ગીતશાસ્ત્ર 29 : 1 (GUV)
હે પરાક્રમી યહોવાના દૂતો, તમે સૌ તેમની સ્તુતિ કરો; તેમના ગૌરવ અને સાર્મથ્ય માટે સૌ યહોવાની સ્તુતિ કરો.
ગીતશાસ્ત્ર 29 : 2 (GUV)
યહોવાના ગૌરવ માટે સ્તુતિ કરો. યહોવાના ભવ્ય નામ માટે તમે ગાઓ તમારા પવિત્ર વસ્રો પહેરીને આવો અને તેમની ઉપાસના કરો, આવો અને તેમનું ભજન કરો.
ગીતશાસ્ત્ર 29 : 3 (GUV)
યહોવાનો સાદ સમુદ્રો પર ગાજે છે; ગૌરવવાન દેવ મહાસાગર પર ગર્જના કરે છે.
ગીતશાસ્ત્ર 29 : 4 (GUV)
યહોવાનો સાદ તેમની શકિત નિરૂપે છે, યહોવાનો સાદ તેમનો મહિમા નિરૂપે છે.
ગીતશાસ્ત્ર 29 : 5 (GUV)
યહોવાના સાદથી ગંધતરુઓ ભાંગી ગયા છે. લબાનોનનાં વિશાળ ગંધતરુઓ યહોવા તોડે છે.
ગીતશાસ્ત્ર 29 : 6 (GUV)
યહોવા હેમોર્ન પર્વતને અને લબાનોનનાં પર્વતોને, ધ્રુજાવે છે. તે તેમને વાંછરડાની જેમ કૂદાવે છે.
ગીતશાસ્ત્ર 29 : 7 (GUV)
યહોવાનો સાદ વીજળીઓને ભેદી અને ગર્જના કરે છે.
ગીતશાસ્ત્ર 29 : 8 (GUV)
યહોવાના સાદના પડઘા રણને, અને કાદેશના રણને ધ્રુજાવે છે.
ગીતશાસ્ત્ર 29 : 9 (GUV)
યહોવાનો સાદ દેવદારના વૃક્ષોને ધ્રુજાવે છે અને બધા ઉપાસના કરનારાઓ તેના મંદિરમાં સ્તુતિ કરે છે. ‘યહોવાનો મહિમા થાય.’
ગીતશાસ્ત્ર 29 : 10 (GUV)
યહોવા જળપ્રલય સમયે સત્તાસ્થાને ત્યાં બિરાજમાન થયા હતા; અને યહોવા સર્વકાળ રાજા તરીકે બિરાજમાન થનાર છે.
ગીતશાસ્ત્ર 29 : 11 (GUV)
યહોવા પોતાના લોકોને સાર્મથ્ય આપશે, અને તેઓને શાંતિનો આશીર્વાદ આપશે.
❮
❯