1. [QS]હે યહોવાહ, તમે શા માટે દૂર ઊભા રહો છો? [QE][QS]સંકટના સમયમાં તમે શા માટે સંતાઈ જાઓ છો? [QE]
2. [QS]દુષ્ટો ગર્વિષ્ઠ થઈને ગરીબોને બહુ સતાવે છે; [QE][QS]પણ તેઓ પોતાની કલ્પેલી યુક્તિઓમાં ફસાઈ જાય છે. [QE]
3. [QS]કેમ કે દુષ્ટ લોકો પોતાના અંતઃકરણની ઇચ્છાની તૃપ્તિ થતાં અભિમાન કરે છે; [QE][QS]લોભીઓને યહોવાહમાં વિશ્વાસ હોતો નથી અને તેઓ તેમની નિંદા કરે છે. [QE]
4. [QS]દુષ્ટ પોતાના અહંકારી ચહેરાથી બતાવે છે કે, ઈશ્વર બદલો લેશે નહિ. [QE][QS]તેના સર્વ વિચાર એવા છે કે, ઈશ્વર છે જ નહિ. [QE]
5. [QS]તે બધા સમયે સુરક્ષિત રહે છે, [QE][QS]પણ તમારો ન્યાય એટલો બધો ઊંચો છે કે તે તેના સમજવામાં આવતો નથી; [QE][QS]તે પોતાના સર્વ શત્રુઓનો તિરસ્કાર કરે છે. [QE]
6. [QS]તે પોતાના હૃદયમાં કહે છે, “હું કદી નિષ્ફળ થઈશ નહિ; [QE][QS]પેઢી દરપેઢી હું વિપત્તિમાં નહિ આવું.” [QE]
7. [QS]તેનું મુખ શાપ, કપટ તથા જુલમથી ભરેલું છે; [QE][QS]તેની જીભમાં ઉપદ્રવ તથા અન્યાય ભરેલા છે. [QE]
8. [QS]તે ગામોની છૂપી જગ્યાઓમાં બેસે છે; [QE][QS]તે સંતાઈને નિર્દોષનું ખૂન કરે છે; [QE][QS]તેની આંખો નિરાધારને છાની રીતે તાકી રહે છે. [QE]
9. [QS]જેમ સિંહ ગુફામાં છુપાઈ રહે છે; [QE][QS]તેમ તે ગુપ્ત જગ્યામાં ભરાઈ રહે છે. [QE][QS]તે ગરીબોને પકડવાને છુપાઈ રહે છે, તે ગરીબને પકડીને પોતાની જાળમાં ખેંચી લઈ જાય છે. [QE]
10. [QS]તેઓના બળ આગળ ગરીબો દબાઈને નીચા નમી જાય છે; [QE][QS]લાચાર બની તેઓના પંજામાં સપડાઈ જાય છે. [QE]
11. [QS]તે પોતાના હૃદયમાં કહે છે, “ઈશ્વર ભૂલી ગયા છે; [QE][QS]તેમણે પોતાનું મુખ જોયું નથી, સંતાડી રાખ્યું છે અને તે કદી જોશે નહિ.” [QE]
12. [QS]હે યહોવાહ, ઊઠો; હે ઈશ્વર, તમારો હાથ ઊંચો કરો. [QE][QS]ગરીબોને ભૂલી ન જાઓ. [QE]
13. [QS]દુષ્ટો શા માટે ઈશ્વરનો નકાર કરે છે? [QE][QS]અને પોતાના હૃદયમાં કહે છે, “તમે બદલો નહિ માગો.” [QE]
14. [QS]તમે જોયું છે; કેમ કે તમારા હાથમાં લેવાને માટે તમે ઉપદ્રવ કરનારા તથા ઈર્ષાખોરોને નજરમાં રાખો છો. [QE][QS]નિરાધાર પોતાને તમારા હવાલામાં સોંપે છે; [QE][QS]તમે અનાથને બચાવો છો. [QE]
15. [QS]દુષ્ટ લોકોના હાથ તમે ભાંગી નાખો; [QE][QS]તમે દુષ્ટ માણસની દુષ્ટતાને એટલે સુધી શોધી કાઢો કે કંઈ પણ બાકી રહે નહિ. [QE]
16. [QS]યહોવાહ સદાસર્વકાળ રાજા છે; [QE][QS]તેમના દેશમાંથી વિદેશીઓ નાશ પામ્યા છે. [QE]
17. [QS]હે યહોવાહ, તમે નમ્રની અભિલાષા જાણો છો; [QE][QS]તમે તેઓનાં હૃદયોને દૃઢ કરશો, તમે તેઓની પ્રાર્થના સાંભળશો; [QE]
18. [QS]તમે અનાથ તથા દુઃખીઓનો ન્યાય કરો [QE][QS]તેથી પૃથ્વીનાં માણસો હવે પછી ત્રાસદાયક રહે નહિ. [QE]