ગીતશાસ્ત્ર 149 : 1 (IRVGU)
યહોવાહની સ્તુતિ કરો. તેમની સમક્ષ નવું ગીત ગાઓ; સંતોની સભામાં તેમની સ્તુતિ કરો.
ગીતશાસ્ત્ર 149 : 2 (IRVGU)
ઇઝરાયલ પોતાના સર્જનહારથી આનંદ પામે; સિયોનના લોકો પોતાના રાજાને લીધે આનંદ મનાવો.
ગીતશાસ્ત્ર 149 : 3 (IRVGU)
તેઓ તેના નામની સ્તુતિ નૃત્યસહિત કરો; ખંજરી તથા વીણાથી તેમનાં સ્તોત્ર ગાઓ.
ગીતશાસ્ત્ર 149 : 4 (IRVGU)
કારણ કે યહોવાહ પોતાના લોકોથી આનંદ માને છે; તે નમ્રજનોને ઉદ્ધારથી સુશોભિત કરે છે.
ગીતશાસ્ત્ર 149 : 5 (IRVGU)
સંતો વિજયમાં હરખાઓ; પોતાની પથારીમાં પણ તમે આનંદનાં ગીતો ગાઓ.
ગીતશાસ્ત્ર 149 : 6 (IRVGU)
તેઓના મુખમાંથી ઈશ્વરની ઉત્તમ સ્તુતિ ગવાઓ અને તેઓના હાથમાં બેધારી તરવાર રહો.
ગીતશાસ્ત્ર 149 : 7 (IRVGU)
તેઓ વિદેશીઓને બદલો વાળે અને લોકોને શિક્ષા પહોંચાડે.
ગીતશાસ્ત્ર 149 : 8 (IRVGU)
તેઓ પોતાના રાજાઓને સાંકળોથી અને તેઓના હાકેમોને લોખંડની બેડીઓથી બાંધે.
ગીતશાસ્ત્ર 149 : 9 (IRVGU)
લખેલો ચુકાદો તેમના પર બજાવે. એવું મન તેમના બધા સંતોને છે. યહોવાહની સ્તુતિ કરો.
❮
❯