ગીતશાસ્ત્ર 119 : 1 (GUV)
આલેફ સીધે માર્ગે જનારાઓને તથા યહોવાના નિયમ પ્રમાણે ચાલનારાઓને ધન્ય છે.
ગીતશાસ્ત્ર 119 : 2 (GUV)
તેમનાં સાક્ષ્ય પાળનારાઓને ધન્ય છે; તેઓ પૂર્ણ હ્રદયથી તેમને શોધે છે.
ગીતશાસ્ત્ર 119 : 3 (GUV)
તેઓ અન્યાય કરતા નથી; તેઓ તેમના માર્ગમાં ચાલે છે.
ગીતશાસ્ત્ર 119 : 4 (GUV)
તમે તમારાં શાસનો ચોક્સાઈથી પાળવાનું અમને ફરમાવ્યું છે.
ગીતશાસ્ત્ર 119 : 5 (GUV)
તમારા વિધિઓ પાળવાને માટે મારા આચારવિચાર દઢ થાય તો કેવું સારું!
ગીતશાસ્ત્ર 119 : 6 (GUV)
હું તમારી સર્વ આજ્ઞાઓનું સન્માન કરું, તો પછી હું ફજેત થનાર નથી.
ગીતશાસ્ત્ર 119 : 7 (GUV)
તમારા અદલ ઇનસાફથી હું માહિતગાર થઈશ, ત્યારે હું શુદ્ધ અંત:કરણથી તમારો આભાર માનીશ.
ગીતશાસ્ત્ર 119 : 8 (GUV)
હું તમારા વિધિઓ પાળીશ; તમે મારો ત્યાગ કરશો નહિ. બેથ
ગીતશાસ્ત્ર 119 : 9 (GUV)
જુવાન માણસ પોતાનો જીવનક્રમ શાથી શુદ્ધ કરી શકે? તમારા વચન પ્રમાણે [તેને વિષે] સાવધ રહેવાથી.
ગીતશાસ્ત્ર 119 : 10 (GUV)
મેં મારા ખરા હ્રદયથી તમને શોધ્યા છે; તમારી આજ્ઞાઓથી ચૂકીને મને ભટકવા ન દો.
ગીતશાસ્ત્ર 119 : 11 (GUV)
હું તમારી વિરુદ્ધ પાપ ન કરું માટે મેં તમારું વચન મારા હ્રદયમાં રાખી મૂક્યું છે.
ગીતશાસ્ત્ર 119 : 12 (GUV)
હે યહોવા, તમે સ્તુત્ય છે; તમારા વિધિઓ મને શીખવો.
ગીતશાસ્ત્ર 119 : 13 (GUV)
મારા હોઠોથી મેં તમારા મુખનાં સર્વ ન્યાયવચનો વર્ણવ્યાં છે.
ગીતશાસ્ત્ર 119 : 14 (GUV)
તમારાં સાક્ષ્યોના માર્ગમાં મને પુષ્કળ ધનદોલત જેટલો આનંદ મળ્યો છે.
ગીતશાસ્ત્ર 119 : 15 (GUV)
હું તમારાં શાસનોનું મનન કરીશ; અને તમારા માર્ગોને માનપૂર્વક જોઈશ.
ગીતશાસ્ત્ર 119 : 16 (GUV)
તમારા વિધિઓ [પાળવા] માં મને આનંદ થશે; હું તમારું વચન વીસરીશ નહિ. ગિમેલ
ગીતશાસ્ત્ર 119 : 17 (GUV)
આ તમારા સેવક સાથે ઉદારતાથી વર્તો, જેથી હું જીવતો રહીને તમારું વચન પાળું.
ગીતશાસ્ત્ર 119 : 18 (GUV)
તમારા નિયમશાસ્ત્રમાંની આશ્ચર્યકારક વાતોનું અવલોકન કરવા માટે મારી આંખો ઉઘાડો.
ગીતશાસ્ત્ર 119 : 19 (GUV)
હું તો પૃથ્વી પર મુસાફર છું; તમારી આજ્ઞાઓ મારાથી ન સંતાડો
ગીતશાસ્ત્ર 119 : 20 (GUV)
તમારાં ન્યાયવચનોની અભિલાષા રાખતાં રાખતાં મારું હ્રદય સદા આશાભંગ થઈ ગયું છે.
ગીતશાસ્ત્ર 119 : 21 (GUV)
તમે ગર્વિષ્ઠોને ધમકાવો છો; તમારી આજ્ઞાઓને તજીને ભટકનારાઓ પર શાપ આવે છે.
ગીતશાસ્ત્ર 119 : 22 (GUV)
મહેણાં તથા અપમાનને મારાથી દૂર કરો કેમ કે મેં તમારાં સાક્ષ્યો માન્યાં છે.
ગીતશાસ્ત્ર 119 : 23 (GUV)
સરદારો પણ પોતાના આસન પર બેસીને મારી વિરુદ્ધ બોલતા હતા; પણ તમારા સેવકે તો તમારા વિધિઓનું મનન કર્યું છે.
ગીતશાસ્ત્ર 119 : 24 (GUV)
વળી તમારાં સાક્ષ્યોથી મને હર્ષ થાય છે. તેમ જ તેઓ મારા મંત્રીઓ પણ છે. દાલેથ
ગીતશાસ્ત્ર 119 : 25 (GUV)
મારો આત્મા ધૂળભેગો થઈ ગયો છે; તમારા વચન પ્રમાણે મને જીવાડો.
ગીતશાસ્ત્ર 119 : 26 (GUV)
મેં મારા માર્ગો પ્રગટ કર્યા, અને તમે મને ઉત્તર આપ્યો; મને તમારા વિધિઓ શીખવો.
ગીતશાસ્ત્ર 119 : 27 (GUV)
મને તમારાં શાસનોનો માર્ગ સમજાવો; જેથી હું તમારાં આશ્ચર્યકારક કૃત્યો પર ધ્યાન રાખું.
ગીતશાસ્ત્ર 119 : 28 (GUV)
મારો જીવ શોકથી પીગળી જાય છે; તમારા વચન પ્રમાણે મને બળવાન કરો.
ગીતશાસ્ત્ર 119 : 29 (GUV)
અસત્યનો માર્ગ મારાથી દૂર કરો. કૃપા કરીને તમારો નિયમ શીખવો.
ગીતશાસ્ત્ર 119 : 30 (GUV)
મેં સત્યનો માર્ગ પસંદ કર્યો છે; મેં મારી નજરમાં તમારાં ન્યાયવચનોને રાખ્યાં છે.
ગીતશાસ્ત્ર 119 : 31 (GUV)
હું તમારાં સાક્ષ્યોને વળગી રહ્યો છું; હે યહોવા, મને ફજેત ન કરો.
ગીતશાસ્ત્ર 119 : 32 (GUV)
હું તમારી આજ્ઞાઓના માર્ગમાં દોડીશ, કેમ કે તમે મારા હ્રદયને પ્રફુલ્લિત કરો છો. હે
ગીતશાસ્ત્ર 119 : 33 (GUV)
હે યહોવા, તમારા વિધિઓનો માર્ગ મને શીખવો; હું છેક સુધી તે પ્રમાણે ચાલીશ.
ગીતશાસ્ત્ર 119 : 34 (GUV)
મને સમજણ આપો, એટલે હું તમારો નિયમ પાળીશ. હા, મારા ખરા હ્રદયથી તેને માનીશ.
ગીતશાસ્ત્ર 119 : 35 (GUV)
તમારી આજ્ઞાઓના માર્ગમાં મને ચલાવો; કેમ કે તેમાં હું સંતોષ પામું છું.
ગીતશાસ્ત્ર 119 : 36 (GUV)
લોભ તરફ નહિ, પણ તમારાં સાક્ષ્યો તરફ મારું મન વાળો.
ગીતશાસ્ત્ર 119 : 37 (GUV)
વ્યર્થતામાંથી મારી દષ્ટિ ફેરવો; તમારા માર્ગ વિષે મને આતુર કરો.
ગીતશાસ્ત્ર 119 : 38 (GUV)
તમારો ભય ઉપજાવનારું તમારું જે વચન છે તે તમારા સેવકના લાભમાં દઢ કરો.
ગીતશાસ્ત્ર 119 : 39 (GUV)
જે અપમાનથી હું બીહું છું તે મારાથી દૂર કરો; કેમ કે તમારાં ન્યાયવચનો ઉત્તમ છે.
ગીતશાસ્ત્ર 119 : 40 (GUV)
હું તમારાં શાસનોની અભિલાષા રાખું છું; તમારા ન્યાયીપણાથી મને જીવાડો. વાવ.
ગીતશાસ્ત્ર 119 : 41 (GUV)
હે યહોવા, તમારા વચન પ્રમાણે તમારી કૃપા મારા પર થાઓ, અને મારું તારણ કરો.
ગીતશાસ્ત્ર 119 : 42 (GUV)
તેથી હું મારું અપમાન કરનારને ઉત્તર આપી શકીશ; કેમ કે મને તમારા વચનનો ભરોસો છે.
ગીતશાસ્ત્ર 119 : 43 (GUV)
મારા મુખમાંથી સત્યવચનો કદી ન લઈ લો; કેમ કે હું તમારાં ન્યાયવચનોની આશા રાખી રહ્યો છું.
ગીતશાસ્ત્ર 119 : 44 (GUV)
હું નિરંતર તમારો નિયમ સદા સર્વદા પાળીશ.
ગીતશાસ્ત્ર 119 : 45 (GUV)
હું તમારાં શાસનોનો શોધનાર છું; માટે હું નિરાંતે જીવીશ.
ગીતશાસ્ત્ર 119 : 46 (GUV)
વળી રાજાઓની આગળ હું તમારાં સાક્ષ્યો કહી સંભળાવીશ, અને [તેમાં] શરમાઈશ નહિ.
ગીતશાસ્ત્ર 119 : 47 (GUV)
તમારી આજ્ઞાઓમાં હું આનંદ પામીશ; તેઓ પર મેં પ્રેમ કર્યો છે.
ગીતશાસ્ત્ર 119 : 48 (GUV)
તમારી આજ્ઞાઓ [પાળવા] પણ હું મારા હાથ ઊંચા કરીશ, તેમના પર મેં પ્રેમ કર્યો છે; અને હું તમારા વિધિઓનું મનન કરીશ. ઝ
ગીતશાસ્ત્ર 119 : 49 (GUV)
તમારા જે વચનથી મને આશા ઊપજી છે, તે વચન તમારા સેવકને માટે સંભારો.
ગીતશાસ્ત્ર 119 : 50 (GUV)
મારા દુ:ખમાં મને દિલાસો મળ્યો છે કે, તમારા વચને મને જીવાડ્યો છે.
ગીતશાસ્ત્ર 119 : 51 (GUV)
ગર્વિષ્ઠોએ મારો બહુ તિરસ્કાર કર્યો છે, તોપણ હું તમારા નિયમથી પાછો હઠ્યો નથી.
ગીતશાસ્ત્ર 119 : 52 (GUV)
હે યહોવા, પુરાતન કાળથી તમારાં જે ન્યાયવચનો છે તેમને મેં સંભાર્યાં; ને મને દિલાસો મળ્યો છે.
ગીતશાસ્ત્ર 119 : 53 (GUV)
જે ભૂંડાઓ તમારા નિયમને તજે છે. તેઓને જોઈને મને ઝનૂન ચઢી આવે છે.
ગીતશાસ્ત્ર 119 : 54 (GUV)
તમારા વિધિઓ આ મારી જીવનયાત્રામાં મારાં ગીત થયાં છે.
ગીતશાસ્ત્ર 119 : 55 (GUV)
હે યહોવા, મેં રાત્રે તમારા નામનું સ્મરણ કર્યું છે, અને તમારો નિયમ પાળ્યો છે.
ગીતશાસ્ત્ર 119 : 56 (GUV)
મેં તમારાં શાસનો પાળ્યાં છે, તેથી મને એમ જ થાય છે. ખેથ
ગીતશાસ્ત્ર 119 : 57 (GUV)
હે યહોવા, તમે મારો વારસો છો; હું તમારાં વચનો પાળીશ, એમ મેં કહ્યું છે.
ગીતશાસ્ત્ર 119 : 58 (GUV)
મેં મારા ખરા હ્રદયથી તમારી કૃપાની માગણી કરી; તમારા વચન પ્રમાણે મારા પર દયા કરો.
ગીતશાસ્ત્ર 119 : 59 (GUV)
મેં મારી ચાલ વિષે વિચાર કર્યો છે, અને તમારાં સાક્ષ્યો તરફ હું વળ્યો છું.
ગીતશાસ્ત્ર 119 : 60 (GUV)
મેં તમારી આજ્ઞાઓ પાળવાને ઉતાવળ કરી છે, અને વાર લગાડી નથી.
ગીતશાસ્ત્ર 119 : 61 (GUV)
દુષ્ટોનાં બંધનોએ મને ઘેરી લીધો છે: પણ હું તમારા નિયમને વીસરી ગયો નથી.
ગીતશાસ્ત્ર 119 : 62 (GUV)
તમારાં અદલ ન્યાયવચનોને લીધે હું તમારો આભાર માનવાને મધરાતે ઊઠીશ.
ગીતશાસ્ત્ર 119 : 63 (GUV)
જે કોઈ તમારાં શાસનો પાળનારા તમારા ભક્તો છે, તે સર્વનો હું સોબતી છું.
ગીતશાસ્ત્ર 119 : 64 (GUV)
હે યહોવા, તમારી કૃપાથી પૃથ્વી ભરપૂર છે; મને તમારા વિધિઓ શીખવો. ટેથ
ગીતશાસ્ત્ર 119 : 65 (GUV)
હે યહોવા, તમારા વચન પ્રમાણે તમે તમારા સેવકને માટે સારું જ કર્યું છે.
ગીતશાસ્ત્ર 119 : 66 (GUV)
મને સારો વિવેક તથા ડહાપણ શીખવો; કેમ કે મેં તમારી આજ્ઞાઓ પર વિશ્વાસ રાખ્યો છે.
ગીતશાસ્ત્ર 119 : 67 (GUV)
દુ:ખી થયા પહેલાં હું આડે રસ્તે ગયો હતો; પણ હમણાં હું તમારું વચન પાળું છું.
ગીતશાસ્ત્ર 119 : 68 (GUV)
તમે ઉત્તમ છો અને ઉત્તમ જ કરો છો; તમારા વિધિઓ મને શીખવો.
ગીતશાસ્ત્ર 119 : 69 (GUV)
ગર્વિષ્ઠોએ મારા પર આળ મૂક્યું છે; પણ હું મારા ખરા હ્રદયથી તમારાં શાસનો પાળીશ.
ગીતશાસ્ત્ર 119 : 70 (GUV)
તેઓનું અંત:કરણ સ્થૂળ છે; પણ હું તમારા નિયમમાં આનંદ માનું છું
ગીતશાસ્ત્ર 119 : 71 (GUV)
હું દુ:ખી થયો હતો તે મને ગુણકારક થઈ પડ્યું છે; કેમ કે હું તમારા વિધિઓ શીખ્યો.
ગીતશાસ્ત્ર 119 : 72 (GUV)
હજારો સોનારૂપા કરતાં તમારા મુખનો નિયમ મારે માટે વધારે મૂલ્યવાન છે. યોદ
ગીતશાસ્ત્ર 119 : 73 (GUV)
તમારા હાથોએ મને ઘડ્યો તથા બનાવ્યો છે; તમારી આજ્ઞાઓ શીખવાને માટે મને સમજણ આપો.
ગીતશાસ્ત્ર 119 : 74 (GUV)
તમારાથી બીનારા મને જોઈને આનંદ પામશે; કેમ કે મેં તમારી વાતની આશા રાખી છે.
ગીતશાસ્ત્ર 119 : 75 (GUV)
હે યહોવા, તમારાં ન્યાયવચનો અદલ છે, અને વિશ્વાસુપણાને તમે મને દુ:ખી કર્યો છે, એમ હું જાણું છું.
ગીતશાસ્ત્ર 119 : 76 (GUV)
તમારા સેવકને આપેલા તમારા વચન પ્રમાણે તમારી કૃપાથી મને દિલાસો મળો.
ગીતશાસ્ત્ર 119 : 77 (GUV)
હું જીવતો રહું માટે તમારી દયા મારી પાસે આવવા દો; કેમ કે તમારો નિયમ એ જ મારો આનંદ છે.
ગીતશાસ્ત્ર 119 : 78 (GUV)
ગર્વિષ્ઠો ફજેત થાઓ; કેમ કે તેઓએ વિનાકારણ મારી સાથે કપટ કર્યું છે; પણ હું તમારાં શાસનોનું મનન કરીશ.
ગીતશાસ્ત્ર 119 : 79 (GUV)
તમારા ભક્તો, એટલે જેઓ તમારાં સાક્ષ્યો જાણે છે, તેઓ મારા તરફ વળો.
ગીતશાસ્ત્ર 119 : 80 (GUV)
મારું હ્રદય તમારા વિધિઓ વિષે પૂર્ણ થાય કે, મારે લજવાવું ન પડે. કાફ
ગીતશાસ્ત્ર 119 : 81 (GUV)
તમારા તારણને માટે મારો જીવ મૂંઝાય છે; પણ હું તમારા વચનની આશા રાખું છું.
ગીતશાસ્ત્ર 119 : 82 (GUV)
“તમે મને ક્યારે દિલાસો આપશો?” એમ કહેતાં મારી આંખો તમારા વચનને માટે નિસ્તેજ થઈ જાય છે.
ગીતશાસ્ત્ર 119 : 83 (GUV)
વળી હું ધુમાડામાં રહેલી મશકના જેવો થઈ ગયો છું; તોપણ હું તમારા વિધિઓને વીસરતો નથી.
ગીતશાસ્ત્ર 119 : 84 (GUV)
તમારા સેવકના દિવસ કેટલા છે? તમે સતાવનારાનો ન્યાય ક્યારે કરશો?
ગીતશાસ્ત્ર 119 : 85 (GUV)
જે ગર્વિષ્ઠો તમારા નિયમાનુસાર વર્તતા નથી, તેઓએ મારે માટે ખાડા ખોદ્યા છે.
ગીતશાસ્ત્ર 119 : 86 (GUV)
તેઓ મને વિનાકારણ સતાવે છે; તમે મને સહાય કરો; તમારી સર્વ આજ્ઞાઓ વિશ્વાસયોગ્ય છે.
ગીતશાસ્ત્ર 119 : 87 (GUV)
પૃથ્વી પરથી તેઓએ લગભગ મારો નાશ કર્યો હતો; તોપણ મેં તમારાં શાસનોનો ત્યાગ કર્યો નહિ.
ગીતશાસ્ત્ર 119 : 88 (GUV)
તમારી કૃપા પ્રમાણે મને જીવાડો; એટલે હું તમારા મુખની શિખામણ પાળીશ. લામેદ
ગીતશાસ્ત્ર 119 : 89 (GUV)
હે યહોવા, તમારું વચન આકાશમાં સદા સ્થિર છે.
ગીતશાસ્ત્ર 119 : 90 (GUV)
પેઢી દરપેઢી તમારું વિશ્વાસુપણું કાયમ રહે છે; તમે પૃથ્વીને સ્થાપી છે, અને તે નીભી રહે છે.
ગીતશાસ્ત્ર 119 : 91 (GUV)
આજ સુધી તેઓ તમારાં ન્યાયવચન પ્રમાણે નીભી રહેલાં છે; કેમ કે તેઓ સર્વ તમારા સેવકો છે.
ગીતશાસ્ત્ર 119 : 92 (GUV)
જો તમારા નિયમમાં મેં આનંદ માન્યો ન હોત, તો હું મારા દુ:ખમાં નાશ પામત.
ગીતશાસ્ત્ર 119 : 93 (GUV)
હું તમારાં શાસનોને કદી વીસરીશ નહિ; કેમ કે તમે તેઓથી મને જીવાડ્યો છે.
ગીતશાસ્ત્ર 119 : 94 (GUV)
હું તમારો છું, મને બચાવો; કેમ કે મેં તમારાં શાસનો શોધ્યાં છે.
ગીતશાસ્ત્ર 119 : 95 (GUV)
દુષ્ટો મારો નાશ કરવાનો લાગ જોઈ રહ્યા છે; પણ હું તમારાં સાક્ષ્યો ધ્યાનમાં રાખીશ.
ગીતશાસ્ત્ર 119 : 96 (GUV)
મેં સર્વ સંપૂર્ણતાની સીમા તો જોઈ છે; પણ તમારી આજ્ઞાની સીમા જ નથી. મેમ
ગીતશાસ્ત્ર 119 : 97 (GUV)
હું તમારા નિયમ પર કેટલો બધો પ્રેમ રાખું છું! આખો દિવસ તેનું જ મનન કરું છું.
ગીતશાસ્ત્ર 119 : 98 (GUV)
તમારી આજ્ઞાઓ મારા શત્રુઓના કરતાં મને બુદ્ધિમાન કરે છે; કેમ કે તેઓ સદા મારી પાસે છે.
ગીતશાસ્ત્ર 119 : 99 (GUV)
મારા સર્વ શિક્ષકો કરતાં હું વધુ સમજું છું; કેમ કે હું તમારાં સાક્ષ્યોનું ધ્યાન ધરું છું.
ગીતશાસ્ત્ર 119 : 100 (GUV)
વૃદ્ધોના કરતાં હું વિશેષ જાણું છું, કેમ કે મેં તમારાં શાસનો પાળ્યાં છે.
ગીતશાસ્ત્ર 119 : 101 (GUV)
હું તમારું વચન પાળું માટે મેં મારા પગ સર્વ ભૂંડા માર્ગથી પાછા હઠાવ્યા છે.
ગીતશાસ્ત્ર 119 : 102 (GUV)
હું તમારાં ન્યાયવચનોથી ખસી ગયો નથી; કેમ કે તમે મને શિક્ષણ આપ્યું છે.
ગીતશાસ્ત્ર 119 : 103 (GUV)
મારી રુચિને તમારાં વચન કેવાં મીઠાં લાગે છે! તેઓ મારા મુખને મધના કરતાં વધુ મીઠાં છે!
ગીતશાસ્ત્ર 119 : 104 (GUV)
તમારાં શાસનોથી મને સમજણ મળે છે; માટે હું હરેક જૂઠા માર્ગને ધિક્કારું છું. નુન
ગીતશાસ્ત્ર 119 : 105 (GUV)
મારા પગોને માટે તમારું વચન દીવારૂપ છે; તે મારા માર્ગને માટે અજવાળારૂપ છે.
ગીતશાસ્ત્ર 119 : 106 (GUV)
હું તમારાં યથાર્થ ન્યાયશાસનો પાળીશ એવી પ્રતિજ્ઞા મેં કરી હતી, અને તે પાળી પણ છે.
ગીતશાસ્ત્ર 119 : 107 (GUV)
હું દુ:ખમાં બહુ દબાઈ ગયો છું; હે યહોવા, તમારા વચન પ્રમાણે મને જીવાડો.
ગીતશાસ્ત્ર 119 : 108 (GUV)
હે યહોવા, મારા મુખનાં રાજીખુશીથી આપેલાં અર્પણ સ્વીકારો; અને તમારાં ન્યાયવચનો મને શીખવો.
ગીતશાસ્ત્ર 119 : 109 (GUV)
મારો જીવ સદા મારી મુઠ્ઠીમાં છે; તોપણ હું તમારા નિયમને વીસરતો નથી.
ગીતશાસ્ત્ર 119 : 110 (GUV)
દુષ્ટોએ મારે માટે પાશ નાખ્યો છે; તોપણ હું તમારાં શાસનો મૂકીને ભમી ગયો નથી.
ગીતશાસ્ત્ર 119 : 111 (GUV)
મેં તમારાં સાક્ષ્યોને મારો સદાકાળનો વારસો માન્યાં છે; કેમ કે તેઓ મારા હ્રદયનો આનંદ છે.
ગીતશાસ્ત્ર 119 : 112 (GUV)
તમારા વિધિઓ છેવટ સુધી સદા પાળવાને મેં મારા હ્રદયને વાળ્યું છે. સામેખ
ગીતશાસ્ત્ર 119 : 113 (GUV)
હું બે મોઢાંવાળાઓને ધિક્કારું છું; પણ હું તમારા નિયમ પર પ્રેમ રાખું છું.
ગીતશાસ્ત્ર 119 : 114 (GUV)
તમે મારી ઓથ તથા ઢાલ છો; હું તમારા વચનની આશા રાખું છું.
ગીતશાસ્ત્ર 119 : 115 (GUV)
અરે ભૂંડું કરનારા, તમે મારી પાસેથી ખસી જાઓ કે, હું મારા ઈશ્વરની આજ્ઞાઓ પાળું.
ગીતશાસ્ત્ર 119 : 116 (GUV)
હું જીવું માટે તમારા વચન પ્રમાણે મને આધાર આપો. મારી આશા વિષે મને ફજેત કરશો નહિ.
ગીતશાસ્ત્ર 119 : 117 (GUV)
તમે મારા સહાયકારી થાઓ. એટલે હું સલામત રહીશ, અને હું નિત્ય તમારા વિધિઓ પર લક્ષ આપીશ.
ગીતશાસ્ત્ર 119 : 118 (GUV)
તમારા વિધિઓથી સર્વ ભમી જનારાને તમે હલકા ગણ્યા છે; કેમ કે તેઓનો ઢોંગ ફોકટ છે.
ગીતશાસ્ત્ર 119 : 119 (GUV)
કચરાની જેમ તમે પૃથ્વીના સર્વ દુષ્ટોને બાતલ કરો છે; માટે હું તમારાં સાક્ષ્યો પર પ્રેમ રાખું છું.
ગીતશાસ્ત્ર 119 : 120 (GUV)
તમારા ભયથી હું કાપું છું; અને હું તમારાં ન્યાયવચનથી ડરું છું. હાયિન
ગીતશાસ્ત્ર 119 : 121 (GUV)
મેં ન્યાય તથા અદલ ઇનસાફ કર્યો છે; મારા પર જુલમ કરનારાના હાથમાં મને ન સોંપો.
ગીતશાસ્ત્ર 119 : 122 (GUV)
તમારા સેવકના કલ્યાણને માટે તેના જામીન થાઓ; ગર્વિષ્ઠોને મારા પર જુલમ કરવા ન દો.
ગીતશાસ્ત્ર 119 : 123 (GUV)
તમારા તારણની ને તમારા પવિત્ર વચનની રાહ જોતાં જોતાં મારી આંખો નિસ્તેજ થાય છે.
ગીતશાસ્ત્ર 119 : 124 (GUV)
તમારી કૃપા પ્રમાણે તમારા સેવકની સાથે વર્તજો, તમારા વિધિઓ મને શીખવજો.
ગીતશાસ્ત્ર 119 : 125 (GUV)
હું તમારો સેવક છું. મને બુદ્ધિ આપો; જેથી હું તમારાં સાક્ષ્યો સમજું.
ગીતશાસ્ત્ર 119 : 126 (GUV)
હવે યહોવાને કામ કરવાનો સમય આવ્યો છે; કેમ કે તેઓએ તમારો નિયમ તોડ્યો છે.
ગીતશાસ્ત્ર 119 : 127 (GUV)
તેથી હું સોના કરતાં, ચોખ્ખા સોના કરતાં પણ તમારી આજ્ઞાઓ પર વધારે પ્રેમ રાખું છું.
ગીતશાસ્ત્ર 119 : 128 (GUV)
તમારાં શાસનો પ્રમાણે હું મારી સર્વ વર્તણૂક યથાર્થ રાખું છું; હું દરેક જૂઠા માર્ગને ધિક્કારું છું. પે
ગીતશાસ્ત્ર 119 : 129 (GUV)
તમારાં સાક્ષ્યો આશ્ચર્યકારક છે; માટે મારો જીવ તેમને પાળે છે.
ગીતશાસ્ત્ર 119 : 130 (GUV)
તમારાં વચનોનો ખુલાસો પ્રકાશ આપે છે તે ભોળાને સમજણ આપે છે.
ગીતશાસ્ત્ર 119 : 131 (GUV)
હું મારું મોં ઉઘાડીને તલપી રહ્યો; કેમ કે હું તમારી આજ્ઞાઓની અભિલાષા રાખતો હતો.
ગીતશાસ્ત્ર 119 : 132 (GUV)
જેમ તમારા નામ પર પ્રેમ રાખનારાની સાથે તમે વર્તો છો, તેમ તમે મારા તરફ ફરીને મારા પર દયા કરો.
ગીતશાસ્ત્ર 119 : 133 (GUV)
તમારા વચન પ્રમાણે મારી પાસે ડગલાં ભરાવો; અને કોઈ પણ અન્યાયને મારા પર ધણીપણું કરવા ન દો.
ગીતશાસ્ત્ર 119 : 134 (GUV)
માણસના જુલમમાંથી મારો ઉદ્ધાર કરો; એટલે હું તમારાં શાસનો પાળીશ.
ગીતશાસ્ત્ર 119 : 135 (GUV)
તમારા સેવક પર તમારા મુખનો પ્રકાશ પાડો; અને તમારા વિધિઓ મને શીખવો.
ગીતશાસ્ત્ર 119 : 136 (GUV)
તમારો નિયમ તેઓ પાળતા નથી, તેથી મારી આંખોમાંથી ચોધાર આંસુઓ વહે છે. સાદે
ગીતશાસ્ત્ર 119 : 137 (GUV)
હે યહોવા, તમે ન્યાયી છો, તમારાં ન્યાયવચનો યથાર્થ છે.
ગીતશાસ્ત્ર 119 : 138 (GUV)
ન્યાયીપણાથી તથા પૂરેપૂરા વિશ્વાસુપણાથી તમે તમારાં સાક્ષ્યો ફરમાવ્યાં છે.
ગીતશાસ્ત્ર 119 : 139 (GUV)
મારા શત્રુઓ તમારાં વચન વીસરી ગયા છે, તેથી મારા જુસ્સાએ મને ક્ષીણ કરી નાખ્યો છે.
ગીતશાસ્ત્ર 119 : 140 (GUV)
તમારું વચન તદ્દન નિર્મળ છે; માટે તમારો સેવક તેના પર પ્રેમ રાખે છે.
ગીતશાસ્ત્ર 119 : 141 (GUV)
હું નાનો તથા ધિક્કારાયેલો છું; તોપણ હું તમારાં શાસનો ભૂલી જતો નથી.
ગીતશાસ્ત્ર 119 : 142 (GUV)
તમારું ન્યાયીપણું તો અનંતકાળ ટકનારું ન્યાયીપણું છે, અને તમારો નિયમ સત્ય છે.
ગીતશાસ્ત્ર 119 : 143 (GUV)
શોક તથા દુ:ખ મારા પર આવી પડ્યાં છે; તોપણ તમારી આજ્ઞાઓ મારો આનંદ છે.
ગીતશાસ્ત્ર 119 : 144 (GUV)
તમારાં સાક્ષ્યો સદાકાળ ન્યાયયુક્ત છે; મને સમજણ આપો, એટલે હું જીવતો રહીશ. કોફ
ગીતશાસ્ત્ર 119 : 145 (GUV)
મેં ખરા હ્રદયથી વિનંતી કરી છે; હે યહોવા, મને ઉત્તર આપો; હું તમારા વિધિઓ પાળીશ.
ગીતશાસ્ત્ર 119 : 146 (GUV)
મેં તમને વિનંતી કરી છે; મને બચાવો; એટલે હું તમારાં સાક્ષ્યો પાળીશ.
ગીતશાસ્ત્ર 119 : 147 (GUV)
પ્રભાત થયા પહેલાં મેં અરજ કરી; મેં તમારી વાતની આશા રાખી.
ગીતશાસ્ત્ર 119 : 148 (GUV)
તમારા વચનનું મનન કરવા માટે મારી આંખો રાતના છેલ્લા પહોર અગાઉ ઊઘડી ગઈ હતી.
ગીતશાસ્ત્ર 119 : 149 (GUV)
તમારી કૃપા પ્રમાણે મારી વાણી સાંભળો; હે યહોવા, તમારાં ન્યાયવચનો પ્રમાણે મને જીવાડો.
ગીતશાસ્ત્ર 119 : 150 (GUV)
જેઓ દુષ્ટ ભાવથી મારી પાછળ લાગેલા છે તેઓ મારી પાસે આવે છે; તેઓ તમારા નિયમથી દૂર છે.
ગીતશાસ્ત્ર 119 : 151 (GUV)
હે યહોવા, તમે પાસે છો; અને તમારી સર્વ આજ્ઞાઓ સત્ય છે.
ગીતશાસ્ત્ર 119 : 152 (GUV)
મેં પૂર્વે તમારાં સાક્ષ્યોથી જાણ્યું છે કે, તમે તેઓને સર્વકાળને માટે સ્થાપ્યાં છે. રેશ
ગીતશાસ્ત્ર 119 : 153 (GUV)
મારી વિપત્તિ સામું જુઓ, અને મને બચાવો; કેમ કે હું તમારો નિયમ વીસરતો નથી.
ગીતશાસ્ત્ર 119 : 154 (GUV)
મારી હિમાયત કરો અને મને છોડાવો; તમારા વચન પ્રમાણે મને જીવાડો.
ગીતશાસ્ત્ર 119 : 155 (GUV)
દુષ્ટોથી તારણ વેગળું રહે છે; કેમ કે તેઓ તમારા વિધિઓ શોધતા નથી.
ગીતશાસ્ત્ર 119 : 156 (GUV)
હે યહોવા, તમારી કરુણા મહાન છે; તમારાં ન્યાયવચનો પ્રમાણે મને જીવાડો.
ગીતશાસ્ત્ર 119 : 157 (GUV)
મને સતાવનારા તથા મારા શત્રુઓ ઘણા છે; તોપણ હું તમારાં સાક્ષ્યોથી પાછો હઠી ગયો નથી.
ગીતશાસ્ત્ર 119 : 158 (GUV)
મેં વિશ્વાસઘાતીઓને જોયા ત્યારે મેં તેઓને ધિક્કાર્યા, કેમ કે તેઓ તમારાં વચન પાળતાં નથી.
ગીતશાસ્ત્ર 119 : 159 (GUV)
હું તમારાં શાસનો પર કેટલો બધો પ્રેમ રાખું છું તે તમે ધ્યાનમાં લેજો; હે યહોવા, તમારી કૃપા પ્રમાણે મને જીવાડો.
ગીતશાસ્ત્ર 119 : 160 (GUV)
તમારું વચન અથથી તે ઇતિ સુધી સત્ય છે; તમારાં સર્વ ન્યાયવચનો સદાકાળ [ટકનારાં છે]. શીન
ગીતશાસ્ત્ર 119 : 161 (GUV)
સરદારોએ વિનાકારણ મને સતાવ્યો છે; પણ મારું હ્રદય તમારાં વચનનું ભય રાખે છે.
ગીતશાસ્ત્ર 119 : 162 (GUV)
મોટી લૂંટ મેળવનારની જેમ તમારા વચનથી મને આનંદ થાય છે.
ગીતશાસ્ત્ર 119 : 163 (GUV)
અસત્ય ઉપર હું દ્વેષ રાખું છું અને તેનાથી કંટાળું છું; પણ તમારા નિયમ ઉપર હું પ્રેમ રાખું છું.
ગીતશાસ્ત્ર 119 : 164 (GUV)
તમારાં યથાર્થ ન્યાયવચનોને લીધે હું રોજ સાત વાર તમારી સ્તુતિ કરું છું.
ગીતશાસ્ત્ર 119 : 165 (GUV)
તમારા નિયમ પર પ્રેમ રાખનારાને બહુ શાંતિ મળે છે. તેઓને ઠોકર ખાવાનું કંઈ કારણ નથી.
ગીતશાસ્ત્ર 119 : 166 (GUV)
હે યહોવા, મેં તમારા તારણની આશા રાખી છે, કેમ કે મેં તમારી આજ્ઞાઓ પાળી છે.
ગીતશાસ્ત્ર 119 : 167 (GUV)
મારા આત્માએ તમારાં સાક્ષ્યો પાળ્યાં છે; તેમના પર હું ઘણો જ પ્રેમ રાખું છું.
ગીતશાસ્ત્ર 119 : 168 (GUV)
મેં તમારાં શાસનો તથા સાક્ષ્યો પાળ્યાં છે કેમ કે મારી બધી ચાલચલગત તમને વિદિત છે. તાવ
ગીતશાસ્ત્ર 119 : 169 (GUV)
હે યહોવા, મારા પોકારને તમારી પાસે આવવા દો; તમારા વચન પ્રમાણે મને સમજણ આપો.
ગીતશાસ્ત્ર 119 : 170 (GUV)
મારી પ્રાર્થનાને તમારી સમક્ષ આવવા દો; તમારા વચન પ્રમાણે મને છોડાવો.
ગીતશાસ્ત્ર 119 : 171 (GUV)
મારા હોઠો તમારી સ્તુતિ ઉચ્ચારો; કેમ કે તમે મને તમારા વિધિઓ શીખવો છો.
ગીતશાસ્ત્ર 119 : 172 (GUV)
મારી જીભ તમારા વચન વિષે ગાયન કરો; કેમ કે તમારી સર્વ આજ્ઞાઓ ન્યાયી છે.
ગીતશાસ્ત્ર 119 : 173 (GUV)
તમારો હાથ મને સહાય કરવા તૈયાર થાઓ; કેમ કે મેં તમારાં શાસન પસંદ કર્યાં છે.
ગીતશાસ્ત્ર 119 : 174 (GUV)
હે યહોવા, હું તમારા તારણને માટે અભિલાષી છું; તમારો નિયમ મારો આનંદ છે.
ગીતશાસ્ત્ર 119 : 175 (GUV)
મારા આત્માને જીવાડો, એટલે તે તમારી સ્તુતિ કરશે; તમારાં ન્યાયવચનો મને સહાય કરો.
ગીતશાસ્ત્ર 119 : 176 (GUV)
હું ભૂલા પડેલા મેંઢાની જેમ ભટક્યો છું; તમારા સેવકને શોધી કાઢો; કેમ કે હું તમારી આજ્ઞાઓ વીસરી જતો નથી.
❮
❯