1. [QS]હે ઈશ્વર, મારો બચાવ કરો; [QE][QS]કેમ કે મારા પ્રાણ સુધી પાણી ચઢી આવ્યું છે. [QE]
2. [QS]હું ઊંડા કીચડમાં ડૂબી જાઉં છું, જ્યાં ઊભા રહેવાને પણ જગ્યા નથી; [QE][QS]હું ઊંડા પાણીમાં આવી પડ્યો છું, રેલ મારે માથે ફરી વળી છે. [QE]
3. [QS]હું રડી રડીને નિર્બળ થઈ ગયો છું; મારું ગળું સુકાઈ ગયું છે; [QE][QS]મારા ઈશ્વરની રાહ જોતાં મારી આંખોનું તેજ ઘટી ગયું છે. [QE]
4. [QS]જેઓ વિનાકારણે મારો દ્વેષ કરે છે, તેઓ મારા માથાના નિમાળા કરતાં વધારે છે; [QE][QS]જેઓ ગેરવાજબી રીતે મારો નાશ કરવા ઇચ્છનાર શત્રુઓ છે, તેઓ બળવાન છે; [QE][QS]જે મેં લૂંટી લીધું ન હતું, તે મારે પાછું આપવું પડ્યું છે. [QE]
5. [QS]હે ઈશ્વર, તમે મારી મૂર્ખાઈ જાણો છો [QE][QS]અને મારાં પાપો તમારાથી છુપાયેલાં નથી. [QE]
6. [QS]હે સૈન્યના પ્રભુ યહોવાહ, તમારી રાહ જોનારા મારે લીધે બદનામ ન થાઓ; [QE][QS]હે ઇઝરાયલના ઈશ્વર, મારે લીધે તમને શોધનારાઓનું અપમાન ન થાય. [QE]
7. [QS]કેમ કે તમારે લીધે મેં મહેણાં સહન કર્યાં છે. [QE][QS]મારા મુખ પર શરમ પથરાયેલી છે. [QE]
8. [QS]હું મારા ભાઈઓને પારકા જેવો [QE][QS]અને મારી માતાના પુત્રોને માટે પરદેશી જેવો થયો છું. [QE]
9. [QS]કારણ કે તમારા ઘરનો ઉત્સાહ મને ખાઈ જાય છે [QE][QS]અને તમારી નિંદા કરનારાઓની નિંદા મારા પર આવી પડી છે. [QE]
10. [QS]જ્યારે હું રડ્યો અને ઉપવાસ કરીને મારા આત્માને લીન કર્યો, [QE][QS]ત્યારે તેને લીધે મારી નિંદા થઈ. [QE]
11. [QS]જ્યારે મેં ટાટનાં વસ્ત્ર પહેર્યાં, [QE][QS]ત્યારે તેઓમાં હું ઉપહાસરૂપ થયો. [QE]
12. [QS]જેઓ નગરના પ્રવેશદ્વારે બેસે છે, તેઓ મારા વિષે વાતો કરે છે; [QE][QS]છાકટાઓ મારા વિષે રાસડા ગાય છે. [QE]
13. [QS]પણ, હે યહોવાહ, હું તમારી પ્રાર્થના કરું છું, માન્યકાળમાં તમારી ઘણી કૃપાએ; [QE][QS]તમારા ઉદ્ધારની સત્યતાએ મને ઉત્તર આપો. [QE]
14. [QS]મને કીચડમાંથી કાઢો અને મને ડૂબવા ન દો; [QE][QS]જેઓ મને ધિક્કારે છે તેઓથી મને દૂર રાખો અને પાણીના ઊંડાણમાંથી મને ખેંચી કાઢો. [QE]
15. [QS]પાણીની રેલ મને ન ડુબાડો, [QE][QS]ઊંડાણ મને ગળી ન જાઓ. [QE][QS]કબર મારા પર તેનું મુખ બંધ ન કરો. [QE]
16. [QS]હે યહોવાહ, મને જવાબ આપો, કેમ કે તમારી કૃપા ઉત્તમ છે; [QE][QS]કેમ કે તમારી કૃપા ઘણી છે, મારી તરફ ફરો. [QE]
17. [QS]તમારું મુખ તમારા આ દાસથી છુપાવશો નહિ, [QE][QS]કેમ કે હું સંકટમાં છું; મને જલદીથી ઉત્તર આપો. [QE]
18. [QS]મારા આત્મા પાસે આવીને તેને છોડાવો; [QE][QS]મને મારા શત્રુઓથી મુક્ત કરો. [QE]
19. [QS]તમે મારી શરમ, મારું અપમાન તથા મારી નિંદા જાણો છો; [QE][QS]મારા સર્વ શત્રુઓ તમારી આગળ છે. [QE]
20. [QS]નિંદાએ મારું હૃદય ભાંગ્યું છે; હું મરણતોલ થયો છું; [QE][QS]મેં કરુણા કરનારની રાહ જોઈ, પણ ત્યાં કોઈ નહોતું; [QE][QS]મેં દિલાસો આપનારની રાહ જોઈ, પણ મને ત્યાં કોઈ મળ્યું નહિ. [QE]
21. [QS]તેઓએ મને ખોરાકને માટે પિત્ત આપ્યું છે; [QE][QS]મને તરસ લાગતાં તેઓએ સરકો પીવડાવ્યો. [QE]
22. [QS]તેઓનું ભોજન તેઓને માટે ફાંદારૂપ થાઓ; [QE][QS]જ્યારે તેઓ વિચારે છે કે અમે સુરક્ષિત છીએ, ત્યારે તે ફાંદારૂપ થાઓ. [QE]
23. [QS]તેઓની આંખો એવી ઝાંખી થાઓ કે તેઓ જોઈ ન શકે; [QE][QS]અને તેઓની કમરો નિત્ય કાંપે. [QE]
24. [QS]તેઓના ઉપર તમારો કોપ વરસાવો [QE][QS]અને તમારો ક્રોધાવેશ તેઓને પકડી પાડો. [QE]
25. [QS]તેઓની જગ્યા ઉજ્જડ થાઓ; [QE][QS]તેઓના તંબુમાં કોઈ ન રહો. [QE]
26. [QS]કારણ કે જેને તમે શિક્ષા કરી છે તેઓ તેની પાછળ પાડીને તેને પકડે છે; [QE][QS]જેને તમે ઘાયલ કર્યો છે તેના દુ:ખની વાત કરીને તેઓ ખુશ થાય છે. [QE]
27. [QS]તમે તેઓના અન્યાય પર અન્યાય વધવા દો; [QE][QS]તેઓને તમારા ન્યાયપણામાં આવવા ન દો. [QE]
28. [QS]જીવન પુસ્તકમાંથી આ લોકોનાં નામ ભૂંસી નાખો [QE][QS]અને ન્યાયીઓની સાથે તેઓનાં નામ નોંધાય નહિ. [QE]
29. [QS]પણ હું તો ગરીબ તથા દુઃખી છું; [QE][QS]હે ઈશ્વર, તમારા દ્વારા મળતો ઉદ્ધાર મને ઊંચો કરો. [QE]
30. [QS]હું ગીત ગાઈને ઈશ્વરના નામનું સ્તવન કરીશ [QE][QS]અને આભાર માનીને તેમના નામની સ્તુતિ કરીશ. [QE]
31. [QS]તે સ્તુતિ બળદના કરતાં [QE][QS]અથવા શિંગડાં તથા ખરીવાળા બળદ કરતાં પણ યહોવાહને વધારે પસંદ પડશે. [QE]
32. [QS]નમ્રજનો તે જોઈને આનંદ પામ્યા છે; [QE][QS]હે ઈશ્વરને શોધનારાઓ, તમારા હૃદયો નવું જીવન પામો. [QE]
33. [QS]કારણ કે યહોવાહ દરિદ્રીઓનું સાંભળે છે [QE][QS]અને તે પોતાના બંદીવાનોને તુચ્છ ગણતા નથી. [QE]
34. [QS]આકાશ તથા પૃથ્વી તેમનું સ્તવન કરો, [QE][QS]સમુદ્રો તથા તેમાંનાં સર્વ જળચર તેમની સ્તુતિ કરો. [QE]
35. [QS]કારણ કે ઈશ્વર સિયોનને ઉદ્ધાર કરશે અને યહૂદિયાના નગરોને બાંધશે; [QE][QS]લોકો તેમાં વસશે અને તેનું વતન પામશે. [QE]
36. [QS]તેમના સેવકોના વંશજો તેનો વારસો પામશે; [QE][QS]અને જેઓ તેમના નામ પર પ્રેમ રાખે છે તેઓ તેમાં વસશે. [QE]