ગીતશાસ્ત્ર 109 : 1 (IRVGU)
હે મારા સ્તુતિના ઈશ્વર, તમે શાંત ન રહો.
ગીતશાસ્ત્ર 109 : 2 (IRVGU)
કારણ કે દુષ્ટ અને કપટી માણસો મારા પર હુમલાઓ કરે છે; તેઓ મારી વિરુદ્ધ જૂઠું બોલે છે.
ગીતશાસ્ત્ર 109 : 3 (IRVGU)
તેઓએ મને તિરસ્કૃત શબ્દોથી ઘેરી લીધો છે અને કોઈ કારણ વગર મારી સાથે લડાઈ કરવા હુમલો કરે છે.
ગીતશાસ્ત્ર 109 : 4 (IRVGU)
તેઓ મારી પ્રીતિના બદલામાં મારા શત્રુ થયા છે, પણ હું તેઓને માટે પ્રાર્થના જ કરું છું.
ગીતશાસ્ત્ર 109 : 5 (IRVGU)
તેઓ ઉપકારને બદલે અપકાર કરે છે અને તેઓ મારા પ્રેમને ધિક્કારે છે.
ગીતશાસ્ત્ર 109 : 6 (IRVGU)
મારા શત્રુનો સામનો કરવા માટે એક દુષ્ટ માણસને નિયુક્ત કરો; તેને જમણે હાથે કોઈ અપ્રામાણિકને ઊભો રાખો.
ગીતશાસ્ત્ર 109 : 7 (IRVGU)
જ્યારે તે ન્યાય કરે, ત્યારે તે અપરાધી ઠરો; તેની પ્રાર્થના પાપરૂપ ગણાઓ.
ગીતશાસ્ત્ર 109 : 8 (IRVGU)
તેના દિવસો થોડા થાઓ; તેનું સ્થાન બીજા કોઈ લઈ લો.
ગીતશાસ્ત્ર 109 : 9 (IRVGU)
તેના સંતાનો અનાથ અને તેની પત્ની વિધવા થાઓ.
ગીતશાસ્ત્ર 109 : 10 (IRVGU)
તેના સંતાનો રખડીને ભીખ માગો, ઉજ્જડ થયેલાં પોતાના ઘરોમાંથી તેઓને નસાડી મૂકવામાં આવે.
ગીતશાસ્ત્ર 109 : 11 (IRVGU)
તેનો લેણદાર જોરજુલમથી તેનું બધું લઈ જાઓ; તેની મહેનતનું ફળ પરાયા લૂંટી જાઓ.
ગીતશાસ્ત્ર 109 : 12 (IRVGU)
તેના પર દયા રાખનાર કોઈ ન રહો; તેનાં અનાથ બાળકો પર કોઈ કૃપા રાખનાર ન રહો.
ગીતશાસ્ત્ર 109 : 13 (IRVGU)
તેના વંશજોનો ઉચ્છેદ થાઓ; આવતી પેઢીમાંથી તેનું નામ સંપૂર્ણપણે ભૂંસાઈ જાઓ.
ગીતશાસ્ત્ર 109 : 14 (IRVGU)
તેના પિતૃઓનાં પાપ યહોવાહને યાદ રહો; અને તેની માતાનું પાપ માફ કરવામાં ન આવો.
ગીતશાસ્ત્ર 109 : 15 (IRVGU)
તેનાં પાપો નિત્ય યહોવાહની નજરમાં રહો; યહોવાહ તેનું નામ પૃથ્વી પરથી ઉખેડી નાખે.
ગીતશાસ્ત્ર 109 : 16 (IRVGU)
કારણ કે તેણે બીજાઓ પ્રત્યે દયા કરવાનું ચાહ્યું નહિ, પણ નિરુત્સાહીની હત્યા કરવા માટે અને ગરીબ તથા જરૂરતમંદને સતાવ્યા.
ગીતશાસ્ત્ર 109 : 17 (IRVGU)
બીજાઓને શાપ આપવામાં તે ખુશ હતો; માટે એ શાપ તેને લાગો. તે આશીર્વાદને ધિક્કારતો; તેથી તેના પર કોઈ આશીર્વાદ ન આવો.
ગીતશાસ્ત્ર 109 : 18 (IRVGU)
તેણે વસ્ત્રની જેમ પોતાના શરીર પર શાપ ધારણ કર્યો હતો અને તેનો શાપ પાણીની માફક તેના અંતઃકરણમાં તેના હાડકામાં તેલની જેમ પ્રસરી જતો હતો.
ગીતશાસ્ત્ર 109 : 19 (IRVGU)
પહેરવાનાં વસ્ત્રની જેમ તે તેને આચ્છાદિત કરનાર થાઓ કમરબંધની જેમ તે સદા વીંટળાઈ રહો.
ગીતશાસ્ત્ર 109 : 20 (IRVGU)
જેઓ મારા શત્રુ છે અને જેઓ મારા આત્માની વિરુદ્ધ બોલનાર છે, તેઓને યહોવાહ તરફથી આવો બદલો મળો.
ગીતશાસ્ત્ર 109 : 21 (IRVGU)
હે યહોવાહ, મારા પ્રભુ, તમે તમારા નામની ખાતર મારા માટે લડો. કેમ કે તમારી કૃપા ઉત્તમ છે, મારો બચાવ કરો.
ગીતશાસ્ત્ર 109 : 22 (IRVGU)
કેમ કે હું ગરીબ તથા દરિદ્રી છું અને મારું હૃદય ઊંડે સુધી ઘાયલ થયું છે.
ગીતશાસ્ત્ર 109 : 23 (IRVGU)
હું નમી ગયેલી છાયાના જેવો થઈ ગયો છું; મને તીડની જેમ ખંખેરી નાખવામાં આવે છે.
ગીતશાસ્ત્ર 109 : 24 (IRVGU)
ઉપવાસથી મારાં ઘૂંટણ નબળા પડ્યાં છે; મારું માંસ પુષ્ટિ વિના ઘટી ગયું છે.
ગીતશાસ્ત્ર 109 : 25 (IRVGU)
હું સર્વ માણસો માટે નિષ્ફળતાનું પ્રતીક બન્યો છું; જ્યારે તેઓ મને જુએ છે, ત્યારે તેઓ પોતાના માથાં હલાવે છે.
ગીતશાસ્ત્ર 109 : 26 (IRVGU)
હે યહોવાહ મારા ઈશ્વર, મને મદદ કરો; તમારી કૃપા પ્રમાણે મારો બચાવ કરો.
ગીતશાસ્ત્ર 109 : 27 (IRVGU)
તેઓ જાણે કે આ તમે કર્યું છે, હે યહોવાહ, તમે જ આ કર્યું છે,
ગીતશાસ્ત્ર 109 : 28 (IRVGU)
જો તેઓ મને શાપ આપે, તો કૃપા કરી તેમને આશીર્વાદ આપજો; જ્યારે તેઓ હુમલો કરે, ત્યારે તેઓ શરમાઈ જાઓ, પણ તમારો સેવક આનંદ કરે.
ગીતશાસ્ત્ર 109 : 29 (IRVGU)
મારા શત્રુઓ વસ્ત્રની જેમ બદનામીથી શરમ અનુભવો અને ઝભ્ભાની જેમ તેઓ શરમથી ઢંકાઈ જાઓ.
ગીતશાસ્ત્ર 109 : 30 (IRVGU)
હું વારંવાર યહોવાહનો આભાર માનીશ; હું ઘણા લોકોમાં તેમની સ્તુતિ ગાઈશ.
ગીતશાસ્ત્ર 109 : 31 (IRVGU)
કારણ કે દરિદ્રીના આત્માને અપરાધી ઠરાવનારાઓથી ઉદ્ધાર આપવાને માટે યહોવાહ તેને જમણે હાથે ઊભા રહેશે.
❮
❯