યહોવાહ રાજ કરે છે; લોકો કાંપો. [QBR] તે કરૂબીમ પર બિરાજે છે; પૃથ્વી કાંપો. [QBR]

યહોવાહ સિયોનમાં મહાન છે; [QBR] તે સર્વ લોકો કરતાં ઊંચા છે. [QBR]

તેઓ તમારા મહાન અને ભયાવહ નામની સ્તુતિ કરો; [QBR] તે પવિત્ર છે.   [QBR]

રાજા પરાક્રમી છે અને તે ન્યાયને ચાહે છે. [QBR] તમે ન્યાયને સ્થાપન કરો છો; [QBR] તમે યાકૂબમાં ન્યાયીપણાને ઉત્પન્ન કરો છો. [QBR]

આપણા ઈશ્વર યહોવાહ મોટા મનાઓ [QBR] અને તેમના પાયાસન પાસે ભજન કરો. [QBR] તે પવિત્ર છે.   [QBR]

તેમના યાજકોમાં મૂસાએ તથા હારુને [QBR] અને તેમના નામને હાંક મારનારાઓમાં શમુએલે પણ [QBR] યહોવાહને વિનંતિ કરી અને તેમણે તેઓને ઉત્તર આપ્યો. [QBR]

તેમણે મેઘસ્તંભમાંથી તેઓની સાથે વાત કરી. [QBR] તેઓએ તેમની પવિત્ર આજ્ઞાઓ [QBR] અને તેમણે આપેલા વિધિઓ પાળ્યા. [QBR]

હે યહોવાહ, અમારા ઈશ્વર, તમે તેઓને ઉત્તર આપો. [QBR] જો કે તમે તેઓને તેઓના પાપોની શિક્ષા કરી, [QBR] તોપણ તેઓને ક્ષમા કરનાર ઈશ્વર તો તમે જ હતા. [QBR]

આપણા ઈશ્વર યહોવાહને મોટા માનો [QBR] અને તેમના પવિત્ર પર્વત પર ભજન કરો, [QBR] કેમ કે આપણા ઈશ્વર યહોવાહ પવિત્ર છે. [PE]