ગીતશાસ્ત્ર 52 : 1 (IRVGU)
અરે ઓ જુલમગાર, તું તારાં દુષ્ટ કાર્યો વિષે શા માટે અભિમાન કરે છે? ઈશ્વરની કૃપા સર્વકાળ ટકે છે.
ગીતશાસ્ત્ર 52 : 2 (IRVGU)
તારી જીભ દુષ્ટ યોજનાઓ કરે છે અણીદાર અસ્ત્રાની જેમ તે છેતરે છે.
ગીતશાસ્ત્ર 52 : 3 (IRVGU)
તું ભલાઈ કરતાં વધારે દુષ્ટતા ચાહે છે અને ન્યાયીપણું બોલવા કરતાં જૂઠું બોલવું તને વધારે ગમે છે.
ગીતશાસ્ત્ર 52 : 4 (IRVGU)
અરે કપટી જીભ, તું સર્વ વિનાશકારી વાતો ચાહે છે.
ગીતશાસ્ત્ર 52 : 5 (IRVGU)
ઈશ્વર સદાને માટે તારો નાશ કરશે; તે તને પકડીને તારા તંબુમાંથી ખેંચી કાઢશે અને પૃથ્વીમાંથી તે તને ઉખેડી નાખશે. QSS સેલાહSE
ગીતશાસ્ત્ર 52 : 6 (IRVGU)
વળી ન્યાયીઓ પણ તે જોશે અને ગભરાશે; તેઓ હસીને તેને કહેશે કે,
ગીતશાસ્ત્ર 52 : 7 (IRVGU)
“જુઓ, એ આ માણસ છે કે જેણે ઈશ્વરને પોતાનો આશ્રય ન કર્યો, પણ પોતાના ઘણા ધન પર ભરોસો રાખીને પોતાનાં દુષ્કર્મોને વળગી રહ્યો.”
ગીતશાસ્ત્ર 52 : 8 (IRVGU)
પણ હું તો ઈશ્વરના ઘરના લીલા જૈતૂનવૃક્ષ જેવો છું; હું ઈશ્વરની કૃપા પર સદાકાળ ભરોસો રાખું છું.
ગીતશાસ્ત્ર 52 : 9 (IRVGU)
હે ઈશ્વર, તમે જે કર્યું છે, તે માટે હું તમારી આભારસ્તુતિ સદા કરીશ. હું તમારા નામ પર આશા રાખું છું, કેમ કે તમારું નામ ઉત્તમ છે અને હું તે તમારાં સંતોની સમક્ષ પ્રગટ કરીશ.
❮
❯