યહોવાહની આગળ નવું ગીત ગાઓ; [QBR] આખી પૃથ્વી, યહોવાહની આગળ ગાઓ. [QBR]

યહોવાહની આગળ ગાઓ, તેમના નામની પ્રશંસા કરો; [QBR] તેમના દ્વારા મળતો ઉદ્ધાર દિનપ્રતિદિન પ્રગટ કરો. [QBR]

વિદેશીઓમાં તેમનો મહિમા પ્રગટ કરો, [QBR] સર્વ લોકોમાં તેમના ચમત્કાર, જાહેર કરો. [QBR]

કારણ કે યહોવાહ મહાન છે અને બહુ સ્તુત્ય છે. [QBR] સર્વ દેવો કરતાં તે ભયાવહ છે. [QBR]

કેમ કે લોકોના સર્વ દેવો મૂર્તિઓ જ છે, [QBR] પણ યહોવાહે, આકાશોને ઉત્પન્ન કર્યાં. [QBR]

ભવ્યતા અને મહિમા તેમની હજૂરમાં છે. [QBR] સામર્થ્ય તથા સૌંદર્ય તેમના પવિત્રસ્થાનમાં છે. [QBR]

લોકોનાં કુળો, યહોવાહની સ્તુતિ કરો, [QBR] ગૌરવ તથા સામર્થ્ય યહોવાહને આપો. [QBR]

યહોવાહના નામને શોભતું ગૌરવ તેમને આપો. [QBR] અર્પણ લઈને તેમના આંગણામાં આવો. [QBR]

પવિત્રતાની સુંદરતાએ યહોવાહને ભજો. [QBR] આખી પૃથ્વી, તેમની આગળ કંપો. [QBR]

વિદેશીઓમાં કહો, “યહોવાહ રાજ કરે છે.” [QBR] જગત પણ એવી રીતે સ્થાપન કરવામાં આવ્યું છે કે તે ખસેડી શકાય નહિ. [QBR] તે યથાર્થપણે લોકોનો ન્યાય કરશે. [QBR]

આકાશો આનંદ કરો અને પૃથ્વી હરખાઓ; [QBR] સમુદ્ર તથા તેનું ભરપૂરીપણું ગાજો. [QBR]

ખેતરો અને તેમાં જે કંઈ છે, તે સર્વ આનંદ કરો. [QBR] વનનાં સર્વ વૃક્ષો હર્ષ સાથે [QBR]

યહોવાહની આગળ ગાઓ, કેમ કે તે આવે છે. [QBR] તે પૃથ્વીનો ન્યાય કરવા આવે છે. [QBR] તે પ્રમાણિકપણે જગતનો [QBR] અને વિશ્વાસુપણે લોકોનો ન્યાય કરશે. [PE]