ગીતશાસ્ત્ર 25 : 1 (GUV)
દાઉદનું [ગીત]. હે યહોવા, હું તમારામાં મારું અંત:કરણ લગાડું છું.
ગીતશાસ્ત્ર 25 : 2 (GUV)
હે મારા ઈશ્વર, મેં તમારા પર ભરોસો રાખ્યો છે, મારી લાજ રાખજો. મારા શત્રુઓ મારા પર જયજયકાર ન કરે.
ગીતશાસ્ત્ર 25 : 3 (GUV)
તમારી વાટ જુએ છે તેઓમાંનો કોઈ લજવાશે નહિ. જેઓ વગર કારણે કપટ કરે છે તેઓની લાજ જશે.
ગીતશાસ્ત્ર 25 : 4 (GUV)
હે યહોવા, તમારા માર્ગ મને બતાવો; તમારા રસ્તા વિષે મને શીખવો.
ગીતશાસ્ત્ર 25 : 5 (GUV)
તમારા સત્યમાં મને ચલાવો, અને તે મને શીખવો; કેમ કે તમે મારા તારણના ઈશ્વર છો; હું આખો દિવસ તમારી રાહ જોઉં છું.
ગીતશાસ્ત્ર 25 : 6 (GUV)
હે યહોવા, તમારી રહેમ તથા તમારા વાત્સલ્યનું સ્મરણ કરો. કેમ કે તેઓ સનાતન છે.
ગીતશાસ્ત્ર 25 : 7 (GUV)
મારી જુવાનીનાં પાપ તથા મારા અપરાધોનું સ્મરણ ન કરો. હે યહોવા, તમારી ભલાઈ અને તમારી કૃપા પ્રમાણે મને સંભારો.
ગીતશાસ્ત્ર 25 : 8 (GUV)
યહોવા ઉત્તમ અને ન્યાયી છે, માટે પાપીઓને તે [પોતાનો માર્ગ] બતાવશે.
ગીતશાસ્ત્ર 25 : 9 (GUV)
નમ્રને તે ન્યાયમાં દોરશે; અને તેને તે પોતાને માર્ગે ચલાવશે.
ગીતશાસ્ત્ર 25 : 10 (GUV)
જેઓ તેમનો કરાર તથા તેમની આજ્ઞા પાળે છે તેઓને માટે યહોવાના સર્વ માર્ગો કૃપા તથા સત્યતા [થી ભરેલા] છે.
ગીતશાસ્ત્ર 25 : 11 (GUV)
હે યહોવા, તમારા નામની ખાતર મારા અન્યાયની ક્ષમા કરો, કેમ કે તે ઘણા છે.
ગીતશાસ્ત્ર 25 : 12 (GUV)
જે યહોવાથી બીએ છે તે કયું માણસ છે? કયો માર્ગ પસંદ કરવો તે તેને તે શીખવશે.
ગીતશાસ્ત્ર 25 : 13 (GUV)
તેનો જીવ સુખમાં રહેશે; તેનાં સંતાન દેશનો વારસો પામશે.
ગીતશાસ્ત્ર 25 : 14 (GUV)
યહોવાનો મર્મ તેમના ભક્તોની પાસે છે. તેઓને તે પોતાનો કરાર જણાવશે.
ગીતશાસ્ત્ર 25 : 15 (GUV)
મારી દષ્ટિ સદા યહોવાની તરફ છે; તે મારા પગ ફાંદામાંથી કાઢશે.
ગીતશાસ્ત્ર 25 : 16 (GUV)
તમે મારી તરફ ફરો, ને મારા પર દયા કરો; કેમ કે હું નિરાશ્રિત અને દુ:ખી છું.
ગીતશાસ્ત્ર 25 : 17 (GUV)
મારા મનનું દુ:ખ વધી ગયું છે. તમે મને મારાં સંકટમાંથી છોડાવો.
ગીતશાસ્ત્ર 25 : 18 (GUV)
મારાં દુ:ખ તથા વેદના તરફ જોઈને મારાં સર્વ પાપની ક્ષમા કરો.
ગીતશાસ્ત્ર 25 : 19 (GUV)
મારા શત્રુઓને જુઓ, કેમ કે તે ઘણા છે; અને તેઓ ઘાતકીપણે મારો દ્વેષ કરે છે.
ગીતશાસ્ત્ર 25 : 20 (GUV)
મારા આત્માને સંભાળો અને મને છોડાવો; મારી લાજ જવા દેતા નહિ, કેમ કે હું તમારા પર ભરોસો રાખું છું.
ગીતશાસ્ત્ર 25 : 21 (GUV)
પ્રામાણિકપણું તથા ન્યાયીપણું મારું રક્ષણ કરો, કેમ કે હું તમારી રાહ જોઉં છું.
ગીતશાસ્ત્ર 25 : 22 (GUV)
હે ઈશ્વર, ઇઝરાયલને તેનાં સર્વ સંકટમાંથી છોડાવી લો.
❮
❯