ગીતશાસ્ત્ર 82 : 1 (GUV)
આસાફનું ગીત. દેવની સભામાં ઈશ્વર ઊભા રહે છે; તે દેવો મધ્યે ન્યાય કરે છે.
ગીતશાસ્ત્ર 82 : 2 (GUV)
તમે ક્યાં સુધી ગેરઈનસાફ કરશો, અને દુષ્ટોનું મોં રાખશો? (સેલાહ)
ગીતશાસ્ત્ર 82 : 3 (GUV)
અબળ તથા અનાથનો ન્યાય કરો; દુ:ખિત તથા લાચારને ઇનસાફ આપો.
ગીતશાસ્ત્ર 82 : 4 (GUV)
અશક્ત તથા દરિદ્રીનો છૂટકો કરો; દુષ્ટોના હાથમાંથી તેમને છોડાવો.
ગીતશાસ્ત્ર 82 : 5 (GUV)
તેઓ જાણતા નથી, અને સમજતા પણ નથી; તેઓ અંધારામાં ભટકતા ફરે છે; પૃથ્વીના તમામ પાયા હાલી ઊઠ્યા છે.
ગીતશાસ્ત્ર 82 : 6 (GUV)
મેં કહ્યું, “તમે દેવો છો, અને તમે સર્વ પરાત્પરના દીકરા છો.”
ગીતશાસ્ત્ર 82 : 7 (GUV)
તોપણ તમે માણસની જેમ મરશો, અને કોઈ એક સરદારની જેમ પડશો.
ગીતશાસ્ત્ર 82 : 8 (GUV)
હે ઈશ્વર, ઊઠો, પૃથ્વીનો ન્યાય કરો; કેમ કે તમે સર્વ વિદેશીઓને વારસા તરીકે પામશો.

1 2 3 4 5 6 7 8
BG:

Opacity:

Color:


Size:


Font: