ગીતશાસ્ત્ર 149 : 1 (GUV)
યહોવાની સ્તુતિ કરો; તેમની સમક્ષ નવું ગીત ગાઓ; સંતોની સભામાં તેની સ્તુતિ કરો.
ગીતશાસ્ત્ર 149 : 2 (GUV)
ઇસ્રાએલ, તમારા સર્જનહારનાં અસ્તિત્વનો તમે આનંદ કરો; સિયોનના લોકો, તમારા રાજાની નિકટતાનો આનંદ મનાવો.
ગીતશાસ્ત્ર 149 : 3 (GUV)
તેઓ તેના નામની સ્તુતિ નૃત્યસહિત કરો; ડફ તથા વીણાથી તેનાં સ્તોત્ર ગીત ગાઓ.
ગીતશાસ્ત્ર 149 : 4 (GUV)
કારણકે યહોવા પોતાના લોકોમાં આનંદ માને છે; અને નમ્રજનોનો ઉદ્ધાર કરે છે.
ગીતશાસ્ત્ર 149 : 5 (GUV)
તેમનાં સંતો તેમના ગૌરવથી હરખાય છે; પથારીમાં સૂતા હોય ત્યારે પણ તમે આનંદના ગીતો ગાઓ.
ગીતશાસ્ત્ર 149 : 6 (GUV)
તેઓના કંઠમાંથી યહોવાની ઉત્તમ સ્તુતિ ગવાઓ; અને તેઓના હાથમાં બેધારી તરવાર રહો.
ગીતશાસ્ત્ર 149 : 7 (GUV)
તેઓ બીજા રાષ્ટોને સજા કરે અને તેમને પાઠ ભણાવે.
ગીતશાસ્ત્ર 149 : 8 (GUV)
તેઓના રાજાઓને અને આગેવાનોને; લોખંડની સાંકળોથી બાંધે.
ગીતશાસ્ત્ર 149 : 9 (GUV)
અને તેઓને દેવના ચુકાદો મુજબ તેઓ સજા કરે! યહોવા તેમના બધાં સંતોનો આદર છે. યહોવાની સ્તુતિ કરો.

1 2 3 4 5 6 7 8 9