1. [QS]હે યહોવા, અમારા પર જે આવી પડ્યું તેનું તમે સ્મરણ કરો. [QE][QS]ધ્યાન આપીને અમારું અપમાન જુઓ. [QE]
2. [QS]અમારું વતન પારકાઓના હાથમાં, [QE][QS]અમારાં ઘરો વિદેશીઓના હાથમાં ગયાં છે. [QE]
3. [QS]અમે અનાથ અને પિતાવિહોણા થયા છીએ અને અમારી માતાઓ વિધવા થઈ છે. [QE]
4. [QS]અમે અમારું પાણી પૈસા આપીને પીધું છે, [QE][QS]અમે અમારાં પોતાનાં લાકડાં પણ વેચાતાં લીધાં છે. [QE]
5. [QS]જેઓ અમારી પાછળ પડ્યા છે તેઓ અમને પકડી પાડવાની તૈયારીમાં છે. [QE][QS]અમે થાકી ગયા છીએ અને અમને વિશ્રામ મળતો નથી. [QE]
6. [QS]અમે રોટલીથી તૃપ્ત થવા માટે મિસરીઓને [QE][QS]તથા આશ્શૂરીઓને તાબે થયા છીએ. [QE]
7. [QS]અમારા પિતૃઓએ પાપ કર્યું અને તેઓ રહ્યા નથી. [QE][QS]અમારે તેઓના પાપની સજા ભોગવવી પડે છે. [QE]
8. [QS]ગુલામો અમારા પર રાજ કરે છે, [QE][QS]તેઓના હાથમાંથી અમને મુક્ત કરનાર કોઈ નથી. [QE]
9. [QS]અરણ્યમાં ભટકતા લોકોની તરવારને લીધે [QE][QS]અમારો જીવ જોખમમાં નાખીને અમે અમારું અન્ન ભેગું કરીએ છીએ. [QE]
10. [QS]દુકાળના તાપથી [QE][QS]અમારી ચામડી ભઠ્ઠીના જેવી કાળી થઈ છે. [QE]
11. [QS]તેઓએ સિયોનમાં સ્ત્રીઓ પર અને [QE][QS]યહૂદિયાનાં નગરોમાં કન્યાઓ પર બળાત્કાર કર્યો છે. [QE]
12. [QS]તેઓએ રાજકુમારોને હાથ વડે લટકાવી દીધા [QE][QS]અને તેઓએ વડીલોનું કોઈ માન રાખ્યું નહિ. [QE]
13. [QS]જુવાનો પાસે દળવાની ચક્કી પિસાવવામાં આવે છે. [QE][QS]છોકરાઓ લાકડાના ભારથી લથડી પડે છે. [QE]
14. [QS]વયસ્કો હવે ભાગળમાં બેસતા નથી [QE][QS]જુવાનોએ ગીતો ગાવાનું છોડી દીધું છે. [QE]
15. [QS]અમારા હૃદયનો આનંદ હવે રહ્યો નથી. [QE][QS]નાચને બદલે રડાપીટ થાય છે. [QE]
16. [QS]અમારા માથા પરથી મુગટ પડી ગયો છે! [QE][QS]અમને અફસોસ! કેમ કે અમે પાપ કર્યું છે. [QE]
17. [QS]આને કારણે અમારાં હૃદય બીમાર થઈ ગયાં છે [QE][QS]અને અમારી આંખોએ અંધારાં આવી ગયાં છે. [QE]
18. [QS]કારણ કે સિયોનનો પર્વત ઉજ્જડ થઈ ગયો છે તેના પર શિયાળવાં શિકારની શોધમાં ભટકે છે. [QE][PBR]
19. [QS]પણ, હે યહોવા, તમારું રાજ સર્વકાળ સુધી રહે છે. [QE][QS]તમારું રાજ્યાસન પેઢી દરપેઢીનું છે. [QE]
20. [QS]તમે શા માટે અમને હંમેશને માટે ભૂલી જાઓ છો? [QE][QS]અમને આટલા બધા દિવસ સુધી શા માટે તજી દીધા છે? [QE]
21. [QS]હે યહોવા, અમને તમારી તરફ ફેરવો, એટલે અમે ફરીશું. [QE][QS]પ્રાચીન કાળમાં હતા તેવા દિવસો અમને પાછા આપો. [QE]
22. [QS]પણ તમે અમને સંપૂર્ણ રીતે તજી દીધાં છે; [QE][QS]તમે અમારા પર બહુ કોપાયમાન થયા છો! [QE]