1 કરિંથીઓને 12 : 1 (IRVGU)
{પવિત્ર આત્મા તરફથી દાનો} [PS] હવે, ભાઈઓ, આત્મિક દાનો વિષે તમે અજાણ્યા રહો એવી મારી ઇચ્છા નથી.
1 કરિંથીઓને 12 : 2 (IRVGU)
તમે જાણો છો કે, તમે વિદેશીઓ હતા, ત્યારે જેમ કોઈ તમને દોરી જાય તેમ મૂંગી મૂર્તિઓ પાછળ તમે દોરવાઈ જતા હતા.
1 કરિંથીઓને 12 : 3 (IRVGU)
માટે હું તમને જણાવું છું કે, ઈશ્વરના આત્માથી બોલનારો કોઈ માણસ ઈસુને શાપપાત્ર કહેતો નથી; અને કોઈ માણસ, પવિત્ર આત્મા વિના, 'ઈસુ પ્રભુ છે,' એવું કહી શકતો નથી. [PE][PS]
1 કરિંથીઓને 12 : 4 (IRVGU)
કૃપાદાનો અનેક પ્રકારનાં છે, તોપણ આત્મા તો એકનાએક જ છે;
1 કરિંથીઓને 12 : 5 (IRVGU)
સેવાઓ અનેક પ્રકારની છે, પણ પ્રભુ એકનાએક જ છે.
1 કરિંથીઓને 12 : 6 (IRVGU)
કાર્યો અનેક પ્રકારનાં છે, પણ ઈશ્વર એકનાએક જ છે, તે સર્વમાં કાર્યરત છે. [PE][PS]
1 કરિંથીઓને 12 : 7 (IRVGU)
પણ આત્માનું સ્પષ્ટીકરણ પ્રત્યેકનો સામાન્ય ઉપયોગને માટે અપાયેલું છે.
1 કરિંથીઓને 12 : 8 (IRVGU)
કેમ કે એકને આત્માથી જ્ઞાનની વાત અપાઈ છે; તો કોઈને એ જ આત્માથી વિદ્યાની વાત અપાઈ છે; [PE][PS]
1 કરિંથીઓને 12 : 9 (IRVGU)
કોઈને એ જ આત્માથી વિશ્વાસ; અને કોઈને એ જ આત્માથી સાજાં કરવાના કૃપાદાન;
1 કરિંથીઓને 12 : 10 (IRVGU)
કોઈને પરાક્રમી કામો કરવાનું; અને કોઈને પ્રબોધ કરવાનું; કોઈને આત્માઓને પારખી જાણવાનું, કોઈને અલગ અલગ ભાષાઓ બોલવાનું અને કોઈને ભાષાંતર કરવાનું કૃપાદાન અપાયેલું છે.
1 કરિંથીઓને 12 : 11 (IRVGU)
પણ પોતાની ઇચ્છા પ્રમાણે પ્રત્યેકને કૃપાદાન વહેંચી આપનાર અને સર્વ શક્ય કરનાર એ ને એ જ આત્મા છે. એક જ શરીર-અવયવો અનેક [PE][PS]
1 કરિંથીઓને 12 : 12 (IRVGU)
કેમ કે જેમ શરીર એક છે, અને તેનાં અંગો ઘણાં છે, તે એક શરીરનાં અંગો ઘણાં હોવા છતાં સર્વ અંગો મળીને એક શરીર છે, તેમ ખ્રિસ્ત પણ છે.
1 કરિંથીઓને 12 : 13 (IRVGU)
કેમ કે આપણે યહૂદી કે ગ્રીક, દાસ કે સ્વતંત્ર, સર્વ એક શરીરમાં એક આત્માથી બાપ્તિસ્મા પામ્યા; અને સર્વને એક આત્મા પ્રદાન કરવામાં આવ્યાં છે. [PE][PS]
1 કરિંથીઓને 12 : 14 (IRVGU)
પણ શરીર તો એક અંગનું નથી, પણ ઘણાં અંગોનું છે.
1 કરિંથીઓને 12 : 15 (IRVGU)
જો પગ કહે કે, હું હાથ નથી એ માટે હું શરીરનો નથી, તો તેથી શું તે શરીરનો નથી?
1 કરિંથીઓને 12 : 16 (IRVGU)
જો કાન કહે કે, હું આંખ નથી માટે હું શરીરનો નથી, તો શું તેથી તે શરીરનો નથી?
1 કરિંથીઓને 12 : 17 (IRVGU)
જો આખું શરીર આંખ હોત તો કાન ક્યાં હોત? જો આખું શરીર કાન હોત તો જ્ઞાનેન્દ્રિય ક્યાં હોત? [PE][PS]
1 કરિંથીઓને 12 : 18 (IRVGU)
પણ હવે ઈશ્વરે દરેક અંગને પોતાની મરજી પ્રમાણે શરીરમાં ગોઠવેલું છે.
1 કરિંથીઓને 12 : 19 (IRVGU)
જો સર્વ એક અંગ હોત, તો શરીર ક્યાં હોત?
1 કરિંથીઓને 12 : 20 (IRVGU)
પણ હવે અંગો ઘણાં છે પણ શરીર એક જ છે. [PE][PS]
1 કરિંથીઓને 12 : 21 (IRVGU)
આંખ હાથને કહી શકતી નથી કે મને તારી જરૂર નથી; અથવા માથું પગને કહી શકતું નથી કે, મને તારી જરૂર નથી.
1 કરિંથીઓને 12 : 22 (IRVGU)
વળી શરીરનાં જે અંગો ઓછા માનપત્ર દીસે છે તેઓની વિશેષ અગત્ય છે;
1 કરિંથીઓને 12 : 23 (IRVGU)
શરીરનાં જે ભાગો નબળા દીસે છે તેઓને આપણે વધતું માન આપીએ છીએ; અને એમ આપણા કદરૂપાં અંગો વધારે શોભાયમાન કરાય છે.
1 કરિંથીઓને 12 : 24 (IRVGU)
આપણાં સુંદર અંગોને એવી જરૂર નથી. પણ જેનું માન ઓછું હતું તેને ઈશ્વરે વધારે માન આપીને, શરીરને ગોઠવ્યું છે, [PE][PS]
1 કરિંથીઓને 12 : 25 (IRVGU)
એવું કે શરીરમાં ફૂટ પડે નહિ, પણ અંગો એકબીજાની એક સરખી કાળજી રાખે.
1 કરિંથીઓને 12 : 26 (IRVGU)
અને જો એક અંગ દુઃખી થાય, તો તેની સાથે સર્વ અંગો પણ દુઃખી થાય છે; જો એક અંગને માન મળે, તો તેની સાથે સર્વ અંગો ખુશ થાય છે.
1 કરિંથીઓને 12 : 27 (IRVGU)
હવે તમે ખ્રિસ્તનું શરીર, અને તેના જુદાંજુદાં અંગો છો. [PE][PS]
1 કરિંથીઓને 12 : 28 (IRVGU)
ઈશ્વરે મંડળીમાં કેટલાકને નીમ્યા છે, તે આ પ્રમાણે છે; પ્રથમ પ્રેરિતો, બીજા પ્રબોધકો, ત્રીજા ઉપદેશકો, પછી પરાક્રમી કામો કરનારા, પછી સાજાપણાંના કૃપાદાનો, સહાયકો, વહીવટકર્તાઓ અને વિવિધ ભાષા બોલનારાઓ.
1 કરિંથીઓને 12 : 29 (IRVGU)
શું બધા પ્રેરિતો છે? શું બધા પ્રબોધકો છે? શું બધા ઉપદેશકો છે? શું આપણે બધા પરાક્રમી કામો કરીએ છીએ? [PE][PS]
1 કરિંથીઓને 12 : 30 (IRVGU)
શું બધાને સાજાં કરવાના કૃપાદાન છે? શું બધા વિવિધ ભાષાઓ બોલે છે? શું બધા ભાષાંતર કરે છે?
1 કરિંથીઓને 12 : 31 (IRVGU)
જે કૃપાદાનો વધારે ઉત્તમ છે તેઓને પ્રાપ્ત કરવાની ઉત્કંઠા રાખો; તોપણ હું તમને એ કરતાં ઉત્તમ માર્ગ બતાવું છું. [PE]
❮
❯