પ્રેરિતોનાં ક્રત્યો 11 : 1 (IRVGU)
યરુશાલેમની મંડળી આગળ અહેવાલ હવે જે પ્રેરિતો તથા ભાઈઓ યહૂદિયામાં હતા તેઓએ સાંભળ્યું કે, વિદેશીઓએ પણ ઈશ્વરનાં વચનનો અંગીકાર કર્યો છે.
પ્રેરિતોનાં ક્રત્યો 11 : 2 (IRVGU)
જયારે પિતર યરુશાલેમ પાછો આવ્યો, ત્યારે સુન્નતીઓએ તેની ટીકા કરતા કહ્યું કે,
પ્રેરિતોનાં ક્રત્યો 11 : 3 (IRVGU)
'તેં બેસુન્નતીઓના ઘરમાં જઈને તેઓની સાથે ભોજન કર્યું.'
પ્રેરિતોનાં ક્રત્યો 11 : 4 (IRVGU)
ત્યારે પિતરે તેઓને તે વાતનો વિગતવાર ખુલાસો કરતા કહ્યું કે,
પ્રેરિતોનાં ક્રત્યો 11 : 5 (IRVGU)
'હું જોપ્પા શહેરમાં પ્રાર્થના કરતો હતો, તે વખતે મને મૂર્છા આવી; અને મેં દર્શનમાં જાણે કે એક મોટી ચાદર તેના ચાર ખૂણાથી લટકાવેલુ હોય તેવું એક વાસણ સ્વર્ગમાંથી ઊતરતું જોયું; તે મારી પાસે આવ્યું.'
પ્રેરિતોનાં ક્રત્યો 11 : 6 (IRVGU)
તેના પર એકીટસે જોઈને મેં ધ્યાન આપ્યું, તો મેં તેમાં પૃથ્વી પરનાં ચોપગા પ્રાણીઓ, રાની પશુઓ, પેટે ચાલનારાં પ્રાણીઓ તથા આકાશનાં પક્ષીઓ જોયાં.
પ્રેરિતોનાં ક્રત્યો 11 : 7 (IRVGU)
વળી મેં એક વાણીને મને એમ કહેતી સાંભળી કે, પિતર, ઊઠ, મારીને ખા.
પ્રેરિતોનાં ક્રત્યો 11 : 8 (IRVGU)
પણ મેં કહ્યું, પ્રભુ, એમ નહિ; કેમ કે કોઈ પણ નાપાક અથવા અશુદ્ધ ખોરાકનો આહાર મેં કર્યો નથી.
પ્રેરિતોનાં ક્રત્યો 11 : 9 (IRVGU)
પણ તેના ઉત્તરમાં સ્વર્ગમાંથી બીજી વાર વાણી થઈ કે, ઈશ્વરે જેને શુદ્ધ કર્યું છે, તેને તું અશુદ્ધ ન ગણ.
પ્રેરિતોનાં ક્રત્યો 11 : 10 (IRVGU)
એમ ત્રણ વાર થયું; પછી તે બધાને સ્વર્ગમાં પાછા ખેંચી લેવામાં આવ્યાં.
પ્રેરિતોનાં ક્રત્યો 11 : 11 (IRVGU)
અને જુઓ, તે જ સમયે કાઈસારિયાથી મારી પાસે મોકલેલા ત્રણ માણસો, જે ઘરમાં અમે હતા તેની આગળ આવી ઊભા રહયા.
પ્રેરિતોનાં ક્રત્યો 11 : 12 (IRVGU)
આત્માએ મને કહ્યું કે, કંઈ પણ ભેદ રાખ્યા વિના તેઓની સાથે જા. આ છ ભાઈઓ પણ મારી સાથે આવ્યા; અને અમે તે વ્યક્તિના ઘરમાં ગયા;
પ્રેરિતોનાં ક્રત્યો 11 : 13 (IRVGU)
ત્યારે તેણે અમને ખબર આપી કે, મેં મારા ઘરમાં એક સ્વર્ગદૂતને ઊભેલો જોયો, તેણે મને કહ્યું કે, જોપ્પામાં માણસ મોકલી સિમોન જેમનું બીજું નામ પિતર છે, તેને બોલાવ;
પ્રેરિતોનાં ક્રત્યો 11 : 14 (IRVGU)
તે તને એવી વાતો કહેશે કે તેથી તું તથા તારાં ઘરનાં સર્વ વ્યક્તિઓ ઉદ્ધાર પામશો.
પ્રેરિતોનાં ક્રત્યો 11 : 15 (IRVGU)
હું જેમ પ્રવચન કરવા લાગ્યો કે તરત જેમ પ્રથમ આપણા પર પવિત્ર આત્માએ આચ્છાદન કર્યું હતું, તેમ તેઓ પર પણ પવિત્ર આત્મા ઊતર્યો.
પ્રેરિતોનાં ક્રત્યો 11 : 16 (IRVGU)
ત્યારે પ્રભુની એ કહેલી વાત મને યાદ આવી કે, યોહાને પાણીથી બાપ્તિસ્મા કર્યું ખરું, પણ તમે પવિત્ર આત્માથી બાપ્તિસ્મા પામશો.
પ્રેરિતોનાં ક્રત્યો 11 : 17 (IRVGU)
માટે જ્યારે આપણે પ્રભુ ઈસુ ખ્રિસ્ત પર વિશ્વાસ કર્યો ત્યારે આપણને જેવું *દાન મળ્યું તેવું જ દાન ઈશ્વરે તેઓને પણ આપ્યું, તો હું કોણ કે, ઈશ્વરને અટકાવું?
પ્રેરિતોનાં ક્રત્યો 11 : 18 (IRVGU)
આ વાતો સાંભળીને તેઓ ચૂપ રહ્યા, અને ઈશ્વરને મહિમા આપતા કહ્યું કે, ઈશ્વરે બિનયહૂદીઓને પણ પશ્ચાતાપ *કરવાનું મન આપ્યું છે કે તેઓ જીવન પામે.
પ્રેરિતોનાં ક્રત્યો 11 : 19 (IRVGU)
અંત્યોખમાં શિષ્યો ખ્રિસ્તી કહેવાયા સ્તેફનના સંબંધમાં થયેલી સતાવણીથી જેઓ વિખેરાઈ ગયા હતા તેઓ ફિનીકિયા, સાયપ્રસ તથા અંત્યોખ સુધી ગયા, પણ તેઓએ યહૂદીઓ સિવાય કોઈને *પ્રભુની વાત પ્રગટ કરી ન હતી.
પ્રેરિતોનાં ક્રત્યો 11 : 20 (IRVGU)
પણ તેઓમાંના કેટલાક સાયપ્રસના તથા કુરેનીના માણસો હતા, તેઓએ અંત્યોખ આવીને ગ્રીક લોકોને પણ પ્રભુ ઈસુ વિષેની સુવાર્તા કહી સંભળાવી.
પ્રેરિતોનાં ક્રત્યો 11 : 21 (IRVGU)
પ્રભુનો હાથ તેઓની સાથે હતો, અને ઘણાં લોકો વિશ્વાસ કરીને પ્રભુ તરફ વળ્યા.
પ્રેરિતોનાં ક્રત્યો 11 : 22 (IRVGU)
તેઓ વિષેના સમાચાર યરુશાલેમના વિશ્વાસી સમુદાયના કાને આવ્યા, ત્યારે તેઓએ બાર્નાબાસને અંત્યોખ સુધી મોકલ્યો;
પ્રેરિતોનાં ક્રત્યો 11 : 23 (IRVGU)
તે ત્યાં આવ્યો, ત્યારે ઈશ્વરની કૃપા જોઈને તે આનંદ પામ્યો; અને તેણે તેઓ સર્વને દ્દ્રઢ હૃદયથી પ્રભુને વળગી રહેવાનો બોધ કર્યો;
પ્રેરિતોનાં ક્રત્યો 11 : 24 (IRVGU)
કેમ કે તે સારો માણસ હતો, અને પવિત્ર આત્માથી તથા વિશ્વાસથી ભરપૂર હતો; અને ઘણાં લોક પ્રભુના વિશ્વાસી સમુદાયમાં જોડાયાં.
પ્રેરિતોનાં ક્રત્યો 11 : 25 (IRVGU)
પછી *બાર્નાબાસ શાઉલની શોધ કરવા સારુ તાર્સસ ગયો;
પ્રેરિતોનાં ક્રત્યો 11 : 26 (IRVGU)
અને તે મળ્યો ત્યારે બાર્નાબાસ તેને અંત્યોખમાં લાવ્યો. તેઓએ એક આખું વર્ષ વિશ્વાસી સમુદાયની સાથે રહીને ઘણાં લોકોને બોધ કર્યો; શિષ્યો પ્રથમ અંત્યોખમાં ખ્રિસ્તી કહેવાયા.
પ્રેરિતોનાં ક્રત્યો 11 : 27 (IRVGU)
હવે એ દિવસોમાં કેટલાક પ્રબોધકો યરુશાલેમથી અંત્યોખ આવ્યા.
પ્રેરિતોનાં ક્રત્યો 11 : 28 (IRVGU)
તેઓમાંના આગાબસ નામે એક જણે ઊભા થઈને આત્મા *ની પ્રેરણા થી સૂચવ્યું કે, આખી દુનિયામાં મોટો દુકાળ સર્જાશે; અને કલોડિયસના રાજ્યકાળમાં તેમ જ થયું.
પ્રેરિતોનાં ક્રત્યો 11 : 29 (IRVGU)
ત્યારે શિષ્યોએ ઠરાવ કર્યો કે, આપણામાંના દરેક માણસે પોતપોતાની શક્તિ પ્રમાણે યહૂદિયામાં રહેનાર ભાઈઓને કંઈ મદદ મોકલવી.
પ્રેરિતોનાં ક્રત્યો 11 : 30 (IRVGU)
તેઓએ તેમ કર્યું, અને બાર્નાબાસ તથા શાઉલની મારફતે વડીલો પર નાણાં મોકલ્યાં.
❮
❯