આવો, આપણે યહોવાહની સમક્ષ ગાઈએ; [QBR] આપણા ઉધ્ધારક ખડકની આગળ હર્ષનાદ કરીએ. [QBR]

આભારસ્તુતિ સાથે તેમની હજૂરમાં આવીએ; [QBR] આવો આપણે ગીતોથી તેમની સમક્ષ હર્ષનાદ કરીએ. [QBR]

કારણ કે યહોવાહ મહાન ઈશ્વર છે [QBR] અને તે સર્વ દેવો પર મોટા રાજા છે. [QBR]

તેમનાં હાથમાં પૃથ્વીનાં ઊંડાણો છે; [QBR] પર્વતોનાં શિખરો પણ તેમનાં છે. [QBR]

સમુદ્ર તેમનો છે, કેમ કે તેમણે તે બનાવ્યો છે [QBR] અને તેમના હાથોએ કોરી ભૂમિ રચી. [QBR]

આવો, આપણે તેમની સ્તુતિ કરીએ અને નમીએ; [QBR] આવો આપણે આપણા કર્તા યહોવાહની આગળ ઘૂંટણિયે પડીએ. [QBR]

કારણ કે તે આપણા ઈશ્વર છે [QBR] અને આપણે તેમના ચારાના લોક તથા તેમના હાથનાં ઘેટાં છીએ. [QBR] આજે, જો તમે તેમની વાણી સાંભળો તો કેવું સારું! [QBR]

“મરીબાહમાં કર્યાં હતાં તેમ, તમારા હૃદય કઠણ ન કરો, [QBR] અને જેમ અરણ્યમાં માસ્સાને દિવસે, [QBR]

જ્યાં તમારા પિતૃઓએ મારી કસોટી કરી [QBR] અને તેઓએ મને પારખ્યો તથા મારું કૃત્ય જોયું. [QBR]

કેમ કે ચાળીસ વર્ષ સુધી હું તે પેઢીથી કંટાળી જતો હતો [QBR] અને કહ્યું, 'તે આ જ લોકો છે, કે જેઓનાં હૃદયો કુમાર્ગે ભટકી ગયાં છે; [QBR] તેઓ મારા માર્ગો જાણતા નથી.' [QBR]

માટે મેં મારા ક્રોધમાં સમ ખાધા [QBR] કે તેઓ મારા વિશ્રામમાં પ્રવેશ કરશે નહિ.” [PE]