1. [QS]“આવો આપણે યહોવાહની પાસે પાછા જઈએ. [QE][QS]કેમ કે તેમણે આપણને ચીરી નાખ્યા છે, તેઓ જ આપણને સાજા કરશે; [QE][QS]તેમણે આપણને ઘા કર્યા છે, તેઓ જ આપણને પાટો બાંધશે. [QE]
2. [QS]બે દિવસ પછી તેઓ આપણને સચેત કરશે; [QE][QS]ત્રીજે દિવસે તેઓ આપણને ઉઠાડશે, [QE][QS]આપણે તેમની આગળ જીવતા રહીશું. [QE]
3. [QS]ચાલો આપણે યહોવાહને જાણીએ, [QE][QS]યહોવાહને ઓળખવાને ખંતથી મહેનત કરીએ. [QE][QS]તેમનું આવવું ઊગતા સૂરજની જેમ નિશ્ચિત છે. [QE][QS]તે વરસાદની જેમ, [QE][QS]વસંતઋતુમાં પૃથ્વીને સિંચનાર છેલ્લા વરસાદની જેમ આવશે. [QE]
4. [QS]હે એફ્રાઇમ હું તને શું કરું? [QE][QS]હે યહૂદિયા હું તને શું કરું? [QE][QS]તમારી વિશ્વાસનીયતા સવારના વાદળ જેવી છે, [QE][QS]ઝડપથી ઊડી જનાર ઝાકળ જેવી છે. [QE]
5. [QS]માટે મેં તેઓને પ્રબોધકો દ્વારા કતલ કર્યા છે, [QE][QS]મેં મારા મુખનાં વચનોથી તેઓનો સંહાર કર્યો છે. [QE][QS]મારા ન્યાયચુકાદા પ્રગટતા અજવાળારૂપ છે. [QE]
6. [QS]કેમ કે હું વિશ્વાસુપણું ચાહું છું અને બલિદાન નહિ, [QE][QS]દહનાર્પણો કરતાં ઈશ્વરનું ડહાપણ ચાહું છું. [QE]
7. [QS]તેઓએ આદમની જેમ મારા કરારનું ઉલ્લંઘન કર્યું છે; [QE][QS]તેઓ મારી સાથે અવિશ્વાસુ રહ્યા છે. [QE]
8. [QS]ગિલ્યાદ દુષ્કર્મીઓનું નગર છે, [QE][QS]રક્તના નિશાનથી ભરેલું છે. [QE]
9. [QS]જેમ લૂંટારાઓનાં ટોળાં કોઈની રાહ જુએ છે, [QE][QS]તેમ યાજકોનું ટોળું શખેમના રસ્તા પર લોકોનું ખૂન કરે છે; [QE][QS]તેઓએ શરમજનક અપરાધો કર્યા છે. [QE]
10. [QS]ઇઝરાયલ લોકોમાં મેં ભયાનક બાબત જોઈ છે; [QE][QS]ત્યાં એફ્રાઇમમાં વ્યભિચાર જોવા મળ્યો છે, ઇઝરાયલ ભ્રષ્ટ થયો છે. [QE]
11. [QS]હે યહૂદિયા, જ્યારે હું મારા લોકોને ગુલામગીરીમાંથી પાછા લાવીશ, [QE][QS]ત્યારે તારા માટે કાપણી ઠરાવેલી છે. [QE]