ગીતશાસ્ત્ર 8 : 1 (IRVGU)
હે યહોવાહ, અમારા પ્રભુ, આખી પૃથ્વી પર તમારું નામ કેવું ભવ્ય છે! તમે આકાશમાં પોતાનો મહિમા મૂક્યો છે.
ગીતશાસ્ત્ર 8 : 2 (IRVGU)
તમારા શત્રુઓને કારણે, તમે બાળકોને તથા દૂધ પીતાં બાળકોને મુખે તમારો મહિમા પ્રગટ કર્યો છે કે, શત્રુને તથા વેરીને તમે શાંત પાડો.
ગીતશાસ્ત્ર 8 : 3 (IRVGU)
આકાશો, જે તમારા હાથનાં કૃત્યો છે, ચંદ્ર તથા તારાઓ, જેઓને તમે ઠરાવ્યા છે, તેઓ વિષે હું જ્યારે વિચાર કરું છું,
ગીતશાસ્ત્ર 8 : 4 (IRVGU)
ત્યારે હું કહું છું કે, માણસ તે કોણ છે કે, તમે તેનું સ્મરણ કરો છો? અને મનુષ્યપુત્ર કોણ કે, તમે તેની મુલાકાત લો છો?
ગીતશાસ્ત્ર 8 : 5 (IRVGU)
કારણ કે તમે તેને ઈશ્વર કરતાં થોડો જ ઊતરતો બનાવ્યો છે અને તમે તેના માથા પર મહિમા તથા માનનો મુગટ મૂક્યો છે.
ગીતશાસ્ત્ર 8 : 6 (IRVGU)
તમારા હાથનાં કામ પર તમે તેને અધિકાર આપ્યો છે; તેના પગ નીચે તમે બધું મૂક્યું છે:
ગીતશાસ્ત્ર 8 : 7 (IRVGU)
સર્વ ઘેટાં અને બળદો અને વન્ય પશુઓ,
ગીતશાસ્ત્ર 8 : 8 (IRVGU)
આકાશનાં પક્ષીઓ તથા સમુદ્રનાં માછલાં, હા, સમુદ્રના રસ્તામાંથી જે પસાર થાય છે તે બધું તમે તેની સત્તા નીચે મૂક્યું છે.
ગીતશાસ્ત્ર 8 : 9 (IRVGU)
હે યહોવાહ, અમારા પ્રભુ, આખી પૃથ્વીમાં તમારું નામ કેવું ભવ્ય છે!
❮
❯
1
2
3
4
5
6
7
8
9