1. [QS]મારા લોકો, મારો નિયમ સાંભળો, [QE][QS]મારા મુખના શબ્દોને તમે ધ્યાનથી સાંભળો. [QE]
2. [QS]હું ડહાપણ વિશેનું ગીત ગાઈશ; [QE][QS]હું ભૂતકાળનાં રહસ્યોની વાત સમજાવીશ કે, [QE]
3. [QS]જે વાત આપણે સાંભળી છે તથા શીખ્યા છીએ [QE][QS]જે આપણા પૂર્વજોએ આપણને કહી છે. [QE]
4. [QS]યહોવાહનાં સ્તોત્ર, તેમનું સામર્થ્ય [QE][QS]તથા તેમનાં કરેલાં આશ્ચર્યકારક કામો આવતી પેઢીને જાહેર કરીને [QE][QS]તેઓના વંશજોથી આપણે તે સંતાડીશું નહિ. [QE]
5. [QS]કારણ કે તેમણે યાકૂબ સાથે તેમનો કરાર કર્યો [QE][QS]અને ઇઝરાયલમાં નિયમ ઠરાવ્યો. [QE][QS]તેમણે આપણા પૂર્વજોને આજ્ઞા કરી [QE][QS]કે તેઓ પોતાનાં બાળકોને પણ શીખવે. [QE]
6. [QS]જેથી આવતી પેઢીનાં જે બાળકો જન્મે તેઓ તે જાણે, [QE][QS]તેઓ મોટાં થઈને પોતાનાં સંતાનોને તે જણાવે, માટે તેમણે આજ્ઞા આપી છે. [QE]
7. [QS]જેથી તેઓ સહુ ઈશ્વરની આશા રાખે [QE][QS]અને તેમનાં અદ્દભુત કાર્યોને વીસરી જાય નહિ, [QE][QS]પણ તેમની આજ્ઞાઓને પાળે. [QE]
8. [QS]પછી તેઓ પોતાના પૂર્વજોના જેવા ન થાય, [QE][QS]કે જેઓ હઠીલા તથા બંડખોર પેઢીના છે, [QE][QS]એવી પેઢી કે જેઓનાં હૃદય સ્થિર નથી [QE][QS]અને જેઓનો આત્મા સમર્પિત કે ઈશ્વરને વિશ્વાસુ નથી. [QE]
9. [QS]એફ્રાઇમના લોકો શસ્ત્રસજ્જિત ધનુર્ધારી હોવા છતાં [QE][QS]પણ લડાઈના દિવસમાં પાછા હઠી ગયા. [QE]
10. [QS]તેઓએ ઈશ્વરનો કરાર પાળ્યો નહિ [QE][QS]અને તેમના નિયમ પ્રમાણે વર્તવાની ના પાડી. [QE]
11. [QS]તેમણે કરેલાં અદ્દભુત કાર્યો, [QE][QS]ચમત્કારો તેમણે તેઓને બતાવ્યા હતા તે તેઓ ભૂલી ગયા. [QE]
12. [QS]મિસર દેશમાં, સોઆનનાં ક્ષેત્રમાં, [QE][QS]તેઓના પૂર્વજોની આગળ તેમણે આશ્ચર્યકારક કૃત્યો કર્યાં. [QE]
13. [QS]તેમણે સમુદ્રના બે ભાગ કરીને તેઓને પાર બહાર લાવ્યા; [QE][QS]તેમણે દીવાલની જેમ પાણીને સ્થિર રાખ્યાં. [QE]
14. [QS]તે તેઓને દિવસે મેઘથી [QE][QS]અને આખી રાત અગ્નિના પ્રકાશથી દોરતા. [QE]
15. [QS]તેમણે અરણ્યમાં ખડકને તોડીને [QE][QS]અને ઊંડાણમાંથી વહેતું હોય તેમ પુષ્કળ પાણી તેઓને આપ્યું. [QE]
16. [QS]તેમણે ખડકમાંથી પાણીની ધારો કાઢી [QE][QS]અને વહેતી નદીની જેમ પ્રવાહ વહેવડાવ્યો. [QE]
17. [QS]તેમ છતાં તેઓએ તેમની વિરુદ્ધ પાપ કરવાનું ચાલુ જ રાખ્યું, [QE][QS]અરણ્યમાં પરાત્પરની વિરુદ્ધ તેઓ બંડ કરતા રહ્યા. [QE]
18. [QS]પોતાના ખાઉધરાપણાને વશ થઈને ખોરાક માગીને તેઓએ પોતાના [QE][QS]હૃદયથી ઈશ્વરની પરીક્ષા કરી. [QE]
19. [QS]તેઓ ઈશ્વરની વિરુદ્ધ બોલ્યા; [QE][QS]તેઓએ કહ્યું, “શું અરણ્યમાં ઈશ્વર મેજ તૈયાર કરી શકે? [QE]
20. [QS]જુઓ, જ્યારે તેમણે ખડકને લાકડી મારી, ત્યારે પાણી વહી આવ્યું [QE][QS]અને પાણીનાં ઝરણાં વહેવા માંડ્યાં. [QE][QS]પણ શું તે આપણને રોટલી આપી શકે છે? [QE][QS]શું તે પોતાના લોકોને માટે માંસ પૂરું પાડી શકશે?” [QE]
21. [QS]જ્યારે યહોવાહે આ સાંભળ્યું, ત્યારે તેઓ ગુસ્સે થયા; [QE][QS]તેથી યાકૂબની વિરુદ્ધ તેમનો અગ્નિ ઊઠ્યો [QE][QS]અને ઇઝરાયલ પર તેમનો કોપ ભભૂક્યો, [QE]
22. [QS]કારણ કે તેઓએ ઈશ્વર પર વિશ્વાસ કર્યો નહિ [QE][QS]અને તેમના દ્વારા મળતા ઉદ્ધાર પર ભરોસો રાખ્યો નહિ. [QE]
23. [QS]છતાં તેમણે વાદળાંને આજ્ઞા આપી [QE][QS]અને આકાશનાં દ્વાર ખોલી નાખ્યાં. [QE]
24. [QS]તેઓના ખોરાક માટે માન્નાની વૃષ્ટિ કરી [QE][QS]અને તેમણે સ્વર્ગમાંથી ભોજન આપ્યું. [QE]
25. [QS]લોકોએ દૂતોનો ખોરાક ખાધો. [QE][QS]અને તેઓ તૃપ્ત થયા ત્યાં સુધી તેમણે ભોજન આપ્યું. [QE]
26. [QS]તેમણે આકાશમાં પૂર્વ તરફથી પવન ફુંકાવ્યો [QE][QS]અને પોતાના સામર્થ્યથી દક્ષિણ તરફથી પવન ફુંકાવ્યો. [QE]
27. [QS]તેમણે ધૂળની જેમ માંસ [QE][QS]અને સમુદ્રની રેતીની જેમ પીંછાવાળા પક્ષીઓ તેઓના પર વરસાવ્યાં. [QE]
28. [QS]તેમણે તેઓની છાવણી મધ્યે [QE][QS]અને તેઓના તંબુઓની ચારેબાજુએ તે પાડ્યાં. [QE]
29. [QS]લોકો ધરાઈ રહ્યા ત્યાં સુધી ખાધું. [QE][QS]તેઓના માગ્યા પ્રમાણે તેમણે આપ્યું. [QE]
30. [QS]પણ તેઓ તેમની ભૂખનું નિયંત્રણ કરી શક્યા નહિ; [QE][QS]તેઓનો ખોરાક તેઓના મુખમાં જ હતો, [QE]
31. [QS]એટલામાં, ઈશ્વરનો કોપ તેઓ પર પ્રગટ્યો [QE][QS]અને તેઓમાંના હુષ્ટપુષ્ટોને મારી નાખ્યા. [QE]
32. [QS]આમ છતાં, તેઓ પાપ કરતા રહ્યા [QE][QS]અને તેમના ચમત્કારો પર ભરોસો કર્યો નહિ. [QE]
33. [QS]માટે ઈશ્વરે તેઓના દિવસો વ્યર્થપણામાં સમાપ્ત કર્યા; [QE][QS]અને તેઓનાં વર્ષોને ત્રાસથી ભર્યાં. [QE]
34. [QS]જ્યારે જ્યારે ઈશ્વરે તેઓને દુઃખી કર્યા, ત્યારે તેઓએ તેમને શોધ્યા [QE][QS]અને તેઓ પાછા ફરીને આતુરતાથી તેમને શરણે આવ્યા. [QE]
35. [QS]તેઓએ યાદ કર્યુ કે ઈશ્વર તેઓના ખડક છે [QE][QS]અને પરાત્પર ઈશ્વર તે જ તેઓના છોડાવનાર છે. [QE]
36. [QS]પણ તેઓએ પોતાના મુખે તેમની પ્રશંસા કરી [QE][QS]અને પોતાની જીભે તેમની સમક્ષ જૂઠું બોલ્યા. [QE]
37. [QS]કેમ કે તેઓનાં હૃદય તેમના પ્રત્યે વિશ્વાસુ નહોતાં [QE][QS]અને તેઓ તેમના કરાર પ્રત્યે વફાદાર નહોતા. [QE]
38. [QS]તેમ છતાં તેમણે, દયા દર્શાવી, તેઓનાં પાપોની ક્ષમા આપી અને તેઓનો નાશ ન કર્યો. [QE][QS]હા, ઘણીવાર તેમણે પોતાનો ક્રોધ સમાવી દીધો [QE][QS]અને પોતાનો પૂરો કોપ પ્રગટ કર્યો નહિ. [QE]
39. [QS]તેમણે સંભાર્યુ કે તેઓ દેહથી બનેલા છે [QE][QS]એક ક્ષણમાં પસાર થતાં વાયુ જેવા છે. [QE]
40. [QS]તેઓએ કેટલી વાર અરણ્યમાં તેમની વિરુદ્ધ બંડ કર્યું [QE][QS]અને રાનમાં તેમને દુ:ખી કર્યા! [QE]
41. [QS]વારંવાર તેઓએ ઈશ્વરની કસોટી કરી [QE][QS]અને ઇઝરાયલના પવિત્ર પ્રભુને દુ:ખી કર્યા. [QE]
42. [QS]તેઓ તેમનાં મહાન સામર્થ્યનો વિચાર કર્યો નહિ, [QE][QS]તેમણે કેવી રીતે તેઓને શત્રુઓથી છોડાવ્યા, તે પણ યાદ કર્યું નહિ. [QE]
43. [QS]મિસરમાં તેમણે જે ચમત્કારિક ચિહ્નો [QE][QS]અને સોઆનના મેદાનમાં આશ્ચર્યકર્મો કર્યા હતાં તે પણ ભૂલી ગયા. [QE]
44. [QS]તેમણે તેઓની નદીઓને તથા તેઓના વહેળાઓને લોહી વહેતાં બનાવી દીધાં [QE][QS]જેથી તેઓ તે ઝરણામાંથી પી શકે નહિ. [QE]
45. [QS]તેમણે મધમાખીઓનું મોટું ઝૂંડ મોકલ્યું, તે મધમાખીઓ તેઓને કરડી [QE][QS]અને દેડકાઓએ બધી વસ્તુઓનો નાશ કર્યો. [QE]
46. [QS]તેઓની ફસલ તેમણે કાતરાઓને આપી [QE][QS]અને તેઓની મહેનતનું ફળ તીડને આપી દીધું. [QE]
47. [QS]તેમણે કરાથી તેઓની દ્રાક્ષવાડીઓ [QE][QS]અને હિમથી તેઓનાં ગુલ્લરવૃક્ષોનો નાશ કર્યો હતો. [QE]
48. [QS]તેમણે તેઓનાં જાનવર કરાને [QE][QS]અને તેઓનાં ટોળાં વીજળીને સ્વાધીન કર્યા. [QE]
49. [QS]તેમણે પોતાનો કોપ તેઓ પર પ્રગટ કર્યો, [QE][QS]તેમણે રોષ, ગુસ્સો અને તિરસ્કાર તેઓની વિરુદ્ધ [QE][QS]સંહારક દૂતોની માફક મોકલ્યા. [QE]
50. [QS]તેમણે પોતાના કોપ માટે રસ્તો ખુલ્લો કર્યો; [QE][QS]તેમણે મરણથી તેઓના પ્રાણ બચાવ્યા નહિ [QE][QS]પણ તેઓના પર મરકી મોકલી. [QE]
51. [QS]તેમણે મિસરમાં સર્વ પ્રથમજનિતને મારી નાખ્યા; [QE][QS]હામના તંબુઓમાં તેઓના પ્રથમ પ્રથમજનિત નરબાળકોને માર્યા. [QE]
52. [QS]તે પોતાના લોકોને ઘેટાંનાં ટોળાંની જેમ બહાર લાવ્યાં [QE][QS]અને તેમણે અરણ્યમાં થઈને તેઓને ટોળાંની જેમ દોર્યા. [QE]
53. [QS]તેમણે તેઓને એવા સુરક્ષિત ચલાવ્યા કે તેઓ બીધા નહિ, [QE][QS]પણ સમુદ્રના પાણી શત્રુઓ પર ફરી વળ્યાં. [QE]
54. [QS]અને તેમણે તેઓને તેની પવિત્ર ભૂમિમાં, [QE][QS]એટલે તેમને જમણે હાથે ખરીદાયેલા આ પહાડી દેશમાં પોતાના લોકોને લાવ્યા. [QE]
55. [QS]તેમણે તેઓની આગળથી વિદેશીઓને કાઢી મૂક્યા [QE][QS]અને જમીન માપીને ઇઝરાયલનાં કુળોને વારસાના ભાગ પાડી આપ્યા [QE][QS]અને તેમને તેઓના તંબુઓમાં વસાવ્યા. [QE]
56. [QS]તોપણ તેઓએ પરાત્પર ઈશ્વરની કસોટી કરવાનું [QE][QS]તથા તેમની વિરુદ્ધ બંડ કરવાનું ચાલુ રાખ્યું અને તેમની આજ્ઞાઓ પાળી નહિ. [QE]
57. [QS]તેઓ તેમના પૂર્વજોની જેમ પાછા ફરી જઈને અવિશ્વાસુઓની જેમ વર્તવા લાગ્યા; [QE][QS]વાંકા ધનુષ્યના બાણની જેમ તેઓ આડે રસ્તે ચઢ્યા. [QE]
58. [QS]કેમ કે તેઓએ પોતાનાં ઉચ્ચાસ્થાનો બનાવીને [QE][QS]અને પોતાની કોરેલી મૂર્તિઓ વડે તેમને ગુસ્સો ઉત્પન્ન કર્યો. [QE]
59. [QS]જ્યારે ઈશ્વરે એ સાંભળ્યું, ત્યારે તે ગુસ્સે થયા [QE][QS]અને ઇઝરાયલનો પૂરેપૂરો નકાર કર્યો. [QE]
60. [QS]તેથી તેમણે શીલોહનો માંડવો [QE][QS]એટલે જે તંબુ તેમણે માણસોમાં ઊભો કર્યો હતો, તેનો ત્યાગ કર્યો. [QE]
61. [QS]તેમણે પોતાનું સામર્થ્ય બંધનમાં [QE][QS]અને પોતાનું ગૌરવ શત્રુના હાથમાં સોંપ્યા. [QE]
62. [QS]તેમણે પોતાના લોકોને તરવારને સ્વાધીન કર્યા [QE][QS]અને પોતાના વારસા પર તે કોપાયમાન થયા. [QE]
63. [QS]તેઓના યુવાનો અગ્નિથી નાશ પામ્યા [QE][QS]અને તેઓની કન્યાઓના લગ્નમાં ગીત ગાવામાં આવ્યાં નહિ. [QE]
64. [QS]તેઓના યાજકો તરવારથી માર્યા ગયા [QE][QS]અને તેઓની વિધવાઓએ કંઈ રુદન કર્યું નહિ. [QE]
65. [QS]જેમ કોઈ ઊંઘમાંથી જાગે, તેમ, દ્રાક્ષારસના કેફથી [QE][QS]શૂરવીર પુરુષની જેમ પ્રભુ ઊઠ્યા. [QE]
66. [QS]તેમણે પાછળથી પોતાના શત્રુઓને માર્યા; [QE][QS]તેમણે તેઓને સદાને માટે શરમિંદા કર્યા. [QE]
67. [QS]તેમણે યૂસફના તંબુનો નકાર કર્યો [QE][QS]અને એફાઇમના કુળનો સ્વીકાર કર્યો નહિ. [QE]
68. [QS]તેમણે યહૂદાના કુળને [QE][QS]અને પોતાના પ્રિય સિયોન પર્વતને, પસંદ કર્યા. [QE]
69. [QS]તેમણે પર્વત જેવું ઉન્નત અને સદા માટે સ્થાપન કરેલી પૃથ્વી જેવું [QE][QS]અચળ પોતાનું પવિત્રસ્થાન બાંધ્યું. [QE]
70. [QS]તેમણે વાડામાંથી ઘેટાંની સંભાળ રાખનાર દાઉદને [QE][QS]પોતાના સેવક તરીકે પસંદ કર્યો. [QE]
71. [QS]દૂઝણી ઘેટીઓની પાછળ ફરતો હતો, ત્યાંથી તેમના લોકો યાકૂબના સંતાનનું તથા [QE][QS]તેમના વારસા ઇઝરાયલનું પાલન કરવા તે તેને લાવ્યા. [QE]
72. [QS]દાઉદે તેમને શુદ્ધ હૃદયથી [QE][QS]અને કૌશલ્યસભર શાણપણથી દોર્યા. [QE]