એફેસીઓને પત્ર 5 : 1 (IRVGU)
પ્રકાશમાં ચાલો એ માટે તમે *પ્રભુનાં પ્રિય બાળકો તરીકે ઈશ્વરનું અનુસરણ કરનારા થાઓ;
એફેસીઓને પત્ર 5 : 2 (IRVGU)
અને પ્રેમમાં ચાલો. જેમ ખ્રિસ્ત ઈસુએ તમારા પર પ્રેમ રાખ્યો અને ઈશ્વરની સમક્ષ સુવાસને અર્થે, આપણે સારુ સ્વાર્પણ કરીને પોતાનું બલિદાન આપ્યું, તેમ.
એફેસીઓને પત્ર 5 : 3 (IRVGU)
વ્યભિચાર તથા સર્વ પ્રકારની અશુદ્ધતા અથવા દ્રવ્યલોભનાં નામ પણ સરખાં તમારે કદી ન લેવાં, કેમ કે સંતોને એ જ શોભે છે;
એફેસીઓને પત્ર 5 : 4 (IRVGU)
જે અશોભનીય છે એવી નિર્લજ્જ તથા મૂર્ખતાભરેલી વાત અથવા હસીમજાક તમારામાં ન થાય પણ તેના બદલે આભારસ્તુતિ *કરવી .
એફેસીઓને પત્ર 5 : 5 (IRVGU)
કેમ કે તમે સારી રીતે જાણો છો કે, વ્યભિચારી, અશુદ્ધ, દ્રવ્યલોભી, એટલે મૂર્તિપૂજકોને ખ્રિસ્તનાં તથા ઈશ્વરના રાજ્યમાં વારસો નથી.
એફેસીઓને પત્ર 5 : 6 (IRVGU)
તમને વ્યર્થ વાતોથી કોઈ ભુલાવે નહિ; કેમ કે એવાં કામોને લીધે ઈશ્વરનો કોપ આજ્ઞાભંગ કરનારા પર આવે છે.
એફેસીઓને પત્ર 5 : 7 (IRVGU)
એ માટે તમે તેઓના સહભાગી ન થાઓ.
એફેસીઓને પત્ર 5 : 8 (IRVGU)
કેમ કે તમે પહેલાં અંધકારમાં હતા પણ હવે પ્રભુમાં પ્રકાશરૂપ છો; પ્રકાશનાં સંતોને ઘટે એ રીતે ચાલો.
એફેસીઓને પત્ર 5 : 9 (IRVGU)
(કેમ કે પ્રકાશનું ફળ સર્વ પ્રકારના સદાચારમાં તથા ન્યાયીપણામાં તથા સત્યમાં છે.)
એફેસીઓને પત્ર 5 : 10 (IRVGU)
પ્રભુને શું પસંદ પડે છે, તે પારખી લો.
એફેસીઓને પત્ર 5 : 11 (IRVGU)
અંધકારનાં નિષ્ફળ કામોના સોબતીઓ ન થાઓ; પણ તેઓને વખોડો.
એફેસીઓને પત્ર 5 : 12 (IRVGU)
કેમ કે તેઓ ગુપ્તમાં એવા કામ કરે છે કે, જે કહેતાં પણ શરમ લાગે છે.
એફેસીઓને પત્ર 5 : 13 (IRVGU)
જે સર્વ વખોડાયેલું, તે પ્રકાશથી પ્રગટ થાય છે; કેમ કે જે પ્રગટ કરાયેલું છે, તે પ્રકાશરૂપ છે.
એફેસીઓને પત્ર 5 : 14 (IRVGU)
માટે કહેલું છે કે, ઊંઘનાર, જાગ, ને મૂએલાંમાંથી ઊઠ, અને ખ્રિસ્ત તારા પર પ્રકાશ પાડશે.
એફેસીઓને પત્ર 5 : 15 (IRVGU)
તો સાંભળો કે તમે નિર્બુદ્ધોની જેમ નહિ, પણ ચોકસાઈથી બુદ્ધિવંતોની રીતે ચાલો;
એફેસીઓને પત્ર 5 : 16 (IRVGU)
સમયનો સદુપયોગ કરો, કેમ કે દિવસો ખરાબ છે.
એફેસીઓને પત્ર 5 : 17 (IRVGU)
તેથી તમે અણસમજુ ન થાઓ, પણ ઈશ્વરની ઇચ્છા શી છે તે સમજો.
એફેસીઓને પત્ર 5 : 18 (IRVGU)
દ્રાક્ષારસ પીને મસ્ત ન થાઓ, એ દુર્વ્યસન છે, પણ પવિત્ર આત્માથી ભરપૂર થાઓ;
એફેસીઓને પત્ર 5 : 19 (IRVGU)
ગીતોથી, સ્ત્રોત્રોથી તથા આત્મિક ગાનોથી એકબીજાની સાથે પ્રભુની વાતો કરીને તમારાં હૃદયમાં પ્રભુનાં ભજનો તથા ગીતો ગાઓ;
એફેસીઓને પત્ર 5 : 20 (IRVGU)
આપણા પ્રભુ ઈસુ ખ્રિસ્તને નામે, ઈશ્વર પિતાની આભારસ્તુતિ સર્વને સારુ નિત્ય કરજો.
એફેસીઓને પત્ર 5 : 21 (IRVGU)
ખ્રિસ્તનું ભય રાખીને એકબીજાને આધીન રહો.
એફેસીઓને પત્ર 5 : 22 (IRVGU)
પતિ અને પત્નીનો દાખલો પત્નીઓ, જેમ પ્રભુને તેમ પોતાના પતિઓને આધીન થાઓ;
એફેસીઓને પત્ર 5 : 23 (IRVGU)
કેમ કે પતિ પત્નીનું શિર છે. જેમ ખ્રિસ્ત મંડળીનું શિર છે તે શરીરનાં ઉદ્ધારક છે.
એફેસીઓને પત્ર 5 : 24 (IRVGU)
જેમ વિશ્વાસી સમુદાય ખ્રિસ્તને આધીન છે, તેમ પત્નીઓએ સર્વ બાબતમાં પોતાના પતિઓને *આધીન રહેવું.
એફેસીઓને પત્ર 5 : 25 (IRVGU)
પતિઓ, પોતાની પત્નીઓ પર પ્રેમ કરો, જેમ ખ્રિસ્ત ઈસુએ પોતાના વિશ્વાસી સમુદાય પર પ્રેમ રાખ્યો અને તેને સારું પોતાનું સ્વાર્પણ કર્યુ તેમ;
એફેસીઓને પત્ર 5 : 26 (IRVGU)
એ સારુ કે વચન વડે જળસ્નાનથી શુદ્ધ કરીને, *ખ્રિસ્ત વિશ્વાસી સમુદાયને પવિત્ર કરે,
એફેસીઓને પત્ર 5 : 27 (IRVGU)
અને જેને ડાઘ, કરચલી કે એવું કંઈ ન હોય; પણ તે પવિત્ર તથા નિર્દોષ હોય, એવા વિશ્વાસી સમુદાય તરીકે પોતાની આગળ ગૌરવી સ્વરૂપે રજૂ કરે.
એફેસીઓને પત્ર 5 : 28 (IRVGU)
એ જ પ્રમાણે પતિઓએ જેમ પોતાનાં શરીરો પર તેમ પોતાની પત્નીઓ પર પ્રેમ કરવો; જે પોતાની પત્ની પર પ્રેમ કરે છે, તે પોતા પર પ્રેમ કરે છે;
એફેસીઓને પત્ર 5 : 29 (IRVGU)
કેમ કે કોઈ માણસ પોતાના શરીરનો કદી દ્વેષ કરતો નથી; પણ તે તેનું પાલનપોષણ કરે છે. જેમ પ્રભુ પણ વિશ્વાસી સમુદાયનું *પોષણ કરે છે તેમ,
એફેસીઓને પત્ર 5 : 30 (IRVGU)
કેમ કે આપણે તેમના *ખ્રિસ્તનાં શરીરનાં અંગો છીએ.
એફેસીઓને પત્ર 5 : 31 (IRVGU)
એ માટે પુરુષ પોતાનાં માતાપિતાને મૂકીને પોતાની પત્નીની સાથે જોડાઈને રહેશે, અને તેઓ બન્ને એક દેહ થશે.
એફેસીઓને પત્ર 5 : 32 (IRVGU)
આ ગહન રહસ્ય છે; પણ હું ખ્રિસ્ત તથા વિશ્વાસી સમુદાય સંબંધી એ કહું છું.
એફેસીઓને પત્ર 5 : 33 (IRVGU)
તોપણ તમારામાંના દરેક જેમ પોતાના પર તેમ પોતાની પત્ની પર પ્રેમ કરે; અને પત્ની પોતાના પતિનું માન જાળવે.
❮
❯