ગીતશાસ્ત્ર 115 : 1 (GUV)
હે યહોવા, અમોને નહિ, અમોને નહિ, પણ તમારી કૃપા તથા તમારી સત્યતાને લીધે તમારા નામનો મહિમા થાય, એમ કરો.
ગીતશાસ્ત્ર 115 : 2 (GUV)
વિદેશીઓ એમ કેમ કહે છે, “તેઓનો ઈશ્વર ક્યાં છે?”
ગીતશાસ્ત્ર 115 : 3 (GUV)
પણ અમારો ઈશ્વર તો આકાશમાં છે; જે તેમણે ઇચ્છ્યું તે સર્વ તેમણે કર્યું છે.
ગીતશાસ્ત્ર 115 : 4 (GUV)
તેઓની મૂર્તિઓ તો સોનારૂપાની જ છે, તેઓ માણસોના હાથનું કામ છે.
ગીતશાસ્ત્ર 115 : 5 (GUV)
તેઓને મુખ છે, પણ તેઓ બોલતી નથી; તેઓને આંખો છે, પણ તેઓ જોતી નથી;
ગીતશાસ્ત્ર 115 : 6 (GUV)
તેઓને કાન છે, પણ સાંભળતી નથી; નાક છે, પણ સૂંઘતી નથી;
ગીતશાસ્ત્ર 115 : 7 (GUV)
તેઓને હાથ છે, પણ તેમનો ઉપયોગ કરી શકતી નથી; તેઓને પગ છે, પણ તેઓ ચાલતી નથી; વળી તેઓ પોતાના ગળમાંથી અવાજ કાઢતી નથી.
ગીતશાસ્ત્ર 115 : 8 (GUV)
તેઓનાં બનાવનારાં અને તેઓના પર ભરોસો રાખનારાં સર્વ તેઓના જેવાં થશે.
ગીતશાસ્ત્ર 115 : 9 (GUV)
હે ઇઝરાયલ, તું તો યહોવા પર ભરોસો રાખજે; તેઓના તે સહાયકારી તથા ઢાલ છે.
ગીતશાસ્ત્ર 115 : 10 (GUV)
હે હારુનપુત્રો, તમે યહોવા પર ભરોસો રાખો; તેઓના તે સહાયકારી તથા ઢાલ છે,
ગીતશાસ્ત્ર 115 : 11 (GUV)
યહોવાના ભક્તો, તમે યહોવા પર ભરોસો રાખો; તેઓના તે સહાયકારી તથા ઢાલ છે.
ગીતશાસ્ત્ર 115 : 12 (GUV)
યહોવાએ આપણને સંભાર્યાં છે; તે આપણને આશીર્વાદ આપશે; ઇઝરાયલપુત્રોને તે આશીર્વાદ આપશે; હારુનપુત્રોને તે આશીર્વાદ આપશે.
ગીતશાસ્ત્ર 115 : 13 (GUV)
હે યહોવાના ભક્તો, નાનાં મોટાં સર્વને તે આશીર્વાદ આપશે.
ગીતશાસ્ત્ર 115 : 14 (GUV)
યહોવા તમારી તેમ જ તમારાં છોકરાંની વૃદ્ધિ કર્યા કરશે.
ગીતશાસ્ત્ર 115 : 15 (GUV)
તમે આકાશ તથા પૃથ્વીના ઉત્પન્નકર્તા યહોવાના આશીર્વાદ પામ્યા [છો].
ગીતશાસ્ત્ર 115 : 16 (GUV)
આકાશો તે યહોવાનાં આકાશો છે; પણ પૃથ્વી તેમણે માણસોને આપી છે.
ગીતશાસ્ત્ર 115 : 17 (GUV)
મૂએલાં તથા જેઓ કબરમાં ઊતરનારાં તેઓમાંનું કોઈ યહોવાની સ્તુતિ કરતું નથી.
ગીતશાસ્ત્ર 115 : 18 (GUV)
પણ અમે આજથી તે સર્વકાળ માટે યહોવાની સ્તુતિ કરીશું. યહોવાની સ્તુતિ કરો.
❮
❯