ગીતશાસ્ત્ર 148 : 1 (IRVGU)
યહોવાહની સ્તુતિ કરો. આકાશોથી યહોવાહની સ્તુતિ કરો; ઉચ્ચસ્થાનોમાં તેમની સ્તુતિ કરો.
ગીતશાસ્ત્ર 148 : 2 (IRVGU)
તેમના સર્વ દૂતો, તમે તેમની સ્તુતિ કરો; તેમનાં સર્વ સૈન્યો, તેમની સ્તુતિ કરો.
ગીતશાસ્ત્ર 148 : 3 (IRVGU)
સૂર્ય તથા ચંદ્ર, તમે તેમની સ્તુતિ કરો; સર્વ ઝગઝગતાં તારા, તેમની સ્તુતિ કરો.
ગીતશાસ્ત્ર 148 : 4 (IRVGU)
આકાશોનાં આકાશ, તમે તેમની સ્તુતિ કરો આકાશ ઉપરનાં પાણી, તેમની સ્તુતિ કરો.
ગીતશાસ્ત્ર 148 : 5 (IRVGU)
યહોવાહના નામની સ્તુતિ તેઓ કરો, કેમ કે તેમની આજ્ઞાથી તેઓ ઉત્પન્ન થયાં.
ગીતશાસ્ત્ર 148 : 6 (IRVGU)
વળી તેમણે સદાકાળને માટે તેઓને સ્થાપન કર્યાં છે; જેનો અપરાધ તેઓ કરી શકે નહિ, એવો નિયમ તેમણે કર્યો છે.
ગીતશાસ્ત્ર 148 : 7 (IRVGU)
હે પૃથ્વી પરના બધા જ જીવો, તમે યહોવાહની સ્તુતિ કરો, હે સમુદ્રના જીવો અને મહાસાગરનાં ઊંડાણો, તમે તેમની સ્તુતિ કરો.
ગીતશાસ્ત્ર 148 : 8 (IRVGU)
અગ્નિ તથા કરા, હિમ તથા મેઘ, આંધીના વાયુ, જે તેમનું વચન પૂરું કરે છે,
ગીતશાસ્ત્ર 148 : 9 (IRVGU)
પર્વતો તથા ડુંગરો ફળવૃક્ષો તથા સર્વ દેવદારો,
ગીતશાસ્ત્ર 148 : 10 (IRVGU)
વન્ય જાનવરો તથા સર્વ પશુઓ, પેટે ચાલનારાં જીવજંતુ તથા ઊડનારાં પક્ષીઓ,
ગીતશાસ્ત્ર 148 : 11 (IRVGU)
પૃથ્વીના રાજાઓ અને સર્વ પ્રજાઓ, રાજકુમારો તથા પૃથ્વીના સર્વ ન્યાયાધીશો,
ગીતશાસ્ત્ર 148 : 12 (IRVGU)
જુવાન પુરુષો તથા જુવાન સ્ત્રીઓ, વૃદ્ધો તથા બાળકો.
ગીતશાસ્ત્ર 148 : 13 (IRVGU)
તમે સર્વ યહોવાહની સ્તુતિ કરો, કારણ કે એકલું તેમનું જ નામ પ્રતિષ્ઠાપાત્ર છે અને તેમનું ગૌરવ આકાશ તથા પૃથ્વી કરતાં મોટું છે.
ગીતશાસ્ત્ર 148 : 14 (IRVGU)
તેમણે પોતાના લોકોનું શિંગ ઊંચું કર્યું છે જેથી તેમના ભક્તો તેમની સ્તુતિ કરે, તેમની પાસેના ઇઝરાયલ લોકોને તેમણે ઊંચા કર્યા છે. યહોવાહની સ્તુતિ કરો.
❮
❯
1
2
3
4
5
6
7
8
9
10
11
12
13
14