ગીતશાસ્ત્ર 23 : 1 (IRVGU)
યહોવાહ મારા પાળક છે; તેથી મને કશી ખોટ પડશે નહિ.
ગીતશાસ્ત્ર 23 : 2 (IRVGU)
તે મને લીલાં બીડમાં સુવાડે છે તે મને શાંત પાણીની પાસે દોરી જાય છે.
ગીતશાસ્ત્ર 23 : 3 (IRVGU)
તે મારા આત્માને તાજગી આપે છે; પોતાના નામની ખાતર તે મને ન્યાયીપણાને માર્ગે ચલાવે છે.
ગીતશાસ્ત્ર 23 : 4 (IRVGU)
જો કે હું મૃત્યુની છાયાની ખીણમાં ચાલું, તોય હું કંઈપણ દુષ્ટતાથી બીશ નહિ, કેમ કે તમે મારી સાથે છો; તમારી લાકડી તથા તમારી છડી મને દિલાસો આપે છે.
ગીતશાસ્ત્ર 23 : 5 (IRVGU)
તમે મારા દુશ્મનોની સામે મારે માટે ભોજન પીરસો છો તમે મારા માથા પર તેલ રેડ્યું છે; મારો પ્યાલો છલકાઈ જાય છે.
ગીતશાસ્ત્ર 23 : 6 (IRVGU)
નિશ્ચે મારી જિંદગીના સર્વ દિવસો દરમ્યાન ભલાઈ તથા દયા મારી સાથે આવશે; અને હું સદા સર્વકાળ સુધી યહોવાહના ઘરમાં રહીશ.
❮
❯