નિર્ગમન 38 : 1 (GUV)
અને મૂસાએ બાવળના લાકડાની યજ્ઞ વેદી બનાવી. તેની લંબાઈ પાંચ હાથ તથા તેની પહોળાઈ પાંચ હાથ, એટલે તે ચોરસ હતી; અને તેની ઊંચાઈ ત્રણ હાથ હતી.
નિર્ગમન 38 : 2 (GUV)
અને તેણે તેના ચાર ખૂણા પર તેનાં શિંગ બનાવ્યં; તેનાં શિંગ તેની સાથે સળંગ જોડેલાં હતાં; અને તેણે તેને પિત્તળથી મઢી.
નિર્ગમન 38 : 3 (GUV)
અને તેણે તે વેદીનાં સર્વ પાત્રો એટલે ભસ્મપાત્રો તથા તાવડીઓ તથા તપેલાં તથા ત્રિશૂળ તથા સગડીઓ બનાવ્યાં. તેણે તેનાં બધાં પાત્રો પિત્તળનાં બનાવ્યાં.
નિર્ગમન 38 : 4 (GUV)
અને તેણે વેદીને માટે તેની ધારની નીચે તેની આસપાસ પિત્તળની ગૂંથેલી જાળી તેની અડધી ઊંચાઈએ પહોંચે તેવી બનાવી
નિર્ગમન 38 : 5 (GUV)
અને તેણે પિત્તળની જાળીના ચાર છેડાને માટે દાંડા રાખવાને માટે ચાર કડાં ઢાળ્યાં.
નિર્ગમન 38 : 6 (GUV)
અને તેણે બાવળના લાકડાનાં દાંડા બનાવ્યા, ને તેમને પિત્તળથી મઢયા.
નિર્ગમન 38 : 7 (GUV)
અને વેદી ઊંચકવા માટે તેણે તેની બાજુઓ પરનાં કડાંમાં તે દાંડાં નાખ્યા. તેણે તે [વેદી] ખોખા જેવી પોલી બનાવી.
નિર્ગમન 38 : 8 (GUV)
અને તેણે મુલાકાતમંડપના દ્વાર આગળ સેવા કરનારી સ્ત્રીઓની આરસીઓનો પિત્તળનો હોજ તથા તેનું પિત્તળનું તળિયું બનાવ્યાં.
નિર્ગમન 38 : 9 (GUV)
અને મૂસાએ આંગણું બનાવ્યું; દક્ષિણ તરફ દક્ષિણ બાજુએ આંગણાનો પડદો ઝીણા કાંતેલા શણનો એક સો હાથનો હતો.
નિર્ગમન 38 : 10 (GUV)
તેમના સ્તંભ વીસ તથા એમની પિત્તળની કૂંભીઓ વીસ હતી; સ્તંભોના આંકડા તથા તેમના સળિયા રૂપાના હતા.
નિર્ગમન 38 : 11 (GUV)
અને ઉત્તરની બાજુને માટે એક સો હાથના પડદા, તેમના સ્તંભ વીસ, તથા એમની પિત્તળની કૂંભીઓ વીસ, સ્તંભોના આંકડાં તથા તેઓના સળિયા રૂપાના હતા.
નિર્ગમન 38 : 12 (GUV)
અને પશ્ચિમ બાજુને માટે પડદા પચાસ હાથ, તેઓના સ્તંભો દશ, તથા તેઓની કૂંભીઓ દશ હતાં. સ્તંભોના આંકડા તથા તેમના સળિયા રૂપાના હતા;
નિર્ગમન 38 : 13 (GUV)
અને પૂર્વ તરફ પૂર્વ બાજુને માટે પચાસ હાથ [ના પડદા હતા].
નિર્ગમન 38 : 14 (GUV)
[દરવાજાની] એક બાજુને માટે પડદા પંદર હાથના હતા; તેમન સ્તંભો ત્રણ, તથા તેઓની કૂંભીઓ ત્રણ.
નિર્ગમન 38 : 15 (GUV)
અને બીજી બાજુને માટે પણ તેમ જ હતું. આંગણાના દરવાજાની પાસે આ બાજુએ તથા પેલી બાજુએ પંદર પંદર હાથના પડદા હતા; તેમના સ્તંભો ત્રણ, તથા તેમની કૂંભીઓ ત્રણ હતાં.
નિર્ગમન 38 : 16 (GUV)
આંગણાની આસપાસના સર્વ પડદા ઝીણાં કાંતેલા શણના હતા.
નિર્ગમન 38 : 17 (GUV)
અને સ્તંભોને માટે કૂંભીઓ પિત્તળની હતી. સ્તંભના આંકડા તથા તેમના સળિયા રૂપાના હતા; અને તેઓનાં મથાળાં રૂપાથી મઢેલાં હતાં; અને આંગણાના સર્વ સ્તંભ રૂપાથી મઢેલા હતા.
નિર્ગમન 38 : 18 (GUV)
અને આંગણાના દરવાજાનો પડદો ભરત ભરનારે બનાવેલો, નીલ તથા જાંબુડા તથા કિરમજી રંગનો તથા ઝીણા કાંતેલા શણનો હતો. અને તેની લંબાઈ વીસ હાથ, ને પહોળાઈમાં તેની ઊંચાઈ પાંચ હાથ, એટલે આંગણાના પડદાઓના માપનો હતો.
નિર્ગમન 38 : 19 (GUV)
અને તેઓના સ્તંભ ચાર, તથા તેઓના આંકડા રૂપાના, તથા તેઓનાં મથાળાં તથા સળિયા રૂપાથી મઢેલાં હતાં.
નિર્ગમન 38 : 20 (GUV)
અને મંડપની તથા ચોતરફના આંગણાની બધી ખીલીઓ પિત્તળની હતી.
નિર્ગમન 38 : 21 (GUV)
મંડપનો એટલે કરારમંડપનો સામાન કે જે સર્વની ગણતરી લેવીઓની સેવાને માટે મૂસાના હુકમ પ્રમાણે હારુન યાજકના દીકર ઇથામારની હસ્તક કરવામાં અવી, તેની કુલ સંખ્યા એ પ્રમાણે છે.
નિર્ગમન 38 : 22 (GUV)
અને જે વિષે યહોવાએ મૂસાને આજ્ઞા આપી હતી તે સર્વ યહૂદાના કુળના હૂરના દીકરા ઊરીના દીકરા બસાલેલે બનાવ્યું.
નિર્ગમન 38 : 23 (GUV)
અને તેની સાથે દાનના કુળના અહીસામાખનો દીકરો આહોલીઆબાબ હતો, તે નકશી કોતરનાર તથા બાહોશ કારીગર, તથા નીલ, તથા જાંબુંડા, તથા કિરમજી તથા ઝીણા શણનું ભરત ભરનાર હતો.
નિર્ગમન 38 : 24 (GUV)
જે સોનું પવિત્રસ્થાનના સર્વ કામને માટે વાપરવામાં આવ્યું, એટલે અર્પણનું સોનું, તે બધું ઓગણત્રીસ તાલંત, તથા પવિત્રસ્થાનના શેકેલ પ્રમાણે સાતસો ને ત્રીસ શેકેલ હતું.
નિર્ગમન 38 : 25 (GUV)
અને લોકોમાંના જે સર્વની ગણતરી થઈ તેઓનું રૂપું એક સો તાલંત, તથા પવિત્રસ્થાનના શેકેલ પ્રમાણે એક હજાર સાતસો ને પંચોતેર શેકેલ હતું.
નિર્ગમન 38 : 26 (GUV)
વીસ વર્ષના તથા તેથી વધારે વયના જે માણસો ગણતરીમાં દાખલ થયા, એટલે છ લાખ ત્રણ હજાર પાંચસો ને પચાસ, તેઓમાંથી પ્રત્યેક માણસ માથાદીઠ એક બેકા, એટલે પવિત્રસ્થાનના શેકેલ પ્રમાણે અર્ધો શેકેલ [લાવ્યો].
નિર્ગમન 38 : 27 (GUV)
અને સો તાલંત રૂપું પવિત્રસ્થાનની કૂંભીઓ તથા પડદાની કૂંભીઓ ઢાળવાને માટે હતું. સો કૂંભીઓ સો તાલંતની, એટલે દરેક કૂંભી એક તાલંતની [હતી].
નિર્ગમન 38 : 28 (GUV)
અને એક હજાર સાતસો ને પંચોતેર શેકેલ વડે તેણે સ્તંભોના આંકડા બનાવ્યા, તથા તેમનાં મથાળાં મઢયાં, તથા તેઓને માટે સળિયા બનાવ્યા.
નિર્ગમન 38 : 29 (GUV)
અને અર્પેલું પિત્તળ સિત્તેર તાલંત, તથા બે હજાર ને ચારસો શેકેલ હતું.
નિર્ગમન 38 : 30 (GUV)
અને તે વડે તેણે મુલાકાતમંડપના દરવાજાની કૂંભીઓ તથા પિત્તળની વેદી, તથા તેને માટે પિત્તળની જાળી, તથા વેદીનાં સર્વ પાત્રો,
નિર્ગમન 38 : 31 (GUV)
તથા આસપાસના આંગણાની કૂંભીઓ, તથા મંડપની સર્વ ખીલીઓ, તથા આસપાસના આંગણાની સર્વ ખીલિઓ બનાવ્યાં.
❮
❯