તારા મંત્રીઓને પાછા લાવીશ; [QE][QS]ત્યાર પછી તારું નામ ન્યાયી અને વિશ્વાસુ નગર કહેવાશે.” [QE]
27. [QS]સિયોન ઇનસાફથી, અને પ્રભુ પાસે તેના પાછા ફરનારા ન્યાયીપણાથી ઉદ્વાર પામશે. [QE]
28. [QS]પણ બળવાખોરો તથા પાપીઓનો વિનાશ થશે અને યહોવાહથી વિમુખ થનાર નાશ પામશે. [QE]
29. [QS]“કેમ કે જે એલોન વૃક્ષોને તમે ચાહતા હતા તેને લીધે તમે શરમાશો [QE][QS]અને જે બગીચાને તમે પસંદ કર્યા હતા તેઓથી તમે લજ્જિત થશો. [QE]
30. [QS]જે એલોન વૃક્ષનાં પાંદડાં ખરી પડે છે, [QE][QS]અને જે બગીચામાં પાણી નથી, તેના જેવા તમે થશો. [QE]
31. [QS]વળી જે બળવાન છે તે શણના કચરા જેવો અને તેનું કામ ચિનગારી જેવું થશે; [QE][QS]તેઓ બન્ને સાથે બળશે અને તેને હોલવનાર કોઈ મળશે નહિ.” [QE]